Guinuwa 17:11 - Loina Tabu Auwauna NT

¹¹ Lowa Tesalonaika 'ena me Yudia geya nuwadi tetela nina, ta sa'i me Yudia Belia 'ena 'idi tagwala bobo'ana, ga tetela nina nuwadi 'i'ewena, 'enega 'asiyata 'ebweuna 'ebweuna Buki Tabu sisawasawa be 'aene tetela gete 'ana 'ai'aila sida mwalamwalatoni.

Guinuwa 17:11 Referans Kwoze

Yoni 5:39

“Tuta yauyauna Buki Tabu wasawasawa ga wanuwena 'aene ma'etamo yawasimi ataya wada loba, ta nigeya wanuwanuwa sabwaleni 'aene Buki Tabu nina 'isimasimanegu.

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

Madiu 13:23

“Ta atuna nidi bwa'a bobo'ana 'enaya sibe'uya taudi tetela bobo'ana sinonona ga 'ana mwalatoi 'ediya 'imiyami ga uwadi bobo'adi sisa'udi. 'Aina uwadiyao analedi, ta 'aina sikisiti, ta 'aina teti.”

1 Tesalonaika 1:6

'Enega ni'atu waetotowanema, ta wate 'ida 'Inapwana waetotowanena, ga ma imi miyamwau, ta tetela nina wa'ewena ma imi gwausowala, ta gwausowala nina Yaluyaluwa Tabuna 'enega 'imai.

Yoni 3:21

Ta 'eguma yaisigedi taudi 'idi bubuna palupaluna maedana 'ena sida apwesa be 'enega maedana 'ida gieapwesedi 'aene taudi 'idi guinuwa bobo'ana Yaubada 'enega.”

2 Tesalonaika 2:10

Ta taudi tetela 'ai'aila 'ana tologuitoyasao 'idi sena 'asa gabugabu, Yaubada 'ida tagwaledi be Seitani 'ina kaboyao maibo'ana sida emisedi, ta taudi bwa'omatana sida loba, manuna e'ita 'ai'aila siguitoyasena,

1 Pita 2:2

ta 'ilobwenemi be yaluyaluwami 'ana susu bobo'ana wada 'ebese. Nadigega taudi gogama meyameyadi susu nuwanuwadi, be susu nina yaluyaluwami 'adi 'etoseyana manuna.

Luke 24:44

Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Yemesa 1:21

'Enega 'imi bubuna be 'imi guinuwa to'umalidi wada pilisinedi, be wada tagwalemi Yaubada 'enaya, ta wate Yaubada ona nina 'atemiya 'iasonaya wada emisei, be wada ematamatane, be 'enega 'etoseyana waloba.

Guinuwa 10:33

'Enega yalomanini ga 'igu 'ali'eiyao nidi yaetunediwaya ga sibwauyemuma, ta 'utagwalemuya ga 'umai, ga kagutoki. 'Enega gete tuga maibo'ama Yaubada matanaya 'adeli egogonama, be to'ase 'Inapwana 'iloinemuya 'uda eonama, be 'ada nono.”

Guinuwa 2:41

'Enega 'asiyata nina 'ena 'aina tomota Pita 'ina ona sinonona ga sibapitaiso, ta 'adi yau nadigega 'etoi tausani,

Guinuwa 17:1

'Enega Amipipoli be Apolonia 'ediyega sitauya ga Tesalonaika 'ena siapwesa, ta Tesalonaika 'ena me Yudia 'idi anuwa tapwalolo 'imiyami.

Guinuwa 11:1

Ta Yesu 'ana tosimanao, ta wate toekalesiyao, taudi Yudia 'ana tomiyanao, ni'atu tetela sinonona 'aene 'aidi tomota taudi nigeya me Yudia ni'atu Yaubada 'ina ona siemisena.

Luke 16:29

'Enega Ebelaamo tai nina 'ieonena, 'igwae, ‘Ni'atu tasimwao nidi 'adi toemataluwa simiyami, taudi nate Mosese be palopitao 'idi ona nidi Buki Tabu 'enaya. Ona gete solanaya sawesawenaya be tasimwao nidi sida enono'ai'aila.’

Luke 1:2

Tetela nidi si'etoladidi to'ase nadigega taudi to'awa'ai'ailao sigimi'itena, 'enega siloguguya ga siemwasala 'emaya,

Luke 11:3

'Ama masula 'asiyata 'ebweuna 'ebweuna 'enaya 'uda 'ebwa'ebwa'ema.