Guinuwa 1:10 - Loina Tabu Auwauna NT

¹⁰ Ni'atu 'ipilisinedi, ta 'etamo sidunedune galewaya, ga tai 'eluwa ma 'adi 'oama wakewakekedi selabediya sitoolo,

Guinuwa 1:10 Referans Kwoze

Luke 24:4

'Enega 'ali'ali nina 'enaya ma idi enuwanaluwa simiyami ta sidunedune, ga tuta gidalina 'enaya tai 'eluwa ma 'adi 'oama wakewakekedi ta maemaedanidi siapwesa, ga selabediya sitoolo.

Yoni 20:12

ga aniloseyao 'eluwa 'i'itedi, 'adi 'oamao wakewakekedi Yesu 'ina 'ebe'eno 'ena simiyatowa, 'ebweu debanega ta 'ebweu 'aenega.

E'ita'ita 7:14

Ga 'ena yagwae, “'Inapwana 'oyo 'umwalamwalatonidi, 'abo'agu nigeya.” 'Enega 'ieonegu, 'igwae, “Gete tomota nidi bale'u 'elouyanao 'ediyega situpwa, ta 'adi 'oamao nidi Lami nina lalanega si'utudi ga siwakekedi.

Maki 16:5

'Enega iine nidi 'ali'ali solanaya silugu ga 'ataidiyega tubuwau ma 'ana 'oama wakewakekena 'imiyami si'itena, 'enega si'atesa'ala.

Guinuwa 10:30

'Enega Konilio 'igwae, “Gete manuna: 'Asiyata ata sigumwala 'ena 'asuinuwanuwaya, nadigega gete tuga sidasida 'ana tuta, 'enega 'igu anuwaya yasidasida Yaubada 'ena, ga 'ebweu tai ya'itena mataguya 'itootoolo ma 'ana 'oama 'esasena.

Madiu 28:3

Anilose nina 'ana 'ita namala nadigega, ta 'ana 'oama wakewakeke 'ai'ailina.

Madiu 17:2

Tuta nina 'idi miya 'oyaya Yesu maninina si'itena tuyayalina 'atuwa sinala 'ana 'ita, ta 'ana 'oama 'iwakeke 'atuwa maedana 'isaesae.

E'ita'ita 3:4

“Ta 'aimi Me Salidisa ma 'ami 'oama 'esasedi, 'etamo 'omi ma'egwao tada tauya leleleya ma 'ada 'oama wakewakekena, nate 'ami lobwene.

Guinuwa 10:3

Ta 'asiyata 'ebweu 'ena 'asuinuwanuwaya, Konilio nina 'ina 'enomata'ita'ita 'enega Yaubada 'ina anilose 'ebweu 'imeema 'enaya, ga 'i'ita 'ai'ailina, ta anilose nina 'igwae, “Konilio!”