Guinuwa 19:9 - Loina Tabu Auwauna NT

⁹ Ta sa'i 'aidi deba pa'apa'alidi ga nigeya siemiemisa, ta Yesu 'ina 'eda nina si'awa to'umaliyena toegogona nidi matadiya. 'Enega Paulo 'itoolo ga 'ana tomuliyao ma'enao siapwesa, ga silugu Tilano 'ina anuwa 'ebe sikulu 'enaya, ga nada 'asiyata 'ebweuna 'ebweuna 'ediya Paulo 'iloguloguguya.

Guinuwa 19:9 Referans Kwoze

Guinuwa 19:23

Ta tuta gote 'ena egewagewana sinabwana 'iapwesa Yesu 'ina 'eda'eda manuna, ga gete nadigega 'iapwesa'esa.

Guinuwa 9:2

nuwanuwana 'ina letao 'ida 'etoladidi be 'ida tauyedi me Yudia 'idi deliegogonao Damasiko 'ena 'ediya, ta leta nidi 'ediyega 'aene 'eguma Yesu 'ina 'eda 'ana tomuliyao 'ilobadi, me'olotodi nai mewainedi, 'ida giyaidi be 'ida me'edi Yelusalema, sabi etalaedi. 'Enega leta nidi 'i'ewedi ga 'itauya.

2 Pita 2:12

Ona'ai'aila toto'umalina nidi 'atuwa yobai. Yobai 'adi lotoona namo simulimuliyedi, ta nigeya sida nuwanuwa palupalu, 'enega tomota yobai nidi sigiyaidi be siunudi. Toto'umalidi wate mwalatoi 'ai'aila nigeya sida mwalatonina ta esi si'awa'awa to'umaliye, 'enega taudi wate sida esilae, yobai nadigega,

Guinuwa 14:4

Ta sa'i me Ikoniami nidi siweyala, ga 'aidi me Yudia si'awa 'ai'ailedi, ta 'aidi Yesu 'ana tosimanao si'awa 'ai'ailedi.

Yude 1:10

Ta toto'umalina nidi, 'eguma to'ase nigeya simwalamwalatoni, ta tuwa tuga si'awa to'umaliye, manuna taudi 'atuwa bomitawa nadigega, ga 'adi lotoona siloiloinedi, ga 'enega taudimo sigieto'umaliyedi.

2 Pita 2:2

Ta tomota yaudi 'idi guinuwa to'umalina nadigega loelata sida etotowanedi, nate Yesu 'ina 'eda 'ai'aila 'ana 'ebe 'awato'umali.

Ibeliu 3:13

Ta gete tuga taumimo waelemalema 'asiyata 'ebweuna 'ebweuna 'ediya, be 'enega geya'abo bubuna to'umalina 'ena wakwanikwani be Yaubada 'enana waloguitoyase.

1 Timoti 6:5

'Enega gosediyao ma'ediyao siegewagewana, ta 'idi nuwanuwa geyogeyoi manuna e'ita 'ai'aila geya'abo simwalamwalatoni, ta esi sinuwena 'aene Yaubada 'ana 'amayaba 'enega esaesa bale'u sinabwana siloba.

Loma 11:7

Gete 'alena 'enega me Isileli maibo'adi 'etoseyana nina si'ebesa yogenena, ta esi 'abo'ama pu'epu'emamo Yaubada 'ina bodao esiesinuwama 'etoseyana nina 'alobena, manuna me Isileli nidi maibo'adi debadeba pa'alidi, ga nigeya silobaloba.

Loma 9:18

'Enega ona'ai'aila, 'abo Yaubada nuwanuwana be yaita 'iobobome 'ida obobome tuga, ta 'abo yaita nuwanuwana be 'igie debapa'ali, 'iabe 'ida debapa'ala.

Guinuwa 22:4

Ta emisa auwauna gete 'ana tomuliyao yaetalauwaledi, ga me'olotodi be mewainedi deliya yasa'u luguyedi, ta 'aidi yaloemwawasidi.

Guinuwa 7:51

Ta Sitibeni 'ieonedi wate 'igwae, “Ona'ai'aila, 'omi debapa'ala 'alemi, 'enega Yaubada 'ina lodaba bwalamimo 'enaya, ta nigeya 'atemiya nai tenamiya, 'enega tuta yauyauna Yaluyaluwa Tabuna 'ina loina waguiguitoyase, nadigega tubumiyao siguitoyasena.

2 Timoti 4:2

'Amu loina nina gete: Tuta maibo'ana 'uetapewa waiwai be tetelina 'usimane, tuta mwau ta tuta gwausowala 'ediya, be tomota 'ediya 'uloguguya be siemisa, ta wate 'ugiepaludi be 'ugiewaiwaiyedi, ta yage nidi getedi 'ue'ita 'ai'ailidi ma imu 'alama'i'ita.

2 Timoti 3:5

Tomota nidi sitapwatapwalolo, ta Yaubada 'ina waiwai nigeya sida emisena, 'enega 'idi tapwalolo nina yage besobeso. 'Enega tomota nidi 'adi boda 'ena geya'abo 'ulugulugu.

2 Timoti 1:15

Ni'atu 'umwalamwalatoni 'aene me Esia taudi Paigelio be Elimogini, ta boda nidi, siguitoyasegu ga sipilisinegu.

Guinuwa 28:22

Ta esiya nuwanuwama 'ada nono 'emuyega to'ase 'imu nuwanuwa nidi, manuna sena yauyaudi tomoteninao 'imu boda ekalesiya si'awa to'umaliyena.”

Guinuwa 24:21

“Ta 'ebweuna namo ona yabwau apwesena, tuta nina gamwagamwanidiya yatootoolo, ga manuna sie'ewegu, nate ona'ai'aila. Ta 'igu ona nina 'aene ‘Batuwa matamiya yaetala manuna yaemisa 'aene tokwaiyao sida toololimana.’ ”

Guinuwa 20:31

'Enega walomata'i'ita be wate 'igu loguguya wanuwa'i'isi, 'aene yakwala 'etoi soladiya nigeya yada eyawai'ata, 'asiyata be boiboi 'ediya, ta esi ma mataselugu yaloguloguguya 'ebweuna 'ebweuna 'enaya.

Guinuwa 19:30

Ta Paulo nuwanuwana be togalala nidi 'ediya 'itatauya, ta toekalesiyao si'etobodena,

Guinuwa 17:4

'Enega 'aidi si'awa 'ai'ailena ga Paulo be Sailasa 'idi boda 'ena silugu, ta Yaubada 'ana to'amayabao taudi nigeya me Yudia 'ediyega, be iine 'adi esanao sinabwadi 'ediyega, yaudi wate siemisa.

Guinuwa 11:26

ga 'ilobena, 'enega ma'iyana siila Anitioki 'enaya. 'Enega yakwala 'ebweuna solanaya silugulugu toekalesiyao nidi 'idi deliegogonao 'ediya, ta tomota yaudi sie'ie'itadi. 'Asa nina Anitioki 'enaya Yesu 'ana tomuliyao tuta nina 'ena sigimi eesedi Kelisitianiyao.

Yoni 12:40

“Yaubada ni'atu matadi 'igiekebodi, ta wate 'idi nuwanuwa 'igibodedi, be gote 'enega nigeya sawesawediya be matadiyega sida 'ita'ita, ta nigeya sawesawediya be 'idi nuwanuwa 'enega mwalatoi sida 'ewa'ewa, ta wate nigeya sawesawediya be sida sanailama be 'aene yada giebobo'anedi.”

Madiu 26:55

Gote 'ena Yesu boda 'ieonedi, 'igwae, “Sana 'abo'agu to'ipwala, ga 'enega ma imi sisisaiya be ma imi wepasi wamai sabi giyaigu! Ta to'ase 'alena ga 'enega nigeya wagiyagiyaigu 'asiyata nidi yaudi Anuwa Tabu 'ena yamiyami ta yae'ie'ita tomota 'ediya?

Madiu 16:4

'Epata gete 'omi to'umalimi ta sogala 'alemi, nate 'alena we'iwe'iyaya wa'ebe'ebese be 'aene 'ediyega wada mwalatoi 'ai'ailigu 'aene Yaubada 'enega yamai, ta geya'abo sa'i we'iwe'iyaya nidi wa'ita'ita. Nate namo Yona manuna wanuwa'i'isi, tauna tuga we'iwe'iyaya manumi.” 'Enega Yesu 'ipilisinedi ga 'itauya.

Madiu 15:14

Ta tuwa tuga, Palisiyao nidi sida miyami 'ana laba sibebe'u, manuna taudi toanuganao matakebokebodi, be 'eguma gosediyao matakebokebodi sianuganedi, 'iabe maibo'adi gaulaya sibebe'u.”

1 Kolinita 16:9

Manuna 'asa gete 'enaya sawesawenaya be Yesu 'ina paisewa sinabwana yada guinuwe, 'anabwa'ayoi 'agu talauwalao yaudi simiyami.