Guinuwa 1:5 - Loina Tabu Auwauna NT

⁵ Wanuwa'i'isi 'aene Yoni bwasiyega 'igiebapitaisoemi, ta 'asiyata nigeya yauna simiyami be 'omi 'imi bapitaiso Yaluyaluwa Tabuna 'enega wada loba.”

Guinuwa 1:5 Referans Kwoze

Madiu 3:11

“'Eguma wanuwa'ebuni 'abo'agu bwasiyega yada giebapitaisoemi, ta sa'i ma'etamo 'ebweu tai muliguyega 'imeemai, tauna 'isinabwa sinegu, ta nigeya 'ilobwelobwenegu be manuna 'ana 'aelawa ya'aali. Ta tai nina 'iabe 'imama be Yaluyaluwa Tabuna, nadigega 'awesabelulu, 'enega 'ida giebapitaisoemi.

Luke 3:16

'Enega Yoni 'iona apwesa 'ediya, 'igwae, “'Abo'agu bwasiyega tuga yagie bapitaisoemi, ta esi 'ebweu tai muliguyega 'imeemai be Yaluyaluwa Tabuna nadigega 'awe sabelulu 'enega 'igie bapitaisoemi. Tauna 'isinabwa sinegu, 'enega nigeya 'ilobwelobwenegu be 'ana 'aelawa yali'ami.

1 Kolinita 12:13

Manuna maibo'ada ni'atu tabapitaiso, yaluyaluwa 'ebweuna 'enega, ga ni'atu taeboda 'ebweuna. 'Abo'ama me Yudia be 'omi mali senao 'ediyega, be tomiya mwau be tomiya bobo'ana, ta ni'atu maibo'ada taeboda 'ebweuna Yaluyaluwa Tabuna nina 'edaya 'imiyami 'enega.

Taito 3:5

ga 'i'etoseyeda, nigeya 'ida guinuwa palupaludi manudi, ta esi tauna 'ina 'atenuwa 'ole'oleyega. 'Enega 'ina Yaluyaluwa Tabuna 'enega 'ida to'umalinao 'i'utudi, ga 'igie'esaseda, ta yawasida auwauna 'i'ebwa'eda.

Maki 1:8

'Abo'agu bwasiyega tuga yagiebapitaisoemi, ta tauna Yaluyaluwa Tabunega 'ida giebapitaisoemi.”

Guinuwa 19:4

Ta Paulo 'ieonedi, “Yoni 'ina giebapitaiso nate nuwa'ebuni bubuna to'umalina 'enega manuna, ta 'iemataluwemi be 'aene wada emise tauna 'etamo mulinega 'imeemai, nate Yesu.”

Guinuwa 10:45

ga mali 'enana be mali 'enana 'ediyega sionaona, ta Yaubada situputupu, ta me Yudia taudi Yesu 'ana toemisao nidi, Pita ma'enao Yopa 'enega simaiya, sinuwaowana, manuna si'itena Yaubada ni'atu Yaluyaluwa Tabuna 'i'ebwaya taudi nigeya me Yudia 'ediya. 'Enega Pita 'ieonedi, 'igwae,

Yoni 1:31

Ta nigeya yamwalamwalatoni 'aene yaita tauna, ta nate namo tuga 'abo'agu me Isileli bwasiyega yagiegie bapitaisoemi be 'enega muliyega tauna wada mwalatoni.”

Madiu 3:6

ga 'idi bubuna to'umalina sisimanedi, ta 'enega 'igiebapitaisoedi bwasi Yolidani 'enaya.

Yoni 1:26

Ta Yoni 'ieonedi, “'Abo'agu bwasiyega tuga tomota yagiegie bapitaisoedi, ta 'ebweu tai nigeya wamwalamwalatoni gamwagamwanimiya gete tuga 'itootoolo,

Yoni 1:33

Lowa nigeya yamwalamwalatoni yaita tauna, ta Yaubada tauna 'ietuneguma be bapitaiso bwasiyega yada guinuwedi, ga 'eguya 'isimanena, 'igwae, ‘'Etamo Yaluyaluwagu 'uda 'ita 'ida mwa'utama be tai 'ena 'itotowa, tauna nate Yaluyaluwa Tabunega 'ida giebapitaiso tomota 'ediya.’ ”