Guinuwa 15:39 - Loina Tabu Auwauna NT

³⁹ 'Enega Paulo be Banaba siegewagewana sinabwana Maki manuna, ga Banaba Maki 'i'au'ewena ga sigelu wagaya ga sidolo salu Saipilosi 'enaya.

Guinuwa 15:39 Referans Kwoze

Kolose 4:10

Alisitako ma'iyagu deliya 'amiyami, be 'ina lokagutoki 'emiya gete yasimasimanenawa, ta wate Maki, tauna Banaba nibana (Lowa yaemataluwemi Maki nina manuna, 'aene 'eguma 'iwawai wada bwauye 'imi anuwaya),

Yemesa 3:2

Ona'ai'aila, maibo'ada loegesi taguiguinuwe. Ta 'abo yaita tauna nigeya ona to'umalina 'awanega 'ida apwesa, tauna tai 'esasena ta palupaluna, manuna sawesawenaya be oona maibo'ana 'iloine.

Guinuwa 4:36

Toesaesa 'ebweuna 'ediyega, 'ana esana Yosepa, ta 'ana esana auwauna tosimanao nidi si'ebwa'ena Banaba, nate 'ana mwalatoi “Togie'atepatu,” tauna goma Saipilosi, ta Libai 'ina susu 'ebweu,

Guinuwa 11:20

Ta muliyega 'aidi toekalesiyao, taudi me Saipilosi be me Sailini, siapwesa Anitioki 'enaya, ga 'Inapwana Yesu tetelina siguguyaena me Yudia, be taudi nigeya me Yudia wate, 'ediya,

Guinuwa 6:1

Tuta gote 'ena Yesu 'ana toemisao 'idi boda 'isinasinabwa, ga 'ediyega to'ena Gilisi 'idi bodao to'ena Yudiao silomugiyedi, manuna 'asiyata 'ebweuna 'ebweuna, 'abo tuta nina masula sieguyaiyedi kwabulao 'ediya, taudi to'ena Gilisi 'idi kwabulao 'adi masula nigeya sawesawediya, 'enega sibotabotana.

Guinuwa 27:4

Ta Saidoniyega 'atupa limana ga Saipilosi gwaunega 'apili sakowasi, manuna Saipilosi matanega yagila 'ilodebedebema.

Guinuwa 15:2

Ta Paulo be Banaba nigeya si'awa'awa 'ai'ailedi, 'enega ma'ediyao siegewagewana sinabwana. Ga toekalesiyao Anitioki 'ena Paulo, be Banaba, be 'aina wate tomuliyao 'ediyega, siesinuwedi be 'aene sida tu'e Yelusalema, be nuwanuwa gete manuna sida onaona, nai sida loina, Yesu 'ana tosimanao site tuwelo be wate toanuganao ma'ediyao.

Guinuwa 12:12

Pita ni'atu nuwana 'isabwalena ga 'itauya Meli 'ina anuwaya, tauna Yoni sinana, ta Yoni 'ana esana 'eluwena Maki, ta anuwa nina solanaya tomota yaudi sideli egogonama, ga sisidasida Yaubada 'enaya.

Guinuwa 15:37

'Enega Banaba 'igwae, “O bobo'ana, ta Yoni tauna taeesena Maki ta'au'ewa be ma'edai tatautauya.”

1 Pita 5:13

Ta wate toekalesiyao sena gete Babiloni 'enaya 'idi oboboma 'emiya. Taudi Yaubada 'iesinuwedi nadigega tuga 'omi 'iesinuwemi, 'idi ona oboboma 'emiya. Ta wate natugu Maki 'ina ona oboboma 'emiya.