Guinuwa 14:8 - Loina Tabu Auwauna NT

⁸ Lisitila 'ena 'ebweu tai silobena 'ina tuta tubuwa 'enega ga 'ietai, ta 'imiyamiya namo tuga, ta nigeya 'ida toolo nai 'ida adadana, manuna ma'ae lopelopegoina 'itubuwa.

Guinuwa 14:8 Referans Kwoze

Guinuwa 3:2

Ta Anuwa Tabu nina 'ana 'awa sieesena Kausala selabenaya, tolopegoi 'ebweu 'imiyami, tauna 'ina tuta tubuwa 'enega ma ina lopegoi, 'enega gosenao 'asiyata 'ebweuna 'ebweuna 'ediya sime'eme'e 'awa nina 'ena be 'iesidasida 'ina mani nai 'ina gwegwe manudi, Anuwa Tabu 'ana toluguyao 'ediya.

Guinuwa 4:9

nai 'ima etala batuwa 'alena manuna tolopegoi 'alemena, be 'aene mwa'adega 'agiebobo'ana 'esena?

Yoni 5:7

'Enega tole'oasa nina 'igwae, “'Inapwana, nigeya 'ebweu 'agu tolemamo be bwasi gete 'ena 'ida sa'u ebusiyegu, 'abo bwasi 'ina 'apwayama 'ana tutaya. Tuta yauna yatoo be 'aene taugumo yaebusi ta nigeya sawesaweguya, ta mali tole'oasao sima be siebusi be sibobo'ana, ta 'abo'agu tuga 'agu 'itanigu.”

Guinuwa 14:6

Ta esiya alena sinonona ga sidena, ga sitauya Lakeonia 'asanao 'ediya, nate Lisitila be Dabi 'ediya,

Guinuwa 14:21

Dabi 'ena tetela bobo'ana siloguguyaena, ga tomota yaudi siemisena, ga simuliyena, 'enega Paulo be Banaba siila limana Lisitila be Ikoniami be Anitioki 'ediya.

Guinuwa 16:1

Ga 'idi sakowasi 'enaya sitauya Debi be Lisitila 'ediya, ga Lisitila 'ena Yesu 'ana tomuliya 'ebweu silobena, 'ana esana Timoti, tauna sinana waine Yudia ta Yesu 'ana toemisa, ta tamana sa'i goma Gilisi.

2 Timoti 3:11

ta sena nidi Anitioki be Ikoniami be Lisitila 'ediya 'igu miyamwau be 'igu 'elouya tomota 'ediyega yalobediya wate 'umwalamwalatoni. Sena nidi 'ediya yamiyamwau 'ai'aila, ta mwau nidi maibo'adi 'ediyega 'ida 'Inapwana 'i'etoseyegu.