Galetia 3:27 - Loina Tabu Auwauna NT

²⁷ Manuna yaisigedi 'omi wabapitaiso Yesu Keliso 'ana esanega ni'atu Keliso nina ma'emi wamiyami.

Galetia 3:27 Referans Kwoze

Loma 13:14

Ta esi 'ilobweneda be 'ida 'Inapwana Yesu Keliso 'ina bubunega tada bubuna, be geya'abo bubuna bale'u manuna tanuwanuwa.

1 Kolinita 12:13

Manuna maibo'ada ni'atu tabapitaiso, yaluyaluwa 'ebweuna 'enega, ga ni'atu taeboda 'ebweuna. 'Abo'ama me Yudia be 'omi mali senao 'ediyega, be tomiya mwau be tomiya bobo'ana, ta ni'atu maibo'ada taeboda 'ebweuna Yaluyaluwa Tabuna nina 'edaya 'imiyami 'enega.

1 Pita 3:21

Bwasi nina gete 'ie'ita 'ai'aila 'edaya 'aene gete tuga bwasi nina 'ebe bapitaiso 'i'etoseyeda. Ta bapitaiso nina 'enega nigeya 'aene bwalada 'ana 'utu namo manuna, ta esi 'ida sidesidega Yaubada 'ateda 'igie'esasadi, Yesu Keliso 'ina toololimana 'enega,

Kolose 3:10

ta bubuna auwauna walobena, manuna Tomweluluwa nina tuta maibo'ana 'igiegie auwaumi, be 'aene tauna wada mwalamwalatoni be 'ina bubuna wada etotowane.

Epeso 4:24

be 'enega bubuna auwauna wa'ewa, Yaubada 'ina bubuna nadigega, manuna tauna 'atedaya bubuna bobo'ana ta 'esasena 'isa'una.

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Loma 3:22

'aene Yaubada maibo'ada 'ida 'awa palupaluyeda Yesu Keliso 'ana emisa 'enega, be geya'abo 'ebweu wate weyala 'ida miyami 'abo'ada me Yudia be taudi nigeya me Yudia gamwagamwanidaya.

Guinuwa 16:15

ga tauna ma ina susuyao 'agie bapitaisoedi. Ga muliyega 'isidema, 'igwae, “'Inapwanao, wamwalatonigu 'aene ni'atu Yesu yaemisa 'ai'ailena, 'enega kapekapeyana wamamai be wae'owaga 'igu anuwaya?” Ta 'igewagewanema, ga 'enega 'atauya.

Guinuwa 8:16

manuna ma'etamo nigeya 'ilugulugu 'ediya. Nate namo 'Inapwana Yesu 'ana esanega sibapitaiso.

Guinuwa 9:18

'Enega Saulo matanega 'atuwa bwala sibe'u manini ga 'i'ita limana. 'Enega 'itoolo ga 'ibapitaiso,

Luke 15:22

Ta esi tamanana 'ina 'ali'eiyao 'ibwauyedi ga 'ediya 'igwae, ‘Walomanini be 'oama bobo'ai'ailina wame'e be natugu wae'ote, ta wate nimapasapasa wame'e be nimanaya wasa'u, ta wate 'aelawa 'aenaya wasa'u,

1 Kolinita 10:2

'Enega pwana be ola 'ediyega 'idi bapitaiso silobena 'aene Mosese 'ana tomuliyao,