Guinuwa 21:2 - Loina Tabu Auwauna NT

² Ga Patala 'enaya waga 'alobena sabi abala Pinisia, ga waga nina 'ena 'agelubala ga 'apilipili bwagabwagaya.

Guinuwa 21:2 Referans Kwoze

Guinuwa 27:6

Gote 'ena tolosaiyao 'adi toanugana nina 'ebweu Alekisanidela wagana 'ilobena, 'iabe 'itutupa Itali manuna, ga 'ena 'agelubala.

Guinuwa 15:3

'Enega toekalesiyao silokaiyoniyedi ga sena Pinisia ta Samelia siataonedi, ga 'idi sakowasi nina 'ena 'asa apwesa tomoteninao 'idi sanaila Yaubada 'ena sisimanena, ta Yesu 'ana toemisao 'asa 'ebweuna 'ebweuna 'ediya, simana gete sinonona, ga 'enega sigwausowala sinabwana.

Guinuwa 11:19

Lowa toekalesiyao 'adi talauwalao Sitibeni siloemwawasina, ta wate sitoo be toekalesiyao maibo'adi sida mutudi, 'enega toekalesiyao nidi sidena mali 'asa be mali 'asa 'ediya, ga 'aidi siapwesa Pinisia be Saipilosi be Anitioki 'ediya, ga tetela bobo'ana sisimanena me Yudia dimo 'ediya, ta nigeya 'asa nidi 'adi tomiyanao maibo'adi 'ediya.

Guinuwa 21:3

Ta ni'atu Saipilosi 'aapwesa, ta 'enega gegeumimega 'apilisi ataya, ta Silia manuna 'apilipili, ga Taiya 'ena 'alugu be 'aene waga 'ana eusana 'aina sida talasiwadi.