Galetia 5:24 - Loina Tabu Auwauna NT

²⁴ Ta wate 'eguma Yesu Keliso 'iloineda, ooda 'ina bubuna to'umalidi be yalakwaiyao 'iloemwawasidi 'ana kelose 'enaya.

Galetia 5:24 Referans Kwoze

Loma 6:6

Ta wada nuwa'i'isi 'aene 'ida bubuna kadekadelina ni'atu kelose 'enaya 'iloemwawasina, be 'aene tauda 'ida loina 'igugumwala, be 'enega geya'abo wate bubuna to'umalina 'ina loina 'ena tamiyami,

Loma 13:14

Ta esi 'ilobweneda be 'ida 'Inapwana Yesu Keliso 'ina bubunega tada bubuna, be geya'abo bubuna bale'u manuna tanuwanuwa.

Loma 8:13

'abona nai tamwamwawasa. Ta esi 'eguma bubuna tomotai taguitoyase be Yaubada Yaluyaluwana tamuliye, 'iabe Yaluyaluwanana 'enega 'ida bubuna tomotai nina taloemwawasi, be 'enega yawasida bobo'ana taloba,

Loma 8:9

Ta esi 'omi Yaubada yaluyaluwana 'iloiloinemi, manuna 'emiya 'imiyami, be 'enega taumimo 'imi nuwanuwa nigeya 'iloiloinemi. Manuna 'abo yaita nigeya Keliso yaluyaluwana 'ena 'imiyami, tauna nigeya Keliso 'ina boda.

Galetia 6:14

Ta 'abo'agu esi geya'abo yaonaona tu'e. Nate namo 'ida 'Inapwana Yesu Keliso 'ana kelose manuna yada onalaga, manuna Keliso 'ana kelose 'enega bubuna bale'u 'iloemwawasina ga 'ina loina 'eguya 'igumwala, ta wate taudi bubuna bale'u 'ana tomuliyao siguitoyasegu 'atuwa tomwawasa 'abo'agu.

1 Pita 2:11

Ta gosegwao 'emiya yada simana apwesa 'aene 'abo'ada bale'u gete 'enaya toesugalagala, 'enega 'imi yalakwaiyao nidi 'atemiya simiyami waguitoyasedi, manuna yaluyaluwami sietalauwaledi.

1 Kolinita 3:23

manuna 'omi Keliso 'ina tomotaiyao, be Keliso nina Yaubada 'enega.

2 Kolinita 10:7

'Omi tomota 'adi 'ita namo 'ena wadunedune, ta to'ase 'atediya nigeya wamwalamwalatoni. 'Abo yaita 'ionalaga 'aene tauna Keliso 'ina boda, 'ida nuwa'i'isima 'aene 'abo'ama wate Keliso 'ina bodao,

Galetia 3:29

be maibo'ada Ebelaamo 'ina susuyao, manuna maibo'ada Keliso 'ina bodao, 'enega Yaubada 'ina onaupaupa Ebelaamo 'enaya ta'ewena.

1 Kolinita 15:23

Ta yawasi ataya 'ina tauya gete nadigega, nugana Keliso 'itoolo limana be ma'etamo tuta nina 'iila limanama 'abo'ada yaisigedi 'ina bodao, wate tatoolo limana,

Galetia 5:20

nabwasuwa, balau, egewagewana, etalauwala, e'ipi'ipi, gamwasowala, debaose, weyala, sinala, e'idi'idi,

1 Kolinita 6:13

Wada nuwa'i'isi masula manuna. Ona'ai'aila, masula gamwada manuna, ta wate gamwada masula manuna, ta esi ma'etamo masula be gamwada Yaubada 'ida loesawalidi. Ta bwalada Yaubada 'i'ebwa'eda nigeya loelata manuna, ta tauna esiya manuna, be tauna 'abo'ada manuda,

Galetia 2:20

Ona'ai'aila, Keliso ma'iyagu ni'atu sigiekeloseyema, 'enega mwawamwawasigu ta nigeya taugu yawasiguyega ta esi Keliso yawasina 'eguya 'imiyami. Gete tuga mayawasigu yamiyami, ta yawasiguna 'alena nate 'igu emisa Yaubada Natuna 'enaya. Manuna Yesu nina 'ina obobomega tauna 'itagwalena ga manugu 'imwawasa.

Galetia 3:26

ta esi 'ida emisega Yaubada maibo'ada 'i'awa natuneda, Yesu Keliso ma'edai.

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Epeso 3:1

Gete manuna 'abo'agu Paulo yabwagobwago ta yasidasida Yaubada 'enaya, tauna 'igu paisewa 'i'ebwa'eguya 'omi nigeya me Yudia 'emiya, ta gete tuga Keliso 'ina guinuwa manuna deliya sisa'u luguyegu ga yamiyami.

Epeso 3:6

'aene 'omi nigeya me Yudia sawesawenaya be Yaubada 'ina 'etoseyana walobai, 'abo'ama me Yudia nadigega, ta 'ina 'etoseyana nina lowa 'iona upaupaenaya, ga Yesu Keliso tetelina 'enega talobena, ga taeboda 'ebweu.

Epeso 3:11

Gete Yaubada 'ina nuwanuwa lowaenei ga batuwa, ta gete tuga 'igieapwesena 'ida 'Inapwana Yesu Keliso 'enega,

Kolose 2:11

Ta wate Keliso 'enega 'ami we'iwe'iyaya walobena, 'atuwa nadigega lodaba, nigeya lodaba oomi 'enaya, ta esi bubuna bale'u 'atemiyega 'idaba yaulena.