Guinuwa 14:26 - Loina Tabu Auwauna NT

²⁶ ga wagega sigelu, ga siila Anitioki, sena nina lowa 'enega 'idi guinuwa nina sie'alena, ta 'ena wate lowa Yaubada 'ina oboboma silobena, paisewa nina ni'atu silosalonina manuna.

Guinuwa 14:26 Referans Kwoze

Guinuwa 15:40

Ta Paulo Sailasa 'iesinuwena be 'ida 'oayabuna 'ina sakowasi nina 'ena. 'Enega toekalesiyao Yaubada 'ena sisidasida be 'ina obobomega siteluwa nidi 'ida giewaiwaiyedi; ta sitauya,

Guinuwa 11:19

Lowa toekalesiyao 'adi talauwalao Sitibeni siloemwawasina, ta wate sitoo be toekalesiyao maibo'adi sida mutudi, 'enega toekalesiyao nidi sidena mali 'asa be mali 'asa 'ediya, ga 'aidi siapwesa Pinisia be Saipilosi be Anitioki 'ediya, ga tetela bobo'ana sisimanena me Yudia dimo 'ediya, ta nigeya 'asa nidi 'adi tomiyanao maibo'adi 'ediya.

Kolose 4:17

Ta Alikipo waeona, 'aene, “Guinuwa nina 'Inapwana 'i'ebwa'emuya, 'uda etapewa 'ena be 'ulosaloni.”

Kolose 1:28

Tauna Keliso nina 'asimasimane, ta 'ima mwalatoi 'ai'ailega 'aloguguya ta 'ae'ie'ita tomota maibo'ami 'emiya, be 'aene Keliso 'ana toemisao 'omi 'ada gieapwesemi ma imi bubuna maibo'ana bobo'ana, ta matuwana.

Kolose 1:25

Ta toekalesiyao 'omi manumi 'abo'agu wate Yaubada 'ina loinega yaetoanugana, be 'aene Yaubada 'ina ona yasimana apwese,

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

Loma 15:19

ta wate 'igu guinuwao waiwaidi ta 'ebe nuwaowana si'itedi, manuna Yaluyaluwa Tabuna 'ina waiwaiyega Keliso tetelina yaguguya sakowasiyena Yelusalemega ga 'ana laba yamai Ililikami 'enaya.

Guinuwa 11:26

ga 'ilobena, 'enega ma'iyana siila Anitioki 'enaya. 'Enega yakwala 'ebweuna solanaya silugulugu toekalesiyao nidi 'idi deliegogonao 'ediya, ta tomota yaudi sie'ie'itadi. 'Asa nina Anitioki 'enaya Yesu 'ana tomuliyao tuta nina 'ena sigimi eesedi Kelisitianiyao.

2 Timoti 4:2

'Amu loina nina gete: Tuta maibo'ana 'uetapewa waiwai be tetelina 'usimane, tuta mwau ta tuta gwausowala 'ediya, be tomota 'ediya 'uloguguya be siemisa, ta wate 'ugiepaludi be 'ugiewaiwaiyedi, ta yage nidi getedi 'ue'ita 'ai'ailidi ma imu 'alama'i'ita.

Galetia 2:11

'Enega muliyega tuta nina Pita 'imai Anitioki 'enaya, ga nada 'ina bubuna nigeya palupaludi, 'enega yaona debedebena 'ina bubuna to'umalina manuna.

Guinuwa 15:30

'Enega site ata nidi sitoolo, ga simwa'uta Anitioki, ta toekalesiyao nada sibwau egogonedima, ga 'idi leta nina si'ebwa'edi.

Guinuwa 20:32

“Wate yaemataluwemi tuta simeemai manudi, 'aene Yaubada tauna 'ida 'ita'i'isimi, ta wate tauna 'ina oboboma tetelina sawesawenaya be 'igiepa'alimi, be 'enega 'ina bodao, taudi 'igie'esasediya 'ediya, 'omi wate walulugu.

Guinuwa 15:22

'Enega Yesu 'ana tosimanao site tuwelo be toanuganao be toekalesiyao maibo'adi sinuwanuwa leleleya ga 'aidi 'ediyega siesinuwedi be sietunedi be 'aene Paulo be Banaba ma'ediyao sitatauya Anitioki. Ta 'eluwa toekalesiyao 'adi toanuganao 'ediyega siesinuwedi, natedi Yudasa, tauna sieesena Basaba, be wate Sailasa,

Guinuwa 14:23

Ta wate 'asa 'ebweuna 'ebweuna 'ediya Paulo be Banaba toekalesiyao 'idi toanuganao siaseyedi, ta 'adi gilagata gete nadigega, 'ebotanega 'Inapwana nina siemisenaya 'ena sisidasida, be 'ida giewaiwaiyedi 'idi guinuwa nina manuna.

Guinuwa 11:20

Ta muliyega 'aidi toekalesiyao, taudi me Saipilosi be me Sailini, siapwesa Anitioki 'enaya, ga 'Inapwana Yesu tetelina siguguyaena me Yudia, be taudi nigeya me Yudia wate, 'ediya,

Guinuwa 11:23

Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya.

Guinuwa 11:27

Tuta gote 'enaya 'aina palopitao Yelusalemega simwa'uta Anitioki 'enaya,

Guinuwa 14:19

Ta sa'i me Yudia Anitioki be Ikoniami 'ediyega simai, ga silugu boda nidi Paulo ta Banaba 'adi toenonoyao soladiya, ga silo'ae etuetunedi ga Paulo gulewega siloibweibwena, ta 'asa solanega silisi apwesena, ta 'idi nuwanuwa ni'atu 'imwawasa.

Guinuwa 14:21

Dabi 'ena tetela bobo'ana siloguguyaena, ga tomota yaudi siemisena, ga simuliyena, 'enega Paulo be Banaba siila limana Lisitila be Ikoniami be Anitioki 'ediya.