Guinuwa 2:31 - Loina Tabu Auwauna NT

³¹ 'Enega To'etoseyana nina 'ina toololimana 'igimi mwalatonina, ga 'ieonena 'aene geya'abo tomwawasao yaluyaluwadi 'idi 'asa 'ena 'imiyamiya ataya, ta wate bwalana geya'abo 'imwaumwaulu.

Guinuwa 2:31 Referans Kwoze

Guinuwa 2:27

'Abo'agu 'imu tai esiesinuwagu, 'enega geya'abo yaluyaluwagu 'usa'usa'u ataya tomwawasao 'idi 'asaya, nai bwalagu wate 'imwaulu.

Guinuwa 13:35

“Ta wate 'ebweu Same 'ena 'igimi simanena, 'igwae, ‘Geya'abo 'utagwatagwala be tauna 'amu esiesinuwana 'imwaumwaulu.’

Madiu 11:23

“Ta me Kapaneumi 'omi mwa'adega? 'Aene taumi wagitu'eyemi galewaya, aga? Geya'abo sa'i! Ta esi 'iabe tomwawasa 'idi 'asa 'ubuninaya sida ulamwa'utemi. Manuna 'ebe nuwaowana nidi ni'atu yaguinuwedi 'emiya ta sa'i nigeya wanuwanuwa 'ebuni, ta esi 'eguma me Sodoma 'ediya yada guinuwenaya, nai lowaenei sida nuwa'ebuni, 'enega Yaubada geya'abo 'ida pe'upe'udi, ta batuwa 'idi 'asa 'ida miyami.

1 Kolinita 15:4

ga sisa'u 'ali'aliyena ta 'asiyata 'etonina 'enaya 'itoolo limana, nadigega wate Buki Tabu 'isimana.

Galetia 3:8

Lowaenei Yaubada Ebelaamo 'ieonena, 'igwae, “'Oyo 'emuyega ma'etamo taudi nigeya me Yudia 'idi 'ebe gwausowala sida loba.” Ta Yaubada 'ina ona gete Buki Tabu solanaya 'igimi simanena, sena yaudi 'adi giepalupalu Yaubada 'ana emisa 'enega manuna.