Guinuwa 13:46 - Loina Tabu Auwauna NT

⁴⁶ 'Enega Paulo be Banaba ma idi 'atepatu siona apwesa me Yudia nidi 'ediya, sigwae, “'Ilobwenena be Yaubada 'ina ona 'agimisimana 'emiya, ta gete tuga waguitoyasena, nai 'omi taumi waloinemi 'aene nigeya sawesawemiya be yawasimi ataya wada loba, 'enega 'aguitoyasemi, be mali bodao 'ediya 'ada loguguya, taudi nigeya me Yudia 'ediya.

Guinuwa 13:46 Referans Kwoze

Guinuwa 28:28

'Enega Paulo ona nina wate 'iloeposeyanena, 'igwae, “'Enega wada mwalatoni 'aene Yaubada 'ina simana 'ada 'etoseyana, manuna ni'atu 'ietunena taudi nigeya me Yudia 'ediya, be taudi sa'i sida nono.”

Guinuwa 26:20

ta esiya Damasiko 'enaya yagimi simanena, ga muliyega Yelusalema wate 'ena, ta Yudia senanao maibo'adi 'ediya, ta taudi nigeya me Yudia wate 'ediya yasimana, be 'aene 'idi bubuna to'umalina 'ediyega sida sanaila Yaubada 'enaya, be 'idi bubuna bobo'ana 'ediyega 'idi nuwa'ebuni sida e'itae.

Madiu 21:43

'Enega yaeonami 'aene Yaubada 'ina loina 'emiyega 'ida 'ewayaule, ta 'ida 'ebwaya mali boda 'ediya, be taudi 'ediyega uwana bobo'ana 'ida apwesa.

Guinuwa 3:26

Ta Yaubada 'ina 'ali'ei Yesu mwawasega 'igietoolo limena, ga 'omi me Yudia 'emiya 'igimi etunenama, be 'ina oboboma 'emiya nate 'aene 'imi loegesiyao 'ediyega wada nuwa'ebuni, ta mali bodao muliyega.”

Loma 2:10

Ta nadigega tuga taudi 'idi bubuna bobo'ana, Yaubada nugana me Yudia 'adi tupu be 'amayaba be 'idi gwausowala 'ida 'ebwa'edi, be muliyega sena maibo'adi.

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Guinuwa 22:21

'Enega 'Inapwana nina 'ieonegu, “Gete 'enega 'uapwesa be 'iabe yaetuneyo be 'utatauya 'asa 'edasolaya, taudi nigeya me Yudia 'ediya.”

Guinuwa 13:26

“Tasigwao, 'omi Ebelaamo 'ina susuyao, be wate 'omi mali senega Yaubada 'ana to'amayabao, wanono 'aene 'etoseyana tetelina gete 'edaya ni'atu 'imai.

Yoni 1:11

Ta tuta nina tauna 'imai 'ina bu'unao 'ediya taudi wate sie'idi'idiyena.

Guinuwa 7:51

Ta Sitibeni 'ieonedi wate 'igwae, “Ona'ai'aila, 'omi debapa'ala 'alemi, 'enega Yaubada 'ina lodaba bwalamimo 'enaya, ta nigeya 'atemiya nai tenamiya, 'enega tuta yauyauna Yaluyaluwa Tabuna 'ina loina waguiguitoyase, nadigega tubumiyao siguitoyasena.

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Pilipai 1:14

Ta wate tasidao yaudi 'igu miya deliya si'itena, 'enega sietaetapewa 'Inapwana 'ina guinuwa 'ena, ta Yaubada 'ina ona sisimasimane ma idi 'atepatu.

Guinuwa 13:14

Ta boda nidi Peliga sipilisinena ga Anitioki 'enaya siapwesa, nate sena Pisidia solanaya. 'Enega 'asiyata Sabate 'ena silugu me Yudia 'idi anuwa tapwalolo 'ena, ga simiyatowa.

Guinuwa 13:5

ga 'asa 'ana esana Salami 'enaya sisuya, ga nada me Yudia 'idi anuwa tapwalolo 'ena Yaubada 'ina ona sisimanena. 'Ebweu 'idi 'ali'ei ma'edi sisakosakowasi, 'ana esana Yoni.

Guinuwa 4:13

Ga toloinao nidi si'itena Pita be Yoni 'idi 'atepatu, ta simwalatonina 'aene taudi tuga tomiya 'asa, ta 'ebe sikulu sinabwana 'ediya nigeya silugulugu, 'enega sinuwaowana ta sinuwa'i'isina 'aene lowa Yesu ma'ediya simiyami.

Yoni 4:22

ta 'uda mwalatoni 'aene me Samelia 'omi nigeya wamwalamwalatoni yaita 'ena wabwagobwago, ta 'abo'ama me Yudia 'amwalamwalatoni yaita 'ena 'abwagobwago manuna 'etoseyana 'emega 'iapwesama.

Madiu 10:6

ta esi sipi kwanikwanidi 'ediya watatauya, taudi nate 'ida bodao me Isileli,

Ibeliu 11:34

'awe sabesabelulu sinabwadi sikweudi, be wate saiya 'enega si'etoseyedi, manuna 'idi tuta sineneta 'ena ta tuga siewaiwai, ta wate saiya 'enaya siewaiwai wawasae, be 'adi tolosaiyao yau wawasae sipa'ipa'i lelewanedi.

Madiu 21:41

Ta sigwae, “Toloemwawasa nidi 'iabe 'igieto'umali 'ai'ailedi, be bagula 'ida tagwale to'ita'i'tao bobo'adi 'ediya, be taudi bagula uwana sida 'ebwaya tonibagula nina 'enaya.”

Madiu 25:46

'Enega taudi sida tauya 'elouya ataya 'enaya, ta topalupaludi esi yawasi ataya sida loba.”

Guinuwa 9:20

Ga me Yudia 'idi anuwa tapwalolo 'ediya Saulo nina 'iloguloguguya 'aene, “Yesu tauna Yaubada natu'ai'ailina.”

Guinuwa 19:9

Ta sa'i 'aidi deba pa'apa'alidi ga nigeya siemiemisa, ta Yesu 'ina 'eda nina si'awa to'umaliyena toegogona nidi matadiya. 'Enega Paulo 'itoolo ga 'ana tomuliyao ma'enao siapwesa, ga silugu Tilano 'ina anuwa 'ebe sikulu 'enaya, ga nada 'asiyata 'ebweuna 'ebweuna 'ediya Paulo 'iloguloguguya.