Guinuwa 18:14 - Loina Tabu Auwauna NT

¹⁴ Ga Paulo 'iabe be 'ieona limadi, ta Galio sa'i 'iona nugana me Yudia 'ediya, ta 'igwae, “Me Yudia, 'omi 'igu ona wanonoi: 'Eguma tai gete 'ibubuna to'umalina nai loegesi 'iguiguinuwe, 'ilobwenena be 'imi e'ewa yada nono,

Guinuwa 18:14 Referans Kwoze

Ibeliu 5:2

'Ida totaliyao nidi sida bubuna nuwana toemwagemwageyao be toloegesiyao 'ediya, manuna totaliyao tomota tuga, ma idi neneta.

2 Kolinita 11:4

'Enega 'abo yaita 'iweewai be Yesu tetelina 'emiya 'iloguguya, ta nigeya 'abo'ama 'ima loguguya nadigega, tauna 'enaya watagwalemi tuga. 'Omi ni'atu tetela bobo'ana 'ena watagwalemi ga Yaluyaluwa Tabuna 'emiya walotoona, ta sa'i mali tetela be mali yaluyaluwa 'ediya watagwatagwalemi.

2 Kolinita 11:1

'Igu ona gete 'atuwa uwauwagu yaonaona, ta esi 'eguma wae'alama'i'itanedi, 'igu nuwanuwa yada simana apwesa 'emiya.

Loma 13:3

Ta toloinao nidi nigeya 'idi paisewa be 'aene tobobo'adi 'ediya sigiematauta, ta esi toto'umalidi 'ediya. 'Enega 'eguma geya nuwami be toloinao wada matautedi, 'ilobwenena wada bubuna palupaluna, be 'enega toloinao nidi sida 'awabobo'anemi.

Guinuwa 25:26

“Ta nigeya 'ebweu 'ina loegesi manuna, be 'ida 'inapwana Sisa 'ena yada 'etoladi. Gete 'enega ya'au'ewenama matamuya kini Agalipa, be 'omi wate maibo'ami, be 'enega 'aene etala gete mulinaya 'ina loegesi 'ebweu taloba, be manuna ya'etoladi Sisa 'enaya.

Guinuwa 25:11

'Eguma nadigega 'aene 'abo'agu tole'oa loina be 'enega loegesi gete manuna 'ilobwenena yada mwawasa, bobo'ana. Mwawasa nigeya yamatamatautei. Ta 'abo nigeya 'ebweu 'igu to'umalina walobaloba 'idi e'ewa 'ediyega, nigeya 'ilobwelobwene be 'uda 'ebwayaegu 'ediya, ta esi kini sinabwana, tauna Sisa, 'ina etala nuwanuwagu.”

Guinuwa 21:39

Ta Paulo 'igwae, “Nigeya. 'Abo'agu goma Yudiagu, ta 'igu 'asa Tasisi, sena Silisia solanaya, 'asa nina 'asa sinabwana. Ta sawesawenaya 'utagwalegu be tomota 'ediya yada ona?”

Guinuwa 13:18

Ta yakwala poti 'ediya 'idi nenetao 'ie'alama'i'itanedi sena mwatui daita mitawaya.

Maki 9:19

Ta Yesu 'ieonedi, 'igwae, “'Omi sana mwa'adega? Ga debami pa'ala yaita! Ni'atu 'imi debapa'ala 'enega yalo'ame'ame. Baga gwama nina wame'e 'eguya be ya'ita.”

Madiu 5:2

'enega Yesu 'ie'ale ga 'ie'ita 'ediya, 'igwaegwae:

Guinuwa 13:10

ta 'igwae, “'Oyo Seitani 'ina boda ta kabo 'aleyo, 'enega guinuwa palupaluna 'uetalauwalena, ta 'Inapwana 'ina 'eda palupaluna tuta maibo'ana 'utootoo be 'aene 'ugiebokoboko.