Guinuwa 11:30 - Loina Tabu Auwauna NT

³⁰ 'enega sigimi 'ebwayadaita ga mani silobena, ga tuta nina botana 'iapwesa, 'enega si'ebwa'edi Banaba ta Saulo, ga taudi sitauyena sena Yudia 'enaya.

Guinuwa 11:30 Referans Kwoze

Guinuwa 14:23

Ta wate 'asa 'ebweuna 'ebweuna 'ediya Paulo be Banaba toekalesiyao 'idi toanuganao siaseyedi, ta 'adi gilagata gete nadigega, 'ebotanega 'Inapwana nina siemisenaya 'ena sisidasida, be 'ida giewaiwaiyedi 'idi guinuwa nina manuna.

Guinuwa 12:25

Ta Banaba be Saulo 'idi guinuwa Yelusalema 'ena silosalonina, ga 'enega simwa'uta limana Anitioki 'ena, ta Yoni, tauna 'ana esana 'eluwena Maki, si'au'ewenama ma'edi.

Yemesa 5:14

Ta 'eguma wate 'ebweu 'emiyega ma ina le'oasa, ekalesiya 'ana toanuganao 'ida bwauyedima be sida sidasida manuna, ta wate bunama 'ena sida siwa, 'ida 'Inapwana 'ana esanega.

Taito 1:5

Gete manuna yaebesinemu Kiliti 'ena be to'ase ekalesiya solanaya nigeya bobo'ana 'uda giepaepalu, be 'igu loinega toanuganao 'uda esinuwedi 'asa 'ebweuna 'ebweuna 'ediya.

1 Timoti 5:17

Ta 'ami toanuganao 'eguma silema 'ai'ailimi, 'omi wate wada 'amayaba 'ai'ailidi be wada 'ita'i'isidi, nate 'idi loguguya ta 'idi e'ita 'ana e'isa.

Guinuwa 20:17

Ta Milito 'enega 'isa'uale Epeso ekalesiya 'ana toanuganao 'ediya be sida mai.

Guinuwa 16:4

'Enega sisakosakowasi 'asa 'ebweuna 'ebweuna 'ediya, ga loina nina Yesu 'ana tosimanao be toanuganao to'ase Yelusalema 'ena siloinenaya sisimanena 'asa maibo'adi 'ediya, be 'aene loina nina sida mulimuliye.

Guinuwa 15:6

'Enega Yesu 'ana tosimanao site tuwelo nidi be toanuganao deliegogona siguinuwena, ga nuwanuwa gete manuna sionaona.

Guinuwa 15:4

'Enega siapwesa Yelusalema, ga toekalesiyao be Yesu 'ana tosimanao be toanuganao si'au'ewedi 'idi anuwaya, ga Paulo be Banaba siemwasala 'ediya to'ase be to'ase 'idi paisewa Yaubada 'ina waiwaiyega siguinuwedi.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

2 Yoni 1:1

'Abo'agu 'imi 'ena'i, ta 'oyo waine Yaubada 'iesinuwemu manatumwao 'emiya leta gete ya'etoladinawa. Ona'ai'aila, yaobobomemi sinabwana. Nadigega wate taudi 'eda 'ai'aila 'ana tomuliyao siobobomemi,

1 Timoti 5:19

'Eguma 'aina tomota sie'ewa kabokabo 'ami toanuganao manudi, geya'abo wanoonodi. Nate namo 'eguma tomota 'eluwa nai 'etoi sieonaona toanugana 'ebweuna 'ina to'umalina manuna, 'enega wada etala.

Guinuwa 21:18

Ta tomwa 'iulisina ga Paulo ma'emai 'atauya Yemesa 'ina anuwaya, ga nada toekelesiyao 'idi toanuganao 'alobedi.

Guinuwa 15:23

ga toemisao nidi taudi nigeya me Yudia 'idi leta si'ewena, ta 'ana 'etoladi 'igwae, “Kagutoki tasimao 'omi toekalesiyao sena apwesaya Anitioki be Silia be Silisia 'ediya wamiyami. 'Abo'ama Yesu 'ana tosimanao be toanuganao 'imi leta 'a'etoladinawa.

Guinuwa 15:2

Ta Paulo be Banaba nigeya si'awa'awa 'ai'ailedi, 'enega ma'ediyao siegewagewana sinabwana. Ga toekalesiyao Anitioki 'ena Paulo, be Banaba, be 'aina wate tomuliyao 'ediyega, siesinuwedi be 'aene sida tu'e Yelusalema, be nuwanuwa gete manuna sida onaona, nai sida loina, Yesu 'ana tosimanao site tuwelo be wate toanuganao ma'ediyao.

Guinuwa 4:36

Toesaesa 'ebweuna 'ediyega, 'ana esana Yosepa, ta 'ana esana auwauna tosimanao nidi si'ebwa'ena Banaba, nate 'ana mwalatoi “Togie'atepatu,” tauna goma Saipilosi, ta Libai 'ina susu 'ebweu,

Guinuwa 12:1

Tuta gote 'enaya Kini Elodi 'ina loina pa'ala 'enega 'ina tolosaiyao 'aina toekalesiyao sigiyaidi sabi gieto'umaliyedi.

1 Timoti 4:14

Lowa tapwalolo 'ana 'inapwanao sigidebemuya, ta Yaubada 'ina guinuwa manuna siona obobomemu, 'enega guinuwa nina manuna Yaubada 'igiewaiwaiyemu. Ta 'unuwa'i'isi,

3 Yoni 1:1

'Abo'agu 'imu 'ena'i, ta leta gete ya'etoladinawa 'oyo gosiyagu Geyo 'emuya. Ona'ai'aila, 'ateguyega yaobobomemu.