Epeso 6:9 - Loina Tabu Auwauna NT

⁹ 'Omi 'inapwanao wate wada bubuna 'ai'aila 'imi toguinuwao 'ediya, ta geya'abo wa'ena'ena pa'alidi, ta wanuwa'i'isi 'aene maibo'ami 'omi be taudi 'imi 'Inapwana galewaya 'imiyami, ta 'ina loina 'emiya leleleya maibo'ami manumi.

Epeso 6:9 Referans Kwoze

Kolose 3:25

Ta esi toto'umali nidi 'ida emaisidi yage to'umalidi 'ediyega. Manuna nigeya 'ebweu wate mali loina 'imiyami.

Guinuwa 10:34

'Enega Pita 'ieonedi, 'igwae, “Ona'ai'aila! Ni'atu nuwagu 'isabwalena 'aene tomota maibo'adi Yaubada matanaya leleleya, ta nigeya me Yudia mamo 'iobobomema,

Loma 2:11

Manuna Yaubada maibo'ada 'ida loineda leleleya.

Luke 6:31

Ta 'abo to'ase nuwanuwami be tomota 'emiya siguinuwei, 'omi wate nadigega 'ediya wada guinuwa'esa.

Madiu 7:12

Ta 'abo to'ase nuwanuwami be tomota 'emiya siguinuwei 'omi wate nadigega 'ediya wada guinuwa'esa, manuna getei Mosese be palopitao 'idi loina 'ana bwagila.

Yemesa 2:13

Manuna 'abo yaita nigeya gosenao 'i'ate'atenuwa 'ole'oleyedi, Yaubada nadigega geya'abo tai nina 'i'ate'atenuwa 'ole'oleye. Ta 'abo yaita to'atenuwa 'ole'ole, geya'abo Yaubada 'ina bwa'omatana 'imatamataute.

Yemesa 2:8

Ta 'ida 'Inapwana 'ina loina sinabwana Buki Tabu 'ena 'igwae, “Gosemwao 'uda obobomedi nadigega tauyo 'amu oboboma.” Loina getei 'abo 'umuliya 'ai'aili, gete bubuna bobo'ana.

Yoni 13:13

Ta 'omi ni'atu waeesegu 'aene 'abo'agu Toe'ita, ta wate 'Inapwana, ga nate ona 'ai'aila.

Yemesa 5:4

Ta 'imi bagula 'adi topaisewao nigeya waemaemaisa 'ai'ailidi, 'enega toguinuwa nidi 'idi lomugi be 'idi dedoi ni'atu Yaubada Toewaiwai sana 'inonona.

1 Kolinita 7:22

Ona'ai'aila, topaisewao bale'uya 'abo Keliso 'ena siemisa, Yaubada sawesawenaya 'idi to'umalinao 'ediyega 'ili'amidi, ta wate tai sinabwadi 'abo Keliso 'ena siemisa, sida eto'ali'ei tauna manuna.

Madiu 24:51

'iabe anuwega 'ipa'i be e'isa to'umalina 'i'ebwa'e tokaboyao 'idi senaya, sena gote 'ena sidedoi be siesala'i'ita 'elouya 'enega.

Madiu 24:48

“Ta esi 'eguma toguinuwa 'ibubuna to'umalina be taunamo 'ena 'iona, ‘'Igu 'inapwana 'etamo 'iso'iso'i,’

Madiu 22:10

'Enega siapwesa 'edaya ga tomota yauyaudi siegogonedima, 'aidi toto'umalidi be 'aidi tobobo'adi ga 'enega ai 'ana anuwa nina siloemaena.

Madiu 22:8

“Ta kini nina 'ina toguinuwao 'ediya 'igwae, ‘Ai masulina ni'atu gibugibubuna ta esi taudi yaemataluwediya nigeya sawesawenaya be simama.

Kolose 4:1

Ta 'omi 'inapwanao, wada loina palupalu 'imi toguinuwao 'ebweuna 'ebweuna 'ediya, manuna wanuwa'i'isi 'aene 'omi wate 'imi 'Inapwana 'imiyami galewaya.