Guinuwa 1:14 - Loina Tabu Auwauna NT

¹⁴ Maibo'adi getedi 'idi 'atetagwalega sisidasida Yaubada 'ena, iine ma'ediyao, be Meli, tauna Yesu sinana, be Yesu tasinao wate ma'ediyao.

Guinuwa 1:14 Referans Kwoze

Epeso 6:18

Tuta maibo'ana Yaluyaluwa Tabuna 'ina lema 'enega wada sidasida, be wada 'awa'awanoi Yaubada 'enaya, be ma imi toolopa'ala wa'ita'i'isimi be wasidasida toekalesiyao maibo'adi manudi,

Guinuwa 6:4

Ta 'abo'ama 'ada etapewa sidasida manuna, ta wate Yaubada 'ina ona 'ana e'ita manuna.”

Kolose 4:2

Wa'ita'i'isimi be geya'abo 'imi sidasidao sineeneta, ta esi wada lokagutoki Yaubada 'ena, be wada e'alama'i'ita 'imi sidasidao 'ediya.

Guinuwa 2:42

ga sitagwala 'ai'ailedi tosimanao nidi 'idi e'itao 'ediya, ta siegosigosiyana 'ai'ailedi, ta si'e'ai leleleya, ta wate sisidasida Yaubada 'ena.

Loma 12:12

Ta wanuwayai 'aene ma'etamo Yaubada 'ina lema 'iapwesa 'edaya be manuna wada gwausowala, 'enega 'imi miyamwau 'ediya wada sidasida Yaubada 'enaya ma imi 'alama'i'itana.

Luke 18:1

'Enega 'ebweu ona semalimali Yesu 'i'ebwa'edi be 'aene geya'abo sidasida 'enega sineeneta.

Madiu 21:22

Be 'abo ma imi emisa Yaubada 'ena wasisida, ma'etamo waloloba.”

Guinuwa 2:1

Ga muliyega 'emasula 'ana esana Penitikosi 'ana 'asiyata 'enaya Yesu 'ana toemisao maibo'adi ni'atu sideli egogonama,

Luke 11:13

Ona'ai'aila 'omi toto'umalimi, ta 'imi 'ebwaya natumiyao 'ediya ni'atu wamwalamwalatoni 'aene yage bobo'adimo wa'ebwa'ebwa'edi. Nadigega wate Tamami galewaya 'ina 'ebwaya 'emiya bobo'ana wawasae, be 'abo wasisida 'enaya Yaluyaluwa Tabuna 'ida 'ebwa'emi.”

Guinuwa 2:46

'Enega 'asiyata 'ebweuna 'ebweuna 'ediya ma idi 'atetagwala sitapwatapwalolo Anuwa Tabu 'enaya, ta taudi 'idi anuwaya ma idi gwausowola si'e'ai egogona,

Luke 24:53

Siila ga Anuwa Tabu solanaya tuta yauyauna Yaubada situputupu.

Madiu 12:46

Yesu 'etamo boda 'ediya 'ionaona ta sinana be tasinao simai ga 'atamanaya sitoolo ta si'ebe'ebesa mwa'adega be 'ena sida ona.

Luke 24:10

Toemwasala nidi taudi Meli Magidala be Yowana be mali Meli, tauna Yemesa sinana, ta wate 'aidi iine ma'ediyao, Yesu 'ina toololimana manuna 'ina toguinuwao nidi sieonedi,

Luke 23:55

Ta iine nidi taudi Galiliyega Yesu simulimuliyenamaya sitauya ga Yesu 'ana 'ali'ali si'itena, ta wate kokowana 'ana 'ebesa'u si'itena.

Luke 23:49

Ta Yesu gosenao be wate iine nidi lowa Galiliyega simuliyenamaya, taudi 'edasolaya sitootoolo ta Yesu 'ina mwawasa sidunedune.

Maki 16:1

'Enega Sabate nina 'igumwala ga Meli Magidala ma ina waliyesa, tauna Yemesa sinana, be Salome wate ma'ediya bunama bobo'ana sigimwanena be 'aene Yesu bwalana sida eoloi.

Maki 15:40

'Aina iine wate 'edasolega sidunedune, nate Meli Magidala be 'ina waliyesa, tauna Yosese be tasina megwamana Yemesa sinadiya, be Salome wate,

Madiu 27:55

'Aina iine wate 'edasolega sidunedune, taudi lowa Galiliyega Yesu simuliyenamaya ta 'ana masula siguiguinuwe,

Luke 24:33

'Enega sitoolo manini ga sitauya Yelusalema, ga nada gosediyao silobedi site ilebeni magosediyao simiya egogona,

Luke 8:20

Ta ona namo sietunena, sigwae, “'Inapwana, sinayo be tasimwao wa'ita apwesa 'atamanaya sitootoolo, ta nuwanuwadi 'oyo.”

1 Kolinita 14:13

'Enega 'abo yaita 'emiyega mali 'enana 'ediyega 'ionaona, 'ilobwenena be 'ida sidasida Yaubada 'enaya be mwalatoi 'ida loba, be 'enega 'ina ona 'ida gibui.