Epeso 6:6 - Loina Tabu Auwauna NT

⁶ Geya'abo 'aene 'abo tuta nina 'imi 'inapwana siduneduneyemi namo 'ediya wapaisewa 'ai'aila, ta 'aina tuta nigeya, ta esi Yaubada manuna 'imi gwaunuwa 'atemiyega waguiguinuwe.

Epeso 6:6 Referans Kwoze

1 Tesalonaika 2:4

Manuna 'ima paisewa gete Yaubada 'itagwala 'emaya be tetela bobo'ana 'asimana apwese, 'enega 'ima simana nina nigeya to'ase tomota nuwanuwadi, ta esi to'ase Yaubada nuwanuwana. Manuna nuwanuwa nidi 'atemaya simiyami, nai bobo'adi, nai to'umalidi, Yaubada taunamo 'imwalamwalatoni.

Galetia 1:10

Mwa'adega, tomota nidi 'adi tuputupu manuna yanuwanuwa, nai Yaubada 'ana tuputupu? Manuna 'eguma tomota 'idi nuwanuwa yaguiguinuwa, nigeya sawesaweguya be Keliso manuna yaetoguinuwa.

Epeso 5:17

'Enega geya'abo waeuwauwa, ta esi nuwami 'ida sabwalena, to'ase Yaubada 'ina nuwanuwa manumi nadigega.

1 Pita 4:2

'Enega 'ida tuta maibo'ana bale'uya tamiyami, tada tagwaleda Yaubada 'enaya be tauna 'ida loineda, ta 'ida yalakwaiya geya'abo 'iloiloineda.

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

Madiu 12:50

Manuna 'eguma yaisigedi Tamagu galewaya 'ina nuwanuwa simulimuliye, taudi tasigwao nai nuugwao nai sinagwao.”

Ibeliu 13:21

Ga Yaubada yage yauyauna bobo'adi 'i'ebwa'emi, be 'ediyega 'ina nuwena wada muliya 'ai'aili, be 'enega Yesu Keliso 'ina guinuwega Yaubada 'ida giebobo'anemi to'ase nadigega 'ina nuwanuwa, be manumi 'ida gwausowala. 'Enega Keliso nina tada tupu atae. Eimeni.

Ibeliu 10:36

Ta 'ilobwenemi be watoolo pa'ala be Yaubada 'ina nuwanuwa wada guinuwe, be to'ase 'iona upaupaena wada 'ewa.

Kolose 1:9

Tuta nina tetelimi 'agimi nonona ga 'ana laba batuwa, nigeya 'ima sidasida manumi 'ada losa'u, ta esi Yaubada 'ena 'a'awa'awanoi be 'aene Yaluyaluwa Tabuna 'ida gienuwa sabwalenimi, be 'enega wada mwalatoi 'ai'aila to'ase 'ina nuwena manumi,

Madiu 7:21

Yaudi 'eguya si'awa'awa 'inapwana ta ma'etamo geya'abo silugulugu Yaubada 'ina 'ebeloina 'enaya, nate namo taudi Tamagu galewaya 'ana toematamatanao.

1 Yoni 2:17

Ta bale'u gete 'iabe 'isasawala ta wate nuwanuwa gwegwe bale'u manuna 'igugumwala, ta 'abo'ada esi 'eguma Yaubada 'ina nuwanuwa taguiguinuwe tamiya ataya.

Loma 6:17

Ta ona'ai'aila, 'omi lowa bubuna to'umalina 'ana toguinuwao, ta esi tetela bobo'ana wanononaya ga 'atemi watagwaledi 'enaya, ga 'enega 'imi to'umalina 'igumwala. Ta Yesu 'ili'amimi be 'aene 'omi bubuna palupaluna 'ana toguinuwao, 'enega tada lokagutoki sinabwana Yaubada 'enaya, yage gete manudi.

Kolose 4:12

Epapila wate 'ina lokagutoki 'emiya, tauna 'ebweu 'imi boda 'emiyega, ta 'iguiguinuwa To'etoseyana Yesu manuna, ta wate 'ina sidasidao 'ediya 'isidasida waiwai be 'aene wada toolopa'ala ma imi bubuna maibo'ana bobo'ana, nadigega Yaubada nuwanuwana.

1 Pita 2:15

Ta Yaubada 'ina nuwanuwa gete be 'aene toemwagemwageyao, 'abo sida ona besobeso manumi, 'imi guinuwa bobo'ana 'etamo sida 'ita, be geya'abo wate to'ase manumi sioneone.

1 Tesalonaika 4:3

Yaubada nuwanuwana 'imi miya 'esasena, ta geya'abo waloeloelata,

Maki 3:35

'Enega 'eguma yaisigedi Yaubada 'ina nuwanuwa simulimuliye taudi tasigwao be nuugwao be wate sinagwao.”

1 Kolinita 7:22

Ona'ai'aila, topaisewao bale'uya 'abo Keliso 'ena siemisa, Yaubada sawesawenaya 'idi to'umalinao 'ediyega 'ili'amidi, ta wate tai sinabwadi 'abo Keliso 'ena siemisa, sida eto'ali'ei tauna manuna.