Guinuwa 20:9 - Loina Tabu Auwauna NT

⁹ Ta tubuwau 'ebweu, 'ana esana Yutiko, anuwa 'ana 'awa pita 'ena 'imiyatowa, ta mata'eno'enoega 'ie'etoyogala. Ta Paulo 'etamo 'ionaona, ga Yutiko nina 'i'enomwataiya, ga pita 'ana 'awa 'enega 'ibe'u bale'uya, ta simwa'uta ga sigilagasina, ta si'itena ni'atu 'imwawasa.

Guinuwa 20:9 Referans Kwoze

Maki 13:36

Ta geya'abo yalatuma be 'eno'enoega yaloeloesalutuimi.

Guinuwa 14:19

Ta sa'i me Yudia Anitioki be Ikoniami 'ediyega simai, ga silugu boda nidi Paulo ta Banaba 'adi toenonoyao soladiya, ga silo'ae etuetunedi ga Paulo gulewega siloibweibwena, ta 'asa solanega silisi apwesena, ta 'idi nuwanuwa ni'atu 'imwawasa.

Maki 9:26

'Enega yaluyaluwa nina 'imagamagana ga gwama 'ana lobwebwai 'iginaona ga 'idededela sinabwana, ta yaluyaluwa bi'i 'enega 'iapwesa ga 'itauya. Ta boda gwama si'itena 'ana 'ita 'atuwa 'imwawasa, ga simatauta ta sigwae, “Ni'atu 'imwawasa.”

Guinuwa 20:7

Wiki 'ana gimi 'asiyata 'ena maibo'ama 'adeli egogona beledi gitogitomwana 'ana 'ebe nuwa'i'ita sabi guinuwena, ga Paulo 'iloguguya, manuna mali 'asiyataya 'ina tuta tauya. Ta 'ina ona guguya nina 'iloedudulina ga 'ana laba niuniuwanaya, ta tuwa tuga 'etamo 'iloguloguguya.

Guinuwa 20:8

Ta anuwa 'ana tu'e nadigega anuwa 'etoi, ta 'etonina 'ena 'adeli tu'e, ta mayale yaudi 'agabudi.

Guinuwa 20:10

Ta Paulo 'imwa'uta ta 'ena 'ikopu sanamwa'uta, ga 'i'atubwailina ta 'iona, “Geya'abo wa'ate'ate sa'ala. Yawasina 'imiyami.”