Galetia 5:1 - Loina Tabu Auwauna NT

¹ Miya bobo'ana manuna Keliso 'ili'amida 'ada yonao 'ediyega, 'enega wada toolopa'ala be geya'abo watagwatagwala limanemi Mosese 'ina loina yoniyonina 'enaya.

Galetia 5:1 Referans Kwoze

2 Kolinita 3:17

Ta 'Inapwana tauna yaluyaluwa, ta 'Inapwana nina Yaluyaluwana 'ada toli'ama,

Galetia 5:13

Gosegwao, Yaubada ni'atu 'iesinuwemi ga li'ali'amimi, ta geya'abo wanuwena 'aene nigeya 'ami loinamo be bubuna bale'u wamulimuliyedi, ta esi oboboma 'ina loinega wada tauya be taumimo wada elemalema limanemi.

1 Pita 2:16

Ta 'omi esi ni'atu Yaubada 'ili'amimi be 'aene taumimo wada loinemi, ta esi geya'abo guinuwa to'umalidi 'ediya watautauya, ta wada guinuwa tuga nadigega Yaubada 'ina toguinuwao.

Loma 6:14

'Enega gete tugai to'umalina geya'abo 'iloiloinemi, manuna Yaubada 'ina 'atenuwa'ole'ole 'ena wamiyami, ta nigeya Mosese 'ina loina 'ena.

Loma 8:2

Yesu Keliso ma'edai, 'enega Yaubada yaluyaluwanega to'umalina be mwawasa 'idi loina 'ediyega 'ili'amida, ga yawasi auwauna talobena.

Galetia 4:9

Ta gete tugai Yaubada wamwalamwalatoni, nai tagwae Yaubada 'imwalatonimi. 'Enega to'ase manuna Yaubada nina waguitoyasena, ta waila limana be 'imi 'ebe emisao nidi nenetadi nuwanuwami, be manudi wada guinuwa limana.

Ibeliu 10:23

'Enega tatoolo pa'ala be 'ida emisa Yesu 'ena tada giyagiyai, be tasimana apwesa tomota 'ediya, manuna Toonaupaupa nina nigeya 'ida kabo ta esi 'ina onao nidi nadigega 'iguiguinuwa 'esedi.

Galetia 2:4

Ta 'aidi wate gosedao kabokabodi ni'atu 'emaya siluguma, nuwanuwadi be 'ida miya bobo'ana Yesu Keliso 'i'ebwa'eda sida 'ita, ta taudi nigeya toemisa 'ai'aila, manuna nuwanuwadi be loina mwauna si'ebwa'ema.

Galetia 4:31

'Abo'ada nigeya Isimeeli nadigega, manuna Isimeeli topaisewa yoniyonina natuna, ta 'abo'ada Aisake nadigega ga 'ida miya bobo'ana.

E'ita'ita 3:3

Ta lowa e'ita nina sie'itemiya ga wanononaya, 'enega wada nuwa'i'isi be wasanaila, ta wamuliya 'ai'aila. Ta 'abo nigeya 'eno'enoega watootoolo, 'etamo 'emiya yawawai be yaloesalutuimi nadigega to'ipwala, ta nigeya wamwalamwalatoni to tuta 'ena yawawa.

2 Pita 2:19

'Adi tomuliyao nidi 'ediya sigwae, “'Eda gete 'ena wameemai, 'eda bobo'ana, ta nigeya 'ebweu wate 'etoboda 'imiyami.” Ta nigeya, ta taudi 'idi bubuna to'umalina 'enega taudimo siyonidi.

1 Kolinita 16:13

Gosegwao wa'ita'i'isimi, be ma imi emisa 'ai'aila wada toolopa'ala be wada ewaiwai,

Loma 7:6

Ta esi gete tuga loina nina ni'atu 'edaya 'igumwala, manuna lowa loina nina 'enega 'atuwa 'iyonida ga tamwawasa Keliso ma'eda, 'enega Keliso nina 'ada yona 'ili'amina ga gete tuga sawesawedaya be taguinuwa 'ai'aila, manuna Yaubada Yaluyaluwana 'ina waiwai 'edaya 'imiyami, ta esi Mosese 'ina loina nina 'eto'etoladina nigeya 'ina waiwaimo be 'igie palupaluyeda.

Guinuwa 15:10

“'Enega geya'abo Yesu 'ana toemisa auwaudi sena apwesa 'ediyega 'adi 'aa'aala mwauna wa'ebwa'ebwa'edi, 'abona nai Yaubada wagiegamwasowale, manuna 'aa'aala nina tubudao nigeya sawesawediya be si'aali, ta 'abo'ada wate nigeya sawesawedaya.

1 Kolinita 7:22

Ona'ai'aila, topaisewao bale'uya 'abo Keliso 'ena siemisa, Yaubada sawesawenaya 'idi to'umalinao 'ediyega 'ili'amidi, ta wate tai sinabwadi 'abo Keliso 'ena siemisa, sida eto'ali'ei tauna manuna.

Yude 1:3

Gosegwao, nuwanuwagu be 'ada 'etoseyana manuna yada 'etoladiwa, ta sa'i nigeya sawesawenaya, manuna 'ebweu mwau ni'atu 'emiya 'iapwesa, 'enega 'ilobwenena be leta gete 'enega yada guguyami be 'aene geya'abo 'ida tapwalolo palupaluna waguiguitoyase, ta esi wada etapewa manuna. Manuna 'ida tapwalolo nina ni'atu 'abo'ada Yaubada 'ana toemisao 'i'ebwa'eda.

Pilipai 1:27

Ta wada 'ita'i'isimi 'aene 'imi guinuwao 'ediyega tomota Keliso tetelina sida 'awabobo'ane, 'enega 'eguma yayausimi, nai 'eguma yamiyaila, tuwa tuga tetelimi bobo'ana yada noono 'aene ma imi 'atetagwala watoolo pa'ala, ta ma imi nuwanuwa leleleya ga 'enega waetaetapewa tetela bobo'ana 'ana emisa manuna,

Epeso 6:14

'Enega watoolo be e'ita 'ai'aila walogadiwanae, be lumalumami waabodebodedi bubuna palupaluna 'enega,

E'ita'ita 2:25

Tuga ma imi emisa wada toolopa'ala 'ana laba yailama.

Ibeliu 4:14

'Ida totaliya sinabwana ta bobo'ana 'imiyami, tauna Yesu, Yaubada Natuna, ni'atu manuda 'itu'e galewaya, 'enega 'ida emisa 'enaya tagiyai'i'isi.

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

Ibeliu 3:6

Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina. 'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

2 Tesalonaika 2:15

Gosemao, wada toolopa'ala, be 'ami e'itao nidi 'ima onega, ta wate 'ima leta 'ediyega, wada giyai'i'isidi.

1 Tesalonaika 3:8

'Enega 'imi toolopa'ala 'Inapwana manuna 'ama lotoona 'ibobo'ana.

Galetia 4:26

Ta 'abo'ada nigeya yoniyonida, ta 'ida sena Yelusalema galewaya, 'atuwa sinada 'ienatuneda Yaubada 'ina onaupaupa 'enega.

Galetia 3:25

Gete tuga Keliso ni'atu 'imai, 'enega loina 'ina 'ita'i'ita 'edaya 'igumwala,

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

Madiu 23:4

“Taudi 'aa'aala mwaudi tomota si'ebwa'ebwa'edi, ta taudi nigeya sa'i sida tagwala be 'aa'aala nidi 'ediyega sida lemedi.

Loma 7:3

Ta 'abo waine nina mwanena 'imiyami be mali tai 'iai, nate ni'atu 'iloelata. Ta esi 'eguma mwanenana 'imwamwawasa be mali tai 'iai nate nigeya loelata, manuna gimi mwanena ni'atu 'ina loina 'enega 'igumwala.

Loma 8:15

'Enega Yaubada nigeya tamatamataute, manuna ni'atu 'i'awa natuneda ga 'abo'ada nigeya nadigega 'ina topaisewao tuga, ta esi 'abo'ada ma ida 'atepatu ta'awatamane, tagwae, “Aba! Tamagu!”

2 Kolinita 11:20

'eguma paisewa mwaudi si'ebwa'emi, ta 'emiyega si'ipwa'ipwala, ta sikaboemi, be ma idi nuwatu'e maninimiya sisasapi.

Luke 5:38

Ta esi tada siwa 'ebesiwa auwau daisidimo 'ediya.