Guinuwa 13:25 - Loina Tabu Auwauna NT

²⁵ ta Yoni 'ina guinuwa 'ana 'ebe losalowa 'ena 'igwae, ‘'Omi wanuwena 'aene 'abo'agu yaita? 'Abo'agu nigeya To'etoseyana nina. Ta tauna muliguyega 'imeemai, Toloetana sana, 'enega 'abo'agu nigeya 'ilobwelobwenegu be 'ana 'aelawa yali'amidi.’

Guinuwa 13:25 Referans Kwoze

Madiu 3:11

“'Eguma wanuwa'ebuni 'abo'agu bwasiyega yada giebapitaisoemi, ta sa'i ma'etamo 'ebweu tai muliguyega 'imeemai, tauna 'isinabwa sinegu, ta nigeya 'ilobwelobwenegu be manuna 'ana 'aelawa ya'aali. Ta tai nina 'iabe 'imama be Yaluyaluwa Tabuna, nadigega 'awesabelulu, 'enega 'ida giebapitaisoemi.

Maki 1:7

Ta Yoni 'iguguya ga 'igwae, “Tauna muliguyega 'imeemai 'isinabwa sinegu, 'enega nigeya 'ilobwelobwenegu be 'aenaya yabwagobwago be 'ana 'aelawa yali'ami.

Guinuwa 20:24

“Ta nigeya sa'i yawasigu manuna yada nuwanuwa be yaegagalena. Nate namo 'igu 'eda, nai 'igu paisewa nina, 'Inapwana Yesu 'i'ebwa'eguya manuna yanuwanuwa be 'aene yada losaloni, nate 'ada oboboma Yaubada 'enega 'ana simana.

E'ita'ita 11:7

'Enega tosimana 'eluwa nidi 'idi simana tomota 'ediya 'igumwalaya, ga yobai 'ebweu gaula nina sinabwana 'enega 'iapwesama, ga 'ilosaiya tosimana nidi 'ediya, ta 'iewaiwai ga 'iloemwawasidi.

2 Timoti 4:7

Ni'atu Yaubada manuna yalosaiya, ta 'igu epili ni'atu yalosalonina, ta tuta maibo'ana ma igu emisa Keliso 'ena.

2 Kolinita 4:5

'Ima loguguya nigeya 'abo'ama manuma, ta esi Yesu Keliso tauna 'Inapwana manuna, ta 'abo'ama 'imi toguinuwao tuga Yesu manuna.

Guinuwa 19:4

Ta Paulo 'ieonedi, “Yoni 'ina giebapitaiso nate nuwa'ebuni bubuna to'umalina 'enega manuna, ta 'iemataluwemi be 'aene wada emise tauna 'etamo mulinega 'imeemai, nate Yesu.”

Guinuwa 13:36

“Ona getedi nigeya Debida tauna manuna. Debida nina 'ina tutaya Yaubada 'ina nuwanuwa 'iguinuwedi, ga 'ikwaiya, ga sisa'u 'ali'aliyena, ga tubunao ma'ediya simwaumwaulu,

Yoni 7:18

Ta 'omi 'imi bubuna 'aene 'eguma yaita tauna 'ina nuwena 'enega 'ie'ita, tauna tuga taunamo 'ana esana manuna 'ietaetapewa. Ta 'abo'agu esi nigeya nadigega 'omi, manuna 'abo'agu nuwanuwagu be 'agu toetune 'ana esana yada giesinabwa, manuna 'igu bubuna palupaluna ta nigeya 'ebweu wate 'igu to'umalinamo.

Yoni 4:34

Ta Yesu 'iona limana ga 'ediya 'igwae, “'Agu masula nate 'agu Toetune nina 'ina nuwanuwa sabi guinuwedi, be 'ina paisewa sabi losalonina.”

Yoni 1:36

'enega Yoni 'ana tomuliyao nidi 'ediya 'igwae, “Tai gote tauna Yaubada 'ina Lami.”

Yoni 1:34

Ta Yoni wate 'ieonedi, “'Abo'agu tai nina mata 'ai'ailiguyega ya'itena, 'enega gete yasimasimana apwesa 'aene tauna Yaubada natu'ai'ailina.”

Yoni 1:29

Ga mali 'asiyataya Yoni Yesu 'i'itena 'imeemai 'enaya, ga Yoni tomota 'ieonedi, 'igwae, “Tai gote tauna Yaubada 'ina Lami, be me bale'u manuda 'imwamwawasa be 'ida bubuna to'umalina maibo'ana 'i'ewayauledi.