Guinuwa 2:42 - Loina Tabu Auwauna NT

⁴² ga sitagwala 'ai'ailedi tosimanao nidi 'idi e'itao 'ediya, ta siegosigosiyana 'ai'ailedi, ta si'e'ai leleleya, ta wate sisidasida Yaubada 'ena.

Guinuwa 2:42 Referans Kwoze

Ibeliu 10:25

'Aidi gosedao tapwalolo 'ana deliegogona sinuwa pupulena, ta geya'abo 'omi nadigega, ta esi tuta maibo'ana wada giepa'alimi, be 'abo to tuta wamwalatonina 'aene Yesu 'ina ilalimanama selabenaya wada elemalema 'ai'aila, 'imi deliegogona 'ediya.

Guinuwa 1:14

Maibo'adi getedi 'idi 'atetagwalega sisidasida Yaubada 'ena, iine ma'ediyao, be Meli, tauna Yesu sinana, be Yesu tasinao wate ma'ediyao.

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

1 Yoni 1:7

Ta 'eguma sena maedana 'ena tamiyami, nadigega Yaubada nina sena maedana 'ena 'imiyami, nate taegosigosiyana 'ai'aila, manuna Natuna Yesu lalanega 'igie'esaseda 'ida to'umalinao maibo'adi 'ediyega.

Guinuwa 2:46

'Enega 'asiyata 'ebweuna 'ebweuna 'ediya ma idi 'atetagwala sitapwatapwalolo Anuwa Tabu 'enaya, ta taudi 'idi anuwaya ma idi gwausowola si'e'ai egogona,

Guinuwa 20:7

Wiki 'ana gimi 'asiyata 'ena maibo'ama 'adeli egogona beledi gitogitomwana 'ana 'ebe nuwa'i'ita sabi guinuwena, ga Paulo 'iloguguya, manuna mali 'asiyataya 'ina tuta tauya. Ta 'ina ona guguya nina 'iloedudulina ga 'ana laba niuniuwanaya, ta tuwa tuga 'etamo 'iloguloguguya.

Epeso 6:18

Tuta maibo'ana Yaluyaluwa Tabuna 'ina lema 'enega wada sidasida, be wada 'awa'awanoi Yaubada 'enaya, be ma imi toolopa'ala wa'ita'i'isimi be wasidasida toekalesiyao maibo'adi manudi,

Yude 1:20

Gosegwao, 'ilobwenemi be tapwalolo 'esasena wagiyai'i'isi, be 'enega wada giepa'alimi, be wate Yaluyaluwa Tabuna 'ina waiwaiyega wada sidasida Yaubada 'enaya,

Kolose 4:2

Wa'ita'i'isimi be geya'abo 'imi sidasidao sineeneta, ta esi wada lokagutoki Yaubada 'ena, be wada e'alama'i'ita 'imi sidasidao 'ediya.

Kolose 1:23

nate 'eguma 'imi emisa geya'abo 'ineeneta, be 'eguma watoolo pa'ala tetela bobo'ana nina wanononaya 'ana emisa 'ena, ta nigeya wapilipilisine. Tetela nina 'ana loguguya tomota maibo'adi bale'uya sinononaya, ta 'abo'agu Paulo 'ana tologuguya 'ebweu.

2 Timoti 3:14

Ta 'oyo esi e'ita nidi ni'atu 'uemisedi ga 'umwalatonidiya, 'ediyega 'utatauya, manuna 'abo'ama 'imu toe'itao ni'atu 'umwalatonima 'aene 'ima e'itao nidi wate 'amulimuliyedi.

Epeso 2:20

'Omi wate si'abimi, 'enega 'abo'ada 'atuwa anuwa, ta Yesu Keliso tauna 'ida 'autui, be tauna 'ena 'ola sinabwadi nate Yesu 'ana tosimanao be palopitao,

Guinuwa 14:22

Ta 'idi sakowasi nina 'ena Yesu 'ana toemisao sigiepa'alidi 'asa 'ebweuna 'ebweuna 'ediya, ta siloguguyedi be geya'abo 'idi emisa 'ida neeneta, ta sigwae, “Ona'ai'aila, ma'etamo 'ida 'elouyao yaudi 'ediyega talulugu Yaubada 'ina 'ebeloina 'ena.”

Guinuwa 6:4

Ta 'abo'ama 'ada etapewa sidasida manuna, ta wate Yaubada 'ina ona 'ana e'ita manuna.”

Guinuwa 4:31

'Idi sidasida gete silosalonina, ga anuwa nina 'ena simiyamiya 'iloniu, ga maibo'adi Yaluyaluwa Tabuna 'ina waiwaiyega si'atepatu, ga Yaubada 'ina ona siona apwesena.

1 Kolinita 10:21

Nigeya 'ana 'ita bobo'ana 'eguma 'Inapwana 'ana keiga 'enega wanumanuma be 'ina 'ebe 'e'ai 'enega wa'e'ai ta wate Taumudumudulele 'ina guinuwa waguiguinuwedi,

Loma 12:12

Ta wanuwayai 'aene ma'etamo Yaubada 'ina lema 'iapwesa 'edaya be manuna wada gwausowala, 'enega 'imi miyamwau 'ediya wada sidasida Yaubada 'enaya ma imi 'alama'i'itana.

Ibeliu 10:39

Ta 'abo'ada geya'abo tasanasanaila, manuna nate 'ebe esilae. Tuwa tuga ma ida emisa be 'enega yaluyaluwada simiya bobo'ana.

Guinuwa 11:23

Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya.

1 Kolinita 11:2

Kagutoki gosegwao, manuna e'itao nidi ya'ebwa'emi ni'atu wanuwa'i'isidi ta wagiyaidi.

Guinuwa 20:11

Ta tubuwau nina si'au'ewa tu'eyena mayawasina, ta manuna sigwausowala sinabwana. 'Enega Paulo 'itu'e limana ga beledi 'igitomwena ga si'e'ai, ta 'enega ma'enao si'awa'awagwae ga 'ana laba tomwa 'iulisina, 'enega 'itoolo ga 'ipilisinedi.

1 Yoni 2:19

ta Keliso 'ana talauwalao nidi 'adi 'ita 'atuwa Keliso 'ana toemisao, ta nigeya. Manuna taudi 'eguma 'ida boda 'ai'aila, 'etamo ma'edao tamiyami. Ta nigeya sa'i! Ni'atu sipilisineda.

Galetia 1:6

'Ebe nuwaowana gete 'eguya, manuna lowa Yaubada 'iesinuwemi be 'aene oboboma Keliso 'enega waloba, 'enega tetelina waemisena, ta walomanini gete tuga ga waguitoyasena, ta mali tetela waemisena.

Guinuwa 4:23

'Enega Pita be Yoni siapwesa ga gosediyao 'ediya sitauya, ga totaliyao sinabwadi be 'inapwanao 'idi ona sisimanedi.

Luke 24:35

'Enega siteluwa nidi silolagata ga wate siemwasala to'ase nadigega 'edaya 'iapwesa, ta wate 'ina gitomwa beledi 'enega si'inanena, siemwasalina.

Luke 24:30

'Idi tuta 'e'ai 'enaya, Yesu beledi 'i'ewena ga manuna 'iona oboboma, ga muliyega 'igitomwena ga 'i'ebwa'edi.

1 Kolinita 14:6

'Enega gosegwao wada nuwa'i'isi 'abo yawawai 'emiya, be mali 'enana 'enega yaonaona 'emiya, nai geya'abo lema 'enega walobaloba. Ta esi 'abo yawawai 'emiya be lotoona auwauna nai mwalatoi nai loguguya nai e'ita ya'ebwa'emi, gete 'ebe lema 'emiya.

Pilipai 1:5

be ma igu lokagutoki 'ama lemao 'emiyega 'alobalobadi, tetela bobo'ana 'ana simana'unuyega ga batuwa.