Guinuwa 13:52 - Loina Tabu Auwauna NT

⁵² Ta esi Yaubada 'ana toemisao sigwausowala sinabwana, ta Yaluyaluwa Tabuna 'ina waiwai 'iloemaedi.

Guinuwa 13:52 Referans Kwoze

1 Tesalonaika 1:6

'Enega ni'atu waetotowanema, ta wate 'ida 'Inapwana waetotowanena, ga ma imi miyamwau, ta tetela nina wa'ewena ma imi gwausowala, ta gwausowala nina Yaluyaluwa Tabuna 'enega 'imai.

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Guinuwa 4:31

'Idi sidasida gete silosalonina, ga anuwa nina 'ena simiyamiya 'iloniu, ga maibo'adi Yaluyaluwa Tabuna 'ina waiwaiyega si'atepatu, ga Yaubada 'ina ona siona apwesena.

2 Kolinita 8:2

Taudi gomagomabesodi nadigega 'atuwa 'ebe toona silobena 'idi miya 'ana mwau 'enega, ta tuwa tuga ma idi gwausowala 'ebwayadaita bobo'ana wawasae sisa'una.

Loma 5:3

Ta wate tada gwausowala tuta 'elouya 'ediya, manuna 'elouya nidi 'ediya, 'eguma tae'alama'i'itana,

Guinuwa 2:4

'Enega maibo'adi Yaluyaluwa Tabuna 'iloemaedi, ta sie'ale ga mali 'enana be mali 'enana 'ediyega sionaona, nate Yaluyaluwa Tabuna 'ina waiwaiyega.

Madiu 5:12

Ona'ai'aila 'ilobwenemi be wada gwausowala sinabwana, manuna ma'etamo 'ami pali bobo'ana galewaya wada loba. Ta 'omi nadigega Yaubada 'ina palopitao lowaenei. Manuna taudi wate 'idi miyamwau silobena tomota 'ediyega.

1 Pita 4:13

Ta esi wada gwausowala manuna Yesu Keliso 'elouya 'ilobena, ga 'omi nadigega tuga walobaloba'ese, be muliyega tuta nina 'ina esaesa 'iapwesama wada gwausowala 'ai'aila.

Yemesa 1:2

Tasigwao, tuta simeemai 'ediya 'abo 'ebe toona yaudi ta wate mwaudi walobadi, manudi wada gwausowala,

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

Guinuwa 5:41

Ta sili'amidi ga siapwesa, ga sitauya taudi 'idi boda 'ediya ma idi gwausowala, manuna sawesawediya be 'elouya nidi silobadi Yesu 'ana esana manuna.

Guinuwa 2:46

'Enega 'asiyata 'ebweuna 'ebweuna 'ediya ma idi 'atetagwala sitapwatapwalolo Anuwa Tabu 'enaya, ta taudi 'idi anuwaya ma idi gwausowola si'e'ai egogona,

Guinuwa 11:29

Ta tuta nina Yesu 'ana tomuliyao Agabu 'ina simana nina sinonona, taudimo siloiloina be 'ebweuna 'ebweuna sida tootoo be sida 'ebwayadaita be lema mani sida etune gosediyao nidi sena Yudia 'ena simiyami,