Galetia 3:22 - Loina Tabu Auwauna NT

²² Ta esi Buki Tabu maibo'ada 'i'awa to'umaliyeda, 'enega Yesu Keliso 'ana toemisao dimo Yaubada 'ina onaupaupa siloba.

Galetia 3:22 Referans Kwoze

Loma 11:32

manuna tologwautoyasa maibo'ada gete nadigega Yaubada 'ibubuna'eseda be 'aene 'ina 'atenuwa'ole'ole 'ida e'itada.

Ibeliu 9:15

Ona'ai'aila, Keliso nina loina auwauna 'ime'ena ga 'enega tamai be Yaubada ma'edai taegosigosiyana, manuna 'abo 'iesinuweda yawasida ataya 'iona upaupaenaya 'i'ebwa'eda. Manuna 'abo'ada gimi loina tale'oena, 'enega 'ilobwenena be tada mwawasa, ta Keliso manuda ni'atu 'imwawasa sabi 'etoseyeda.

Galetia 3:23

Lowa tuta nina emisa nigeya tamwalamwalatoni, 'abo'ada Mosese 'ina loina 'iyonida ga tamiya mwau, ga 'ana laba Yaubada emisa 'igieapwesena 'edaya.

1 Yoni 2:25

be yawasida nina 'iona upaupaenaya 'ida 'ebwa'emi, nate yawasi ataya.

Yoni 3:36

be 'enega 'abo yaita tauna 'iemisena yawasina ataya 'ida loba, ta 'abo yaita tauna 'iguitoyasena geya'abo wate yawasina ataya 'ilobaloba, ta esi Yaubada 'ina gamwasowala 'enaya geya'abo 'isawasawala.”

Yoni 12:46

Ta 'abo'agu maedana nina gete yamai bale'uya be 'enega yaisigedi 'omi waemisegu geya'abo wate guguyoi 'ena wamiyami.

Yoni 5:24

“'Enega yasimana 'ai'aila 'emiya 'abo yaisigedi 'igu ona sinonodi be tauna 'ietuneguma siemisei yawasidi ataya sida loba, be geya'abo 'asiyata bwa'omatana 'ena silugulugu, manuna ni'atu mwawasa 'ina sena sipilisinena ga siabala yawasi auwauna 'enaya.

2 Pita 3:13

ta 'abo'ada tayamwayamwa be galewa ta bale'u auwaudi ta'itadi, nadigega Yaubada lowa 'ionaupaupa, ta sena nina 'enaya bubuna palupaluna namo 'imiyami.

2 Pita 1:4

Ta wate 'ina onaupaupa bobo'adi ta waiwaidi 'ediyega bubuna bale'u 'ana yalakwaiyao to'umalidi waebesinedi, ga Yaubada 'ina bubuna bobo'ana walobena.

2 Timoti 1:1

Kagutoki natu'ai'ailigu 'oyo Timoti, 'imu leta gete 'eguyega. 'Abo'agu Yesu Keliso 'ana tosimana, nadigega Yaubada 'ina nuwanuwa ga yaetosimana yawasi bobo'ana Yesu Keliso 'enega manuna. Tamada Yaubada be 'ida 'Inapwana Yesu Keliso ma idi oboboma sida 'atenuwa 'ole'oleyeyo be 'enega 'uda miya gwausowala.

Galetia 3:29

be maibo'ada Ebelaamo 'ina susuyao, manuna maibo'ada Keliso 'ina bodao, 'enega Yaubada 'ina onaupaupa Ebelaamo 'enaya ta'ewena.

Loma 10:9

be 'enega Yaubada 'ida 'etoseyeda 'abo 'awadega tatagwala, tagwae, “'Igu 'Inapwana tauna Yesu”, be 'atedega taemisa 'aene Yaubada Yesu mwawasega 'igietoolo limena.

Loma 5:12

Ta lowaenei bubuna to'umalina 'imai bale'uya 'ebweu tai 'enega, ta bubuna to'umalina nina mwawasa 'ime'ena, 'enega mwawasa 'isusaila tomota maibo'ada 'edaya, manuna maibo'ada tabubuna to'umalina.

Loma 3:23

Manuna maibo'ada toto'umalida, ga tamiya 'edasola Yaubada 'ina maedana 'enega,

Guinuwa 16:31

Ta Paulo be Sailasa sigwae, “'Eguma 'Inapwana Yesu 'ena 'uemisa, 'iabe 'oyo be 'imu susuyao wate 'etoseyana waloba.”

Yoni 20:31

ta tuwa tuga pu'epu'edimo ya'etoladidi be wada sawadi be wada mwalatoni be wate Yesu wada emise 'aene tauna To'etoseyana nina, Yaubada natuna, be 'enega Yesu 'ana esanega yawasimi ataya wada 'ewa.

Yoni 6:40

Ta gete Tamagu 'ina nuwena nadigega 'aene 'eguma yaisigedi taudi 'abo'agu natunana si'itagu, be wate siemisegu, yawasidi ataya siloba, ta tuta 'ana 'ebe losalowa 'enaya 'abo'agu mwawasega yada gietoolodi.”

Galetia 3:17

'Ana mwalatoi gete Yaubada 'ina onaupaupa 'igimi sa'una Ebelaamo 'enaya, 'enega yakwala powa analedi be teti muliyega Mosese 'ina loina 'iapwesa. Ta nigeya sawesawenaya onaupaupa 'ikweu, nai 'isa'ugelase loina nina 'enega, ta esi ma ina waiwai 'etamo 'imiyami.

Galetia 3:14

Be Yesu Keliso 'enega taudi nigeya me Yudia gwausowala siloba, nadigega gwausowala nina Yaubada 'iona upaupaena Ebelaamo 'enaya, 'aene maibo'ada 'ida emisega to'ase Yaubada 'iona upaupaenaya 'i'ebwa'eda, nate Yaluyaluwa Tabuna.

Maki 16:16

'Enega yaisigedi siemisegu wada giebapitaiseodi, be 'etoseyana sida loba, ta 'abo yaisigedi nigeya siemiemisa ma'etamo loina to'umalina siloba.

Loma 3:22

'aene Yaubada maibo'ada 'ida 'awa palupaluyeda Yesu Keliso 'ana emisa 'enega, be geya'abo 'ebweu wate weyala 'ida miyami 'abo'ada me Yudia be taudi nigeya me Yudia gamwagamwanidaya.