Guinuwa 21:20 - Loina Tabu Auwauna NT

²⁰ Ta maibo'adi sinonona ga Yaubada situpuna, ta sieonena, sigwae, “Tasimai, 'u'ita tausani yauna ni'atu Yesu 'ena siemisa, ta yaudi toemisa nidi me Yudia, ga Mosese 'ina loina simulimuliye,

Guinuwa 21:20 Referans Kwoze

Loma 10:2

Yamwalatonidi 'aene Yaubada manuna sietapewa sinabwana, ta esi nigeya 'ana 'eda 'ai'aila 'enega sitautauya.

Galetia 1:14

'Enega 'agu 'epatao Yudia solanaya yaewaiwai sinedi, manuna tubudao 'idi bubuna manuna yaetapewa sinabwana ta 'agu 'epatao 'idi etapewa tupwana namo.

Guinuwa 22:3

'Abo'agu goma Yudiagu, Tasisi, Silisia 'asana, 'ena yatubuwa, ta bada Yelusalema 'enaya yasikulu, 'igu toe'ita 'ana esana Gamelieli, ta 'ie'itegu tubudao 'idi loina pa'alina 'enega, ga Yaubada 'ina guinuwa 'ena yatagwala 'ai'ailegu, nadigega gete tuga 'omi 'imi tagwala.

Guinuwa 15:1

'Enega 'aidi tomota Yudia 'enega siebusima, ga sie'ie'ita toekalesiyao me Anitioki 'ediya, sigwaegwae, “Mosese lowaenei 'iloinema bwalama 'ana daba manuna. 'Enega 'eguma 'omi daba nina nigeya wa'ewa'ewa, geya'abo 'etoseyana walobaloba.”

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Guinuwa 15:5

Ta 'aina Yesu 'ana toemisao Palisi bodadi 'ediyega sitoolo, ga sigwae, “'Eguma 'asa apwesa 'adi tomiyanao siemiemisa, 'ilobwenedi be daba si'ewa be wate tada loinedi be Mosese 'ina loinao sida muliyedi bemi, be muliyega siekalesiya 'ai'aila.”

2 Tesalonaika 1:10

Manuna 'abo tuta nina 'imamai, 'ana tupu sinabwana 'ida loba 'ina guinuwao 'ebe nuwaowana manudi 'ana toemisao 'ediyega. Ta 'omi lowa tetelina 'a'ebwa'emi ga waemisena, 'enega ma'etamo 'omi ma'emao Yesu 'ina apwesama 'enaya tada tupu.

Guinuwa 15:24

Lowa alemi 'anononaya 'aene 'aidi tomota 'emega siwai, ga mali tetela 'enega sigie kwanimi, nate taudimo 'idi nuwenuwega, ta nigeya 'ima emataluwa 'ediya 'enega.

Guinuwa 6:7

'Enega Yaubada 'ina ona 'iewaiwai tomota 'ediya, ga tomuliyao 'adi boda 'isinabwa wawasae sena Yelusalema 'enaya, ta totaliyao yaudi wate ona nina sinonona, ga Yesu siemisena.

Guinuwa 4:21

'Enega si'ena pa'alidi ga muliyega sili'amidi. Manuna nigeya 'idi loegesi silobaloba be manuna e'isa mwauna sida 'ebwa'edi, ta sana boda maibo'adi Yaubada situpuna,

Guinuwa 4:4

Ta sa'i 'idi loguguya pwalu nidi ni'atu sinonona ga tupwana yaudi siemisa, 'enega toemisa maibo'adi 'oloto 'adi sawasawa nadigega paibi tausani.

Guinuwa 2:41

'Enega 'asiyata nina 'ena 'aina tomota Pita 'ina ona sinonona ga sibapitaiso, ta 'adi yau nadigega 'etoi tausani,

Yoni 12:24

Ta wate 'ediya 'igwae, “Yaona 'ai'aila 'emiya, 'abo ewana bwa'a 'ena tadauni, ma'etamo bwa'a solanaya 'idadaula, ta esi solanega 'itatabwa be uwana bobo'ana 'isusaila, manuna 'eguma geya'abo bwa'a solanaya tadaudauni, geya'abo sa'i 'itabwatabwa be uwana bobo'ana 'isusasusaila.

Luke 15:32

ta esi tasiyo gete 'imwawasaya, ta gete tuga mayawasina taloba limena, 'enega 'ilobweneda be batuwa ma'edai tada egwausowala.’ (v 33) Tetela gete 'enega Yesu Palisiyao be loina 'ana toe'itao 'iona semalimaliyedi.

Luke 12:1

Pwalu sinabwa wawasae sideli egogonama ga siegigigila, ta Yesu 'iona nugana 'ina tononoyao 'ediya, 'igwae, “Wada 'ita'i'isimi ta Palisiyao 'idi guinuwa kabokabo geya'abo waguiguinuwedi, manuna 'idi guinuwa 'atuwa nadigega pwalawa 'ana 'ebe gieseseya. 'Ebe gieseseya nina 'abo to'ase nadigega gidalina 'iabe 'igiesinabwa,

Galetia 1:24

'Enega toekalesiyao nidi Yaubada situpuna 'igu nuwa'ebuni manuna.

Madiu 9:8

Ta boda nidi guinuwa gete si'itena ga ma idi 'amayaba Yaubada situpuna, manuna sana tauna Yesu 'ana Togiewaiwai.