Galetia 2:21 - Loina Tabu Auwauna NT

²¹ 'Enega geya'abo Yaubada 'ina oboboma nina yae'idi'idiye. Geya'abo tanuwanuwa 'aene Mosese 'ina loinao 'adi ematamatana 'enega Yaubada 'ida 'awa bobo'aneda. Nate be Keliso 'ina mwawasa nina 'ieyage besobeso.

Galetia 2:21 Referans Kwoze

Loma 11:6

'Etoseyana gete 'alobena nigeya 'aene 'ima guinuwao 'ediyega, ta esi Yaubada 'ina oboboma 'enega, manuna 'abo oboboma ma 'ana e'isa nate nigeya oboboma 'ai'aila.

Galetia 3:21

Geya'abo wanuwanuwa 'aene Mosese 'ina loina Yaubada 'ina onaupaupa 'ietalauwalena? Manuna nigeya 'ebweu wate loina sawesawenaya be yawasida 'i'ebwa'eda, nai 'ida bubuna 'ida giepaepaluyedi. Nigeya.

Ibeliu 7:11

Libai tubunao taudi 'idi guinuwa Yaubada 'ina loinao me Isileli sie'itada, ta loina nina nigeya sawesawenaya 'igiepalu 'ai'ailida, 'enega nuwanuwada 'ebweu totaliya auwauna be 'igiepaluda. Totaliya nina nadigega Melikisedeki, ta nigeya Eloni matubunao nadigega.

1 Kolinita 15:14

'enega 'ima loguguya nidi tuga yage besobeso, manuna Keliso waemisa yogenena.

Galetia 2:16

'enega tamwalamwalatoni 'aene Yaubada tomota 'i'awa'awa palupaluyeda nigeya Mosese 'ina loina 'ana ematamatana 'enega, ta esi 'ida emisa Yesu Keliso 'enaya 'enega. Manuna 'abo'ada 'ida emisa Yesu Keliso 'ena tasa'una be Yaubada 'i'awa palupaluyeda. Ta esi 'ida emisa nigeya Mosese 'ina loina 'ana ematamatana 'ena tasa'usa'u, manuna Yaubada nigeya tomota 'i'awa'awa palupaluyeda Mosese 'ina loina 'ana ematamatana manuna.

Loma 10:3

'Eda nina siemwagemwageyena, 'enega taudimo 'idi nuwanuwa simuliyena, be 'enega Yaubada 'ida 'awapalupaluyedi, ta sa'i sitooyogena, manuna Yaubada 'ina nuwanuwa nina 'adi 'awapalupalu manuna nigeya siemiemise.

Galetia 2:18

'Abo'agu 'eguma yaila limana be 'igu emisa Mosese 'ina loinao 'ediya yasa'u, nate yato'umalina.

Loma 8:31

Ona'ai'aila, Yaubada 'ina oboboma manuna geya'abo tagwaegwae, manuna 'abo Yaubada ma'edai 'ilemeda, nigeya yaita sawesawenaya 'ilosaiyeda, nai 'igie to'umaliyeda.

Maki 7:9

Ta wate 'igwae, “'Aene 'omi tomwalatoi 'ai'aila, ta nigeya! Manuna Yaubada 'ina loinao waguiguitoyasedi ta esi tubumiyao 'idi bubuna wagiyai'i'isidi.

1 Kolinita 15:17

Ga Keliso nina wate waemisa yogenena, ga 'enega 'imi to'umalinao 'etamo tuga 'emiya simiyami.

Loma 4:25

Ta 'abo'ada 'ida to'umalina manuna Yesu 'imwawasa, ga mwawasega Yaubada 'igietoolo limena be gete 'enega 'igie'esaseda ga 'i'awa palupaluyeda.