Guinuwa 12:17 - Loina Tabu Auwauna NT

¹⁷ Ta Pita nimanega 'i'etobodedi be sida 'alaenono, ta 'iemwasala 'Inapwana deliyega 'i'au'ewenama manuna, 'enega 'igwae, “Tetela gete wasimana Yemesa be gosedao wate 'ediya.” 'Enega 'ipilisinedi ga 'itauya mali esenaya.

Guinuwa 12:17 Referans Kwoze

Guinuwa 21:40

Ta 'enega 'itagwalena, ga Paulo waisanaya 'itoolo, ga nimana 'igilagasina be sida 'alaenono, ta 'enega maibo'adi simiya 'alaenono, ga Paulo 'ena Ibeliuyega 'ieonedi, 'igwae,

Guinuwa 19:33

Ta me Yudia 'ebweu tai Alekisana silo'ae etuetunena be 'ida laga nuganaya be 'ida ona. 'Enega 'itoolo nuganaya, ga 'aidi tomota 'idi nuwanuwao sibwau apwesena 'enaya, 'enega nimanega 'ieonedi 'aene galala sida losa'u, be me Yudia 'idi ona 'ida simana apwese.

Guinuwa 13:16

'Enega Paulo 'itoolo ga nimana 'igilagasina, ta 'igwae, “Tasigwao me Isileli, be 'omi mali esenega Yaubada 'ana to'amayabao, 'igu ona gete wada nono.

Guinuwa 21:18

Ta tomwa 'iulisina ga Paulo ma'emai 'atauya Yemesa 'ina anuwaya, ga nada toekelesiyao 'idi toanuganao 'alobedi.

Guinuwa 15:13

Ta muliyega Yemesa 'itoolo ga 'igwae, “Tasigwao, 'igu ona gete wada nono.

Galetia 2:12

Ona'ai'aila, 'ina gimimai 'enaya 'ina bubuna bobo'ana, 'enega toekalesiyao taudi nigeya me Yudia 'iegosigosiyanedi ta ma'edi si'e'ai, ta muliyega 'aidi Yemesa 'ina bodao simai, ga Pita me Yudia nidi 'imatautedi, ta 'enega 'e'ai taudi nigeya me Yudia ma'enao 'iguitoyasa, ta 'iebesinedi. Nate Pita 'ina loegesi.

Galetia 2:9

'Enega toanuganao nidi, Yemesa be Pita be Yoni, Yaubada 'ina oboboma 'eguya si'italobena, 'enega sitagwala Banaba be 'abo'agu 'emaya, ga ma'emao 'aenimalotuna. Ona'ai'aila, toekalesiyao nidi sitetoi getedi sieesedi 'adi toanuganao, ta sitetoi nidi sitagwala 'emaya be 'aene 'abo'agu be Banaba 'atatauya taudi nigeya me Yudia 'ediya, ta taudi sitatauya me Yudia namo 'ediya.

Galetia 1:19

Ta Keliso 'ana tosimanao yaudi nigeya yada 'itedi. Nate namo Yemesa, tauna 'ida 'Inapwana nina tasina.

1 Kolinita 15:7

Yemesa wate 'i'itena, ga wate Keliso 'ana tosimanao maibo'adi si'itena.

Yoni 11:54

Gote 'enega Yesu nigeya me Yudia matadiya 'ida lopilidadana, 'enega 'ipilisinedi ga 'itauya mitawa tupitupinaya 'ebweu 'asa 'ana esana Epileimi 'enaya, ga nada ma ina tononoyao simiyami.

Yoni 8:59

'Enega me Yudia nidi gulewa si'ewedi be 'aene sida loemwawasi, ta Yesu 'ediyega 'iakwaiya ga Anuwa Tabuyega 'iapwesa.

Madiu 10:23

“Ta 'eguma 'ebweu sena 'ena siunuunumi wadedena mali 'asa 'enaya. Ona'ai'aila, ma'etamo geya'abo 'asa maibo'ana Isileli solanaya waguiguinuwa egumwali ta 'abo'agu Tomota Natuna yailama.

Yemesa 1:1

Kagutoki 'omi Yaubada 'ina tomotaiyao susu tuwelo 'ediyega waesugalagalaya sena yauyaudi 'ediya. Gete 'imi leta ya'etoladinawa, Yaubada be 'Inapwana Yesu Keliso 'idi toguinuwa 'abo'agu.

Guinuwa 16:40

'Enega Paulo be Sailasa deliyega sitauya Lidia 'ina anuwaya, ga toekalesiyao ma'ediyao siegosigosiyana, ta siloguguya 'ediya, ga muliyega sitauya.

Yoni 13:24

ta Saimoni Pita tupwana 'imiyaila, 'enega Pita nina nimanega 'ieonena, “'Uda enaide yaita tauna manuna 'ionaona?”

Yoni 10:40

'Enega 'itauya ga Yolidani bwasina 'iabala limena, nate Yoni 'ina 'ebe giebapitaiso lowa senanaya, ga nada 'ilo'asa,

Yoni 7:1

Ta yage nidi ni'atu sigumwala ga Yesu Galili maibo'ana 'ena 'isakowasi. Ta esi geya nuwana be Yudia senanaya 'ida sakowasi, manuna me Yudia 'idi 'inapwanao nuwanuwadi be 'aene sida loemwawasi.

Luke 1:22

'Enega Sakalaya 'iapwesa, ta nigeya kapekapeyana be 'iona 'ediya, manuna meyana 'imwau. Gete 'enega simwalatonina 'aene ni'atu Anuwa Tabu solanaya we'iwe'iyaya 'i'itena. Ta nigeya sawesawenaya be 'iona 'ediya, ta tuga nimanega 'ienimasusumo.

Maki 6:3

Ta wate sigwae, “Tai gete to'abi'abi tuga aga? Ta sinana Meli, be tasinao Yemesa be Yosese be Yudasa be Saimoni be wate nuunao ma'edao tamiyami, aga?” 'Enega tomota Yesu siguitoyasena.

Guinuwa 1:15

Boda nidi 'adi yau nadigega wani analedi be tuweniti, ga 'ebweu 'asiyata 'enaya Pita gamwagamwanidiya 'itoolo ta 'ieonedi, 'igwae,

Guinuwa 12:16

Ta Pita 'etamo 'etauluya 'imiyami ta 'i'au'aukeke tuga, 'enega 'awa sigigegena, ga si'itena tauna, ga nuwadi 'iowana 'ai'aila.

Guinuwa 12:18

Tomwa 'iulisina ga tolosaiyao nuwadi 'iowana, ta si'atesa'ala sinabwana Pita manuna, mwa'adega 'iapwesa'esa.

Guinuwa 28:15

Ta toekalesiyao nidi Loma 'ena alema sinononaya, ga simai 'edaya siaesotema sena 'Ebegimwane, 'ana esana Apio be Anuwa 'Owaga 'etoi 'ediya. Ga tuta nina Paulo gosemao nidi 'ilobedi, Yaubada 'ena 'ilokagutoki, ta 'i'atepatu.