Galetia 4:18 - Loina Tabu Auwauna NT

¹⁸ 'Igu loina gete 'eguma 'abo'agu ma'emiya tamiyami, nai 'eguma 'emiyega yamiya 'edasola, loina 'ebweuna tuga, nate 'ilobwenemi be waetapewa guinuwa bobo'ana manuna.

Galetia 4:18 Referans Kwoze

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

E'ita'ita 3:19

“Ta wada nuwa'i'isi 'aene yaisigedi 'omi yaobobomemi, 'enapa'alega be loinega yagiepaepaluyemi. 'Enega wada ewaiwai be 'imi to'umalina 'enega wada nuwa'ebuni.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Pilipai 1:27

Ta wada 'ita'i'isimi 'aene 'imi guinuwao 'ediyega tomota Keliso tetelina sida 'awabobo'ane, 'enega 'eguma yayausimi, nai 'eguma yamiyaila, tuwa tuga tetelimi bobo'ana yada noono 'aene ma imi 'atetagwala watoolo pa'ala, ta ma imi nuwanuwa leleleya ga 'enega waetaetapewa tetela bobo'ana 'ana emisa manuna,

Galetia 4:13

Ta wanuwayaina 'aene lowa yagimi waiya 'emiya ma igu le'oasa, ta tuwa tuga tetela bobo'ana yaloguguyaena 'emiya.

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

Yoni 2:17

Ta 'ina tononoyao ona nina Buki Tabu solanaya sinuwa'i'isina, 'igwae, “Yaubada ye, 'imu anuwa tobobo'ana sana gete nuwagu 'i'ewena.”

Galetia 4:20

'Eguma sa'i 'omi ma'egwao tada miyami, be 'enega wada nuwa'ebuni be 'agu lotoona 'ida bobo'ana, ta esi ni'atu yanuwanuwa sinabwana 'imi to'umalina manuna.

Galetia 4:17

'Imi esa'ugelasa 'alena 'imi toe'itao auwaudi ni'atu sietaetapewa manumi, ta esi sikabokaboemi. Taudi nuwanuwadi be 'igu loina waguitoyase be 'idi loinega nuwami sida 'ewa.