Guinuwa 13:6 - Loina Tabu Auwauna NT

⁶ 'Enega salu nina maibo'ana sisakowasiyena, ga 'asa Pepose 'enaya siapwesa, ga nada to'oba, 'ana esana Bayesu, goma Yudia, tauna palopita kabokabo 'ebweu.

Guinuwa 13:6 Referans Kwoze

Madiu 7:15

Tosimana kabokabodi 'ediyega wa'ita'i'isimi. Manuna 'aidi ma'etamo 'emiya simamai, 'adi 'ita 'atuwa sipi panapanaisidi, ta soladiya esiya 'atuwa kedewa bosasa.

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

2 Kolinita 11:13

Manuna tokabo nidi 'adi 'ita 'atuwa Keliso 'ana tosimanao ta esi to'umalina siguiguinuwe.

Maki 10:46

'Enega simai Yeliko 'ena, ga tuta nina Yesu ma ina tononoyao Yeliko sipilisinena, boda sinabwana si'oayabudi, ga tomata kebokebo 'ana esana Batimio silobena, tauna Timio natuna, ta tuta yauna 'eda tupitupinaya 'imiyami ta 'iesidasida mani be gwegwe manudi.

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Madiu 16:17

Ta Yesu Pita 'ieonena, 'igwae, “Saimoni, Yona natuna, 'oyo ona'ai'aila togwausowala 'ebweu, manuna 'imu mwalatoi gete nigeya tomota 'ediyega, ta esi Tamagu galewaya 'ina mwalatoiyega 'i'ebwa'emu.

E'ita'ita 19:20

Gote 'ena yobai nina ma ina palopita kabokabo sigiyaidi, ga mayawasidi siuledi yaiyai sinabwana solanaya. Palopita kabokabo nina tauna lowa 'ina guinuwa waiwaidi 'iguinuwedi yobai nina matanaya ga 'ediyega tomota 'ikaboediya, taudi yobai nina 'ana we'iwe'iyaya 'ediya 'imiyami, ta 'ina tokwalui nina 'ana tobwagobwagoyao.

2 Timoti 3:8

Ona'ai'aila, tomotai nidi e'ita 'ai'aila sietalauwalena, nadigega lowa taudi Yanisi be Yamilisi Mosese sietalauwalena. Taudi 'adi 'ita 'atuwa toemisa, ta soladiya kabo be nuwanuwa to'umalina simiyami.

Guinuwa 13:8

ta esi to'oba 'i'etobodedi, manuna geya nuwana be toloina nina Yesu 'ena 'ida emisa. To'oba nina 'ana esana 'ana gibui Elaimasi, nate tobalau.

Guinuwa 13:13

Ta Paulo ma 'ana bodao Peposeyega sigelu ga situpa limana, ga Peliga 'ena silugu, sena Pamipilia solanaya. Ta Yoni 'ipilisinedi ga 'iila Yelusalema.