Galetia 1:6 - Loina Tabu Auwauna NT

⁶ 'Ebe nuwaowana gete 'eguya, manuna lowa Yaubada 'iesinuwemi be 'aene oboboma Keliso 'enega waloba, 'enega tetelina waemisena, ta walomanini gete tuga ga waguitoyasena, ta mali tetela waemisena.

Galetia 1:6 Referans Kwoze

2 Kolinita 11:4

'Enega 'abo yaita 'iweewai be Yesu tetelina 'emiya 'iloguguya, ta nigeya 'abo'ama 'ima loguguya nadigega, tauna 'enaya watagwalemi tuga. 'Omi ni'atu tetela bobo'ana 'ena watagwalemi ga Yaluyaluwa Tabuna 'emiya walotoona, ta sa'i mali tetela be mali yaluyaluwa 'ediya watagwatagwalemi.

1 Timoti 1:3

Lowa tuta nina ni'atu be yapilisineyo be yatatauya Masidonia, ta yaemataluwemu, yagwae, “Geya'abo 'utautauya. Bada tuga Epeso 'ena 'uda miyami be 'aina tomota 'u'etobodedi be geya'abo mali e'itao sie'ie'itaedi,

1 Kolinita 4:15

Ona'ai'aila 'ami toe'itao yau wawasae, Keliso 'ina 'eda'eda manuna, ta tebweugumo tuga tamami, manuna tetela bobo'ana 'ana loguguya 'enega yame'emi Yesu Keliso 'enaya.

Guinuwa 15:11

Ta sa'i 'ida emisa 'aene 'Inapwana Yesu 'ina obobomega 'i'etoseyeda, ta taudi wate Yesu 'iobobomedi, ga 'enega wate 'i'etoseyedi.”

Galetia 5:4

be 'abo yaita 'oyo nuwanuwayo be Mosese 'ina loinao 'adi ematamatana 'enega 'awabobo'ana 'uda loba, ni'atu Keliso 'ina oboboma 'emuya 'uloseyena, ga tauna 'upilisinena.

Loma 10:3

'Eda nina siemwagemwageyena, 'enega taudimo 'idi nuwanuwa simuliyena, be 'enega Yaubada 'ida 'awapalupaluyedi, ta sa'i sitooyogena, manuna Yaubada 'ina nuwanuwa nina 'adi 'awapalupalu manuna nigeya siemiemise.

1 Timoti 1:14

ga 'ida 'Inapwana nina 'ioboboma 'ai'ailigu, ga emisa be oboboma Yesu Keliso 'enega 'i'ebwa'egu.

E'ita'ita 22:21

'Ida 'Inapwana nina Yesu 'ina nuwa'ole'ole, be 'ina oboboma, yauyaumi 'ana toemisao 'emiya.

2 Timoti 2:1

Natugu Timoti, Yesu Keliso 'ina waiwaiyega 'uewaiwai

2 Timoti 1:9

Yaubada nina 'i'etoseyeda ga 'ibwauyeda 'ina guinuwa bobo'adi sabi guinuwedi. Ona'ai'aila, nigeya 'abo'ada 'ida bobo'ana manuna ga 'enega 'iesinuweda, ta esi tauna 'ina nuwena ta 'ina oboboma 'edaya lowaenei Yesu Keliso 'enega manuna,

2 Tesalonaika 2:14

Tetela nina lowa 'aloguguyaena 'emiya ga waemisena, ga gete 'enega 'ida 'Inapwana Yesu Keliso 'ina esaesa 'i'ebwa'emi.

Loma 5:2

Manuna Yesu 'ilemeda ga Yaubada 'ina oboboma 'iapwesa 'edaya ga 'ena tamiya bobo'ana. 'Enega tada nuwayai ma ida gwausowala Yaubada 'ina esaesa 'etamo 'i'ebwa'eda manuna.

Yoni 9:30

'Enega tai nina 'ediya 'igwae, “Gete yage kwanikwanina. Tai nina matagu 'igie'esasedi ta nigeya wamwalamwalatoni 'aene mane 'enega 'imai.

2 Pita 1:3

Yaubada nina 'ina waiwaiyega 'ilemeda ga 'iobobomeda, ta yage yauna yawasida be 'ida bubuna 'esasena manudi 'i'ebwa'eda. Manuna tauna tamwalatonina 'aene 'iesinuweda be 'ina esaesa ta 'ina bubuna palupaluna 'i'ebwa'eda.

1 Pita 1:15

Ta esi 'imi guinuwa maibo'adi 'ediya wada bubuna palupaluna, nadigega tauna 'ibwauyemi 'ina bubuna 'esasena.

Maki 6:6

'Enega Yesu 'isakowasi 'asa 'ediya ta 'ie'ie'ita.

Loma 8:28

Gete 'enega tamwalatonina 'aene 'abo Yaubada taobobome 'iabe to'ase be to'ase talobaloba maibo'ana 'igiepaepaludi, manuna tauna 'ina nuwanuwa nadigega ga 'ibwauyeda.

Loma 8:30

Yaubada nina 'iesinuweda, 'enega 'ibwauyeda, ga 'i'awa palupaluyeda, ta wate 'ida 'ebemi esaesa 'i'ebwa'eda.

2 Kolinita 2:17

Ta 'abo'ama nigeya nadigega tologuguya kabokabodi, taudi 'idi esaesa tuga manuna siloguguya, ta esi 'abo'ama ma 'ama emisa, nadigega Yaubada 'iloinema, 'enega tauna matanaya Keliso tetelina 'aonaona 'ai'aila.

Galetia 1:7

Ona'ai'aila, Tetela Bobo'ana 'ebweuna namo, ta nigeya 'ebweu wate tetela 'imiyami, ta esi 'aina tomota ni'atu sigiekwanimi, manuna nuwanuwadi be Keliso tetelina sisa'u gelase be 'enega sikaboemi.

Galetia 1:11

Gosegwao, wada nuwa'i'isi 'aene tetela bobo'ana yasimanenawa, nigeya tomota 'ediyega,

Galetia 1:15

Tuta nina nigeya yatubutubuwa, ta lowaenei Yaubada 'ina obobomega 'igimi esinuwegu,

Galetia 2:2

Ta 'igu tauya 'alena manuna Yaubada 'ie'itegu 'aene 'ilobwenegu be yada tu'e Yelusalema, 'enega yatauya toekalesiyao 'idi toanuganao 'ediya, ga taumamo 'a'awa'awagwae, ga tetela nina yaloguloguguya taudi nigeya me Yudia 'ediya yasimana apwesa toanuganao nidi 'ediya, manuna geya nuwagu be yaloguguya besobeso, 'enega toanuganao nidi sitagwala 'igu loguguya nina 'enaya.

Galetia 2:5

'Enega 'idi loina maibo'ana 'aguitoyasena, ta nigeya 'ebweu to'ase 'ena 'atagwatagwala. Geya'abo 'ida tetela 'ai'aila manumi sisa'usa'u gelasa.

Galetia 2:7

Ona'ai'aila, toanuganao nidi Yaubada 'ina egueguyai si'italobena 'aene 'abo'agu tetela bobo'ana yaloguloguguyae taudi nigeya me Yudia 'ediya, ta Pita esiya me Yudia dimo 'ediya.

Galetia 2:14

'Enega 'abo'agu yamwalatonina 'aene Keliso tetelina palupaluna geya'abo simulimuliya 'ai'aili, ta maibo'adi matadiya Pita yaenaidena, yagwae, “Gosiyagu, 'oyo goma Yudiayo, ta 'aina tuta me Yudia 'ida bubuna wapilipilisine be mali sena bubunidi 'uetoetotowanedi, 'enega mwa'adega be taudi mali sena nina tomotenidi 'ugie sanaila 'esedima be Yudia bubunina simuliye?”

Galetia 5:14

Manuna loina maibo'adi 'adi bwagila, loina 'ebweuna gete, 'igwae, “Gosemwao 'uda obobomedi nadigega tauyo 'amu oboboma.”