Guinuwa 25:23 - Loina Tabu Auwauna NT

²³ 'Enega tomwa 'iulisina ga Agalipa be Belinisi simai, ma 'adi 'oama esaesa, ga anuwa 'ebe deliegogona 'ena silugu, ta boda saiya 'ana toloinao be 'asa nina 'ana 'inapwanao siaesotedi ma idi 'amayaba. Ta Pesito 'iloina ga Paulo si'au'ewa luguyena.

Guinuwa 25:23 Referans Kwoze

Guinuwa 26:30

'Enega Kini be mwanena Belinisi be gabana be tomiyatowa maibo'adi sitoolo ga siapwesa,

Guinuwa 25:13

'Asiyata 'aina sigumwalaya, ga kini Agalipa mwanena Belinisi ma'iyana Sisalia 'ena siapwesa, sabi ona lokagutoki Pesito 'enaya.

1 Yoni 2:16

Ona'ai'aila, bale'u yagenao maibo'ana, nate yalakwaiya be gwegwe 'ana yala be nuwatu'e, yage getedi nigeya Tamada 'enega simeemai, ta esi bale'u 'enega.

1 Pita 1:24

Nadigega tuga Buki Tabu 'ina simana 'igwae, “Tomota maibo'adi 'atuwa pwatula, ta 'idi esaesao 'atuwa pwatula nidi senidiyao. Manuna pwatula nidi 'iabe simwamwawasa, 'enega senidiyao wate si'oapelu.

Yemesa 1:11

Manuna 'abo sinala 'iaala 'ediya, 'etamo 'ina waiwaiyega senina nidi si'oapelu be sibebe'u, ta wate 'adi 'ita bobo'ana 'igugumwala. Nadigega tuga toesaesao ma'etamo sida paipaisewa ta 'idi mwawasa nigeya 'ida so'i.

1 Kolinita 7:31

be wate geya'abo bale'u gete yagenao manudi wanuwanuwa wawasae, manuna tuta gidalina be sisasawala be bale'u gete 'igugumwala.

Guinuwa 12:21

'Enega Elodi 'ebweu 'asiyata 'iupaena be ma'enao sida onaona, ga 'asiyata nina 'ena 'ana 'oama esaesa 'i'otena, ga 'ina 'ebemi esaesa 'ena 'imiyatowa, ga boda nidi 'ediya 'iona.

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

Maki 6:21

'Enega Elodi nina 'ina 'asiyata tubuwa 'iapwesa ga Elodiyasa ni'atu 'eda 'inuwa lobena Yoni 'ana loemwawasa manuna. 'Asiyata tubuwa nina 'ana we'iwe'iyaya masulina siguinuwena ga 'aina 'owaga sibwauyedima sabi 'emasula. 'Owagao nidi gabemani 'adi toloinao be tolosaiya 'adi toanuganao ta 'aidi Galili 'asanao 'idi 'inapwanao.