Guinuwa 12:25 - Loina Tabu Auwauna NT

²⁵ Ta Banaba be Saulo 'idi guinuwa Yelusalema 'ena silosalonina, ga 'enega simwa'uta limana Anitioki 'ena, ta Yoni, tauna 'ana esana 'eluwena Maki, si'au'ewenama ma'edi.

Guinuwa 12:25 Referans Kwoze

Guinuwa 12:12

Pita ni'atu nuwana 'isabwalena ga 'itauya Meli 'ina anuwaya, tauna Yoni sinana, ta Yoni 'ana esana 'eluwena Maki, ta anuwa nina solanaya tomota yaudi sideli egogonama, ga sisidasida Yaubada 'enaya.

1 Pita 5:13

Ta wate toekalesiyao sena gete Babiloni 'enaya 'idi oboboma 'emiya. Taudi Yaubada 'iesinuwedi nadigega tuga 'omi 'iesinuwemi, 'idi ona oboboma 'emiya. Ta wate natugu Maki 'ina ona oboboma 'emiya.

Guinuwa 15:37

'Enega Banaba 'igwae, “O bobo'ana, ta Yoni tauna taeesena Maki ta'au'ewa be ma'edai tatautauya.”

Guinuwa 4:36

Toesaesa 'ebweuna 'ediyega, 'ana esana Yosepa, ta 'ana esana auwauna tosimanao nidi si'ebwa'ena Banaba, nate 'ana mwalatoi “Togie'atepatu,” tauna goma Saipilosi, ta Libai 'ina susu 'ebweu,

Guinuwa 15:35

Ta esi Paulo be Banaba Anitioki 'ena simiyaila, ga 'Inapwana 'ina ona sie'ie'ita ta siloguloguguya, ta yaudi wate ma'ediyao siguinuwa.

Kolose 4:10

Alisitako ma'iyagu deliya 'amiyami, be 'ina lokagutoki 'emiya gete yasimasimanenawa, ta wate Maki, tauna Banaba nibana (Lowa yaemataluwemi Maki nina manuna, 'aene 'eguma 'iwawai wada bwauye 'imi anuwaya),

2 Timoti 4:11

Luke namo 'itupwa. 'Imu mai 'enaya Maki 'u'au'ewenama, manuna tauna 'agu tolema bobo'ana.

Pilimoni 1:24

Nadigega wate taudi ma'egwao 'apaipaisewa: Maki be Alisitako be Dimasa be Luke, 'idi oboboma wate 'emuya.