Guinuwa 14:15 - Loina Tabu Auwauna NT

¹⁵ “Gosemao, geya'abo 'abo'ama 'emaya watalitaliya. 'Abo'ama tomota tuga nadigega 'omi, ga tetela bobo'ana gete 'ame'ena 'emiya, be 'aene 'imi 'ebe emisa besobeso wada guitoyasedi be wada sanaila Yaubada mayawasina 'ena, tauna galewa be bale'u be bwagabwaga be wate yage maibo'adi soladiya 'adi tomweluluwa.

Guinuwa 14:15 Referans Kwoze

Yemesa 5:17

Gete 'ebweu 'ebe e'ita 'edaya, nate Ilaitiya, tauna tomota tuga 'abo'ada nadigega, ta 'isidasida nuwana maibo'anega be 'aene geya'abo 'i'usa'usana yakwala 'etoi ta tupwana 'ediya, ga nadigega 'iapwesa.

1 Kolinita 8:4

'Enega mwa'adega masula nina tomota si'ebwa'ebwaya 'idi 'ebe emisa kabokaboyao 'ediya? 'Ebe bwagobwago kabokaboyao getedi nigeya 'ebe emisa 'ai'aila, manuna Yaubada namo tebweuna 'imiyami, ta mali 'ebe emisao yage besobeso tuga.

Guinuwa 10:26

Ta Pita Konilio 'igietoolona, ta 'igwae, “'Utoolo! 'Abo'agu tomotai tuga, nadigega 'oyo.”

E'ita'ita 14:7

Ta anilose nina 'enana sinabwanega 'igwae, “Yaubada 'ena wada 'amayaba be wada lotuputupu, manuna 'ina tuta bwa'omatana ni'atu 'iapwesama, 'enega tauna galewa be bale'u be ola ta wate bwasi daudaudi 'adi tomweluluwa matanaya wa'aetulasa be wabwagobwago.”

1 Tesalonaika 1:9

manuna taudi 'emaya siemwaemwasala 'imi tagwala lowa 'emaya manuna, 'aene 'imi 'ebe emisa kadekadelidi waguitoyasedi ga 'enega Yaubada 'ena watagwalemi, manuna taunamo Yaubada 'ai'aila ta mayawasina, 'enega tauna manuna waguiguinuwa,

Epeso 4:17

Gete wate 'Inapwana 'ana esanega yaloguguya 'emiya 'aene bubuna tomiya apwesa nadigega walosa'u, manuna 'idi nuwanuwa besobeso 'ediyega

Guinuwa 4:24

Ta gosediyao sinonona maibo'ana, 'enega Yaubada 'ena siona leleleya, sigwae, “'Ima 'Inapwana ye, 'oyo galewa ta bale'u, ola ta yage maibo'adi soladiya simiyami 'umweluluidi,

Madiu 16:16

'Enega Saimoni Pita 'ilolagata ga 'igwae, “'Oyo To'etoseyana Yaubada mayawasina natuna.”

Ibeliu 3:12

Gosegwao, wa'ita'i'isimi be geya'abo wadebadeba pa'ala nai waneeneta 'abona nai Yaubada mayawasina wamiyasine.

1 Timoti 3:15

be 'eguma yasoso'i, leta gete 'enega 'umwalatoni to bubuna 'abo'ada totapwalolo 'ilobweneda, tauna 'ida Yaubada mayawasina 'ina boda solanaya, manuna 'abo'ada toekalesiyao 'ina e'ita 'ai'aila 'ana to'ita'i'itao.

Guinuwa 14:21

Dabi 'ena tetela bobo'ana siloguguyaena, ga tomota yaudi siemisena, ga simuliyena, 'enega Paulo be Banaba siila limana Lisitila be Ikoniami be Anitioki 'ediya.

Yoni 7:18

Ta 'omi 'imi bubuna 'aene 'eguma yaita tauna 'ina nuwena 'enega 'ie'ita, tauna tuga taunamo 'ana esana manuna 'ietaetapewa. Ta 'abo'agu esi nigeya nadigega 'omi, manuna 'abo'agu nuwanuwagu be 'agu toetune 'ana esana yada giesinabwa, manuna 'igu bubuna palupaluna ta nigeya 'ebweu wate 'igu to'umalinamo.

E'ita'ita 22:9

'Enega tauna 'ieonegu, 'igwae, “Geya'abo nadigega, manuna 'abo'agu toguinuwa tuga nadigega 'oyo, ta tasidao taudi palopitao, ta wate taudi buki gete 'ana toematamatanao. Ta Yaubada esi 'ena 'uda bwagobwago.”

E'ita'ita 19:19

'Enega yobai nina olega 'imai, ta wate bale'u 'ana 'inapwanao ma idi tolosaiyao, ya'itedi siegogona sabi losaiya osi 'ana togelu nina ma ina tolosaiyao 'ediya.

E'ita'ita 19:10

Ta 'aenaya yabe'u sanamwa'uta ga yabwagobwago 'enaya, ta 'enega 'igwae, “Geya'abo nadigega. 'Abo'agu tuga Yesu 'ina toguinuwa, 'oyo nadigega, ta wate nadigega tasimwao taudi Yesu 'ana tosimanao, Yaubada esi 'ena 'uda bwagobwago.” Manuna Yesu 'ana tosimanao 'adi lotoona nadigega palopitao 'adi lotoona Yaubada yaluyaluwana 'enega.

Guinuwa 27:25

'Enega tasigwao, geya'abo wamatamatauta, manuna Yaubada yaemisena be 'iabe 'ida guinuwa nadigega tuga 'ie'itegu.

Guinuwa 27:21

Ta ni'atu 'asiyata yauna waga 'ana togeluyao nigeya si'e'ai, ga Paulo gamwagamwanidiya 'itoolo, ta 'igwae, “Tasigwao, 'abo 'igu ona wada nononaya, be geya'abo Kilitiyega tada gelugeluma, geya'abo sa'i mwau be esilae gete tada lobaloba.

Guinuwa 27:10

'igwae, “'Inapwanao, 'ilobwenena be tada eyawai'ata gomwagomwa gete 'ena. Geya'abo tatootoo be ta'ada'adau limana, 'abona nai taesilae, be gwegwe be waga tamudalidi, be nai 'abo'ada watei tamwamwawasa.”

Guinuwa 16:30

Ta muliyega 'itoolo ga 'i'au'ewa apwesedi, ta 'igwae, “'Inapwanao, waeonagu to'ase yada guinuwa be 'enega Yaubada 'ida 'etoseyegu?”

Guinuwa 14:7

ga nada tetela bobo'ana sisimana apwesena, ta 'asanao selabediya 'ediya wate.

Guinuwa 13:32

Ta 'abo'ama wate tetela bobo'ana gete 'a'ebwa'emi, lowa Yaubada 'iona upaupaena tubudao 'ediya,

Guinuwa 7:26

“Ta mali 'asiyata ga Mosese tasinao 'eluwa 'ilobedi sie'ue'upwa, ta nuwanuwana be 'igielosa'udi ga 'igwae, ‘Gosegwao, 'omi susu 'ebweuna, ta mwa'adega ga 'imi miya wagiegie to'umaliye?’

Yoni 5:26

Tamagu tauna yawasida 'alena, 'enega ni'atu 'itagwala 'eguya be 'abo'agu wate yawasi 'alena.

E'ita'ita 4:11

“'Oyo 'ima 'Inapwana ta 'ima Yaubada, 'ilobwenema be 'atupuyo ta 'a'amayabeyo, manuna 'oyo 'imu waiwaiyega yage yauyauna 'umweluluidi. Tauyo 'imu nuwenuwega 'umweluluidi, ga batuwa mayawasidi.”