Galetia 4:14 - Loina Tabu Auwauna NT

¹⁴ Ta nigeya wae'idi'idiyegu oogu 'ina neneta manuna, ta esi watagwalemi 'eguya, ga wa'au'eweguya 'atuwa nadigega Yaubada 'ina anilose 'ebweu, nai Yesu Keliso.

Galetia 4:14 Referans Kwoze

Madiu 10:40

“Ta 'omi 'abo yaita 'i'au'ewami, 'abo'agu be 'agu Toetune wate 'i'au'ewema.

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

Ibeliu 13:2

Ta wate 'owagao wada bwauyedi 'emiya, nadigega lowaenei 'aina tomota 'owagao si'ita'i'isidi ta esi 'owagao nidi taudi aniloseyao, ta toni'asao nidi nigeya simwalamwalatonidi.

2 Kolinita 5:20

'Abo'ama Keliso 'ana tosimanao ga Yaubada 'emega 'iloguguya 'emiya, ta Keliso manuna 'asidemi be Yaubada 'ena wada egosigosiyana limana.

1 Tesalonaika 4:8

'Enega 'abo yaita loina nina 'ile'oai, nigeya 'aene tomota 'idi loina, ta esi Yaubada 'ina loina 'ile'oale'oa, manuna Yaluyaluwa Tabuna tauna nuwanuwa 'ana togie'esasa, nate Yaubada 'ina 'ebwaya 'edaya.

Galetia 4:13

Ta wanuwayaina 'aene lowa yagimi waiya 'emiya ma igu le'oasa, ta tuwa tuga tetela bobo'ana yaloguguyaena 'emiya.

1 Kolinita 4:10

ta 'ama 'ita 'atuwa uwauwama Keliso manuna, ta sa'i 'omi 'ami 'ita 'atuwa taudi Keliso 'ana tosinasinapuyao, manuna 'abo'ama nenetama ta 'omi waiwaimi, be ma 'ami 'amayaba, ta 'abo'ama sa'i ma ima omayamaya.

1 Kolinita 1:28

Ta wate me bale'u Yaubada 'ina guinuwao si'awa yage besobesoedi, ta sa'i Yaubada 'ina guinuwao 'ediyega 'idi yage maibo'ana 'i'ausepaledi.

Yoni 13:20

“Ona'ai'aila, ma'etamo yaetunemi tomota 'ediya be 'abo yaita 'itagwala 'emiya, nate tauna ni'atu 'itagwala 'eguya, ta wate 'itagwala 'agu toetune nina 'enaya.”

Luke 10:16

'Enega 'ana tomuliyao nidi 'ediya 'igwae, “'Eguma yaita 'imi ona 'inonodi, nate 'abo'agu 'igu ona 'inonona. Ta 'abo yaita 'iguitoyasemi 'abo'agu wate 'iguitoyasegu, ta wate 'agu Toetune nina 'iguitoyasena.”

Madiu 25:40

“'Enega yada ona 'ediya be yada gwae, ‘Ona'ai'aila, 'eguma yaita 'oyo gosegwao gidalidi 'ebweuna 'ulemei, nate 'ena 'abo'agu wate 'ulemegu.’

Madiu 18:5

“'Enega 'eguma 'ebweu tomota gwama gete nadigega 'i'au'ewa manugu, tauna 'abo'agu wate 'i'au'ewegu.

Galetia 3:26

ta esi 'ida emisega Yaubada maibo'ada 'i'awa natuneda, Yesu Keliso ma'edai.

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Galetia 4:15

Ona'ai'aila, wa'awa gosiyana 'ai'ailegu, be 'abo sawesawenaya matamiyega wada iwayauledi be wa'ebwa'egu, matagu to'umalidi 'adi lopa'elu. Ta gete tugai mwa'adega 'ida egosigosiyana nina?