Guinuwa 28:31 - Loina Tabu Auwauna NT

³¹ ta Yaubada 'ina loina manuna 'iloguguyedi ta 'ie'ie'itedi 'Inapwana Yesu Keliso manuna, ta nigeya 'ebweu yaita 'itoo be 'ina loguguya 'i'etobode.

Guinuwa 28:31 Referans Kwoze

Guinuwa 4:29

'Inapwana ye, 'idi 'enapa'ala 'imu toguinuwao 'emaya geya'abo 'unoonodi, ta esi 'uda giewaiwaiyema be ma ima 'atepatu 'imu ona 'ada simana apwese.

Guinuwa 28:23

'Enega 'asiyata siupaena, ga boda yaudi siegogonama Paulo 'ina anuwaya, ga gonegonega ga 'ana laba 'iboi, 'ediya 'iloguguya, Yaubada 'ina etoloina manuna, ta Mosese 'ina loina 'enega, be palopitao 'idi onao 'ediyega, 'ie'itedi Yesu manuna, ta 'itoona be 'aene 'ida gienuwa sabwalenidi.

Madiu 4:23

Yesu Galili maibo'ana 'iasakowasiyena, ta 'idi anuwa tapwalolo 'ediya 'iloguguya, ta tetela bobo'ana Yaubada 'ina loina manuna 'isimasimane, ta wate tomota 'adi le'oasao 'ediyega 'igiebobo'anedi maibo'adi.

2 Timoti 4:17

Ta 'igu etala nina 'enaya Yaubada 'ilemegu ga waiwai 'i'ebwa'egu, ga tetelina maibo'ana yasimanena taudi nigeya me Yudia 'ediya, ta Yaubada 'ina lemega nigeya laiyoni 'ediya si'ebwa'ebwayaegu.

Pilipai 1:14

Ta wate tasidao yaudi 'igu miya deliya si'itena, 'enega sietaetapewa 'Inapwana 'ina guinuwa 'ena, ta Yaubada 'ina ona sisimasimane ma idi 'atepatu.

Guinuwa 20:25

“Wanuwa'i'isi lowa tuta yauna 'ediya yasakosakowasi 'emiya ta Yaubada 'ina etoloina tetelina manuna yaloguloguguya, ta gete wanono, ma'etamo geya'abo wate wa'ita'ita limagu.

Guinuwa 8:12

Ta muliyega Pilipi nina 'iapwesama ga tetela bobo'ana, To'etoseyana Yesu 'ana esana be Yaubada 'ina loina manudi, 'iloguguyaedi, ta siemisena, ga sibapitaiso, 'oloto be wate iine.

Guinuwa 4:31

'Idi sidasida gete silosalonina, ga anuwa nina 'ena simiyamiya 'iloniu, ga maibo'adi Yaluyaluwa Tabuna 'ina waiwaiyega si'atepatu, ga Yaubada 'ina ona siona apwesena.

Guinuwa 5:42

Ga 'asiyata 'ebweuna 'ebweuna 'ediya sie'ie'ita ta siloguloguguya Anuwa Tabu solanaya, ta wate tomota 'idi anuwao 'ediya, 'aene Yesu tauna To'etoseyana nina.

2 Timoti 2:9

'Igu loguguya nina manuna 'abo'agu ni'atu miyamwau yalobena, ga deliya siyonigu, 'atuwa toto'umalina 'ebweu. Ta Yaubada 'ina ona geya'abo 'ebweu yaita 'igiegie losa'u.

Guinuwa 23:11

Ta boiboiya 'Inapwana Paulo selabenaya 'itoolo, ta 'ieonena, “Paulo, 'uda 'atepatu. Ni'atu 'usimanegu Yelusalema 'ena, be nadigega wate 'iabe Loma 'ena 'uda simana'esa.”

Luke 8:1

Ga muliyega Yesu 'itoolo ga 'itauya 'asa sinabwadi be gidalidi 'ediya, Yaubada 'ina loina 'ana tetela bobo'ana sabi loguguyaena, ta 'ina tononoyao nidi site tuwelo ma'enao.

Maki 1:14

Ga tuta nina 'ena Kini Elodi 'iloina ga 'enega Yoni deliya sisa'u luguyena ga muliyega Yesu 'iapwesa Galili, ga Tetela bobo'ana Yaubada 'enega 'iloguguyaena,

Guinuwa 1:3

'Asiyata poti soladiya 'iapweapwesa 'ediya, ga 'ebe'ita yaudi 'ie'itedi, 'enega 'ina toololimana si'awa 'ai'ailena, ta Yaubada 'ina loina manuna 'ie'itedi.

Guinuwa 28:30

'Enega Paulo 'ina anuwa gote 'ilowagena 'ena 'imiyami yakwala 'eluwa 'ediya, ta tomota yaudi 'ina anuwaya silugulugu be ma'enao siegosigosiyana,