Epeso 6:19 - Loina Tabu Auwauna NT

¹⁹ be 'abo'agu wate manugu, be 'enega ma igu 'atepatu tetela bobo'ana 'ana mwalatoi kwaikwaiyina yaonaona apwese.

Epeso 6:19 Referans Kwoze

Kolose 4:3

'Abo'ama wate manuma wada sidasida, be 'enega Yaubada 'eda 'ida gieapwese 'emaya, be 'enega Keliso tetelina kwaikwaiyina 'ada simasimana apwese tomota 'ediya, tauna tetela nina gete 'ana simana manuna sisa'u luguyegu deliya.

Guinuwa 4:29

'Inapwana ye, 'idi 'enapa'ala 'imu toguinuwao 'emaya geya'abo 'unoonodi, ta esi 'uda giewaiwaiyema be ma ima 'atepatu 'imu ona 'ada simana apwese.

2 Tesalonaika 3:1

Gosemao, 'ebweu yage wate nuwanuwama be manuma wasidasida Yaubada 'ena, be 'enega 'Inapwana tetelina 'ima loguguyega 'ida lelewana be 'iewaiwai tomota 'ediya, nadigega lowa 'emiya.

1 Tesalonaika 5:25

Gosemao, wada sidasida manuma Yaubada 'enaya.

Ibeliu 13:18

Nuwanuwama wate be 'abo'ama 'ima guinuwa manuna wada sidasida Yaubada 'enaya. Gete tuga 'anuwena 'aene 'ima bubuna bobo'ana, ta nuwanuwama be bubuna bobo'ana nina 'enaya 'ada toolo ataya.

Guinuwa 4:31

'Idi sidasida gete silosalonina, ga anuwa nina 'ena simiyamiya 'iloniu, ga maibo'adi Yaluyaluwa Tabuna 'ina waiwaiyega si'atepatu, ga Yaubada 'ina ona siona apwesena.

1 Tesalonaika 2:2

Wanuwa'i'isi wate 'aene me Pilipai lowa sibubuna geyogeyoiyema ga sigie omayamayaema, ta tuwa tuga Yaubada 'igie 'atepatuma ga tetelina bobo'ana 'asimanena 'emiya 'anabwa'ayoi tomota sietalauwalema, ta 'aloguguya 'emiya,

2 Kolinita 8:7

'Omi ni'atu wabubuna bobo'ana 'imi guinuwa yauna 'ediyega, nate emisa be simana be mwalatoi be etapewa be wate 'imi oboboma 'emaya, 'enega 'ilobwenemi be 'ebwayadaita bobo'ana wate wada guinuwe.

Epeso 1:9

Ona'ai'aila, sinasinapu be mwalatoi 'i'ebwa'eda, ga tauna 'ina nuwanuwa kwaikwaiyidi tamwalatonidi, manuna gete 'igimi loinaena be Keliso 'enega 'ida losaloni,

1 Kolinita 4:1

Ta esi 'abo'ama Keliso 'ina toguinuwao, manuna tetela nina Yaubada 'enega lowa kwaikwaiyina ta gete tuga ni'atu 'asimasimane 'emiya.

Guinuwa 28:31

ta Yaubada 'ina loina manuna 'iloguguyedi ta 'ie'ie'itedi 'Inapwana Yesu Keliso manuna, ta nigeya 'ebweu yaita 'itoo be 'ina loguguya 'i'etobode.

Guinuwa 19:8

Ga nawalae 'etoi 'ediya me Yudia 'idi anuwa tapwalolo solanaya Paulo nina 'ilugulugu, ta Yaubada 'ina etoloina manuna ma ina 'atepatu 'ionaona, ta 'iegewagewana ta 'i'i'i'imidi.

Guinuwa 13:46

'Enega Paulo be Banaba ma idi 'atepatu siona apwesa me Yudia nidi 'ediya, sigwae, “'Ilobwenena be Yaubada 'ina ona 'agimisimana 'emiya, ta gete tuga waguitoyasena, nai 'omi taumi waloinemi 'aene nigeya sawesawemiya be yawasimi ataya wada loba, 'enega 'aguitoyasemi, be mali bodao 'ediya 'ada loguguya, taudi nigeya me Yudia 'ediya.

Pilimoni 1:22

'Ebweu yage wate nuwanuwagu, nate 'igu 'ebe'eno 'imu anuwaya 'ugibubu, manuna yanuwayaina 'aene 'imu sidasida Yaubada 'ena 'enega 'iabe tuta gidalina be deliyega sili'amigu be yawawa 'emuya.

Kolose 2:2

be 'aene taudi wate obobomega sida egosigosiyana 'ai'aila, ma 'adi lotoona bobo'ana, be ma idi mwalatoi 'ai'aila, 'enega sida gwausowala sinabwana, manuna ni'atu sinuwanuwa sabwalena mwalatoi lowa kwaikwaiyina manuna, nate Keliso.

2 Kolinita 3:12

Tanuwayaina 'aene loina auwauna 'enega tada bobo'ana ataya, ga manuna ta'atepatu,

Guinuwa 14:3

Ta tuwa tuga, tuta dudulana Paulo be Banaba simiyana sena nina 'ena, ta ma idi 'atepatu siloguloguguya 'Inapwana manuna. Ga 'Inapwana nina 'ina waiwaiyega guinuwa 'ebe nuwaowana be edeedede siguinuwedi, ga 'ediyega 'Inapwana nina 'ina oboboma tetelina 'ana 'ai'aila tauna 'ie'itaena tomota 'ediya.

Guinuwa 9:27

Ta Banaba namo Saulo 'ilemena, ga 'i'au'ewena Yesu 'ana tosimanao 'ediya, ga 'iemwasala 'aene Saulo 'edaya 'Inapwana 'ilobena ga 'enana 'inonona, 'enega Damasiko 'ena ma ina 'atepatu Yesu manuna 'iloguguya.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

2 Kolinita 7:4

Ni'atu manumi yagwaugwausowala ta yatupumi, ga 'igu nuwanuwa ni'atu 'ibobo'ana manumi. Gete tuga 'amiya mwau, ta tuwa tuga manumi yagwausowala sinabwana.

2 Kolinita 1:11

'Omi wate 'imi sidesidega wada lemema be 'enega e'isa bobo'ana Yaubada 'enega 'ada loba, yauyauda 'ida sidasida 'ediyega, 'enega maibo'ada tada lokagutoki 'etoseyana nina 'alobena manuna.

1 Kolinita 2:7

ta esi mwalatoi nina Yaubada 'enega lowa kwaikwaiyina, ta gete tuga ni'atu 'igie apwesenama. Manuna muliyega be bale'u 'imweluluina, nugana nuwanuwana be 'ida 'ebe gwausowala nina 'ida 'ebwa'eda.

Loma 15:30

Gosegwao, 'ida 'Inapwana Yesu Keliso 'ana esanega ta Yaluyaluwa Tabuna 'ina obobomega, 'emiya yasidasida waiwai be 'omi ma'egwao Yaubada 'ena tada sidasida,

Guinuwa 18:26

'Enega tuta nina Epeso 'ena 'iapwesama 'ilugu me Yudia 'idi anuwa tapwalolo 'ena, ga ma ina waiwai 'iloguguya. Ta Akuila be Pilisila 'ina loguguya sinonona 'aene 'ina mwalatoi tupwana namo tuga, 'enega si'au'ewena, ga Yaubada 'ina 'eda maibo'ana sie'itena.

Guinuwa 4:13

Ga toloinao nidi si'itena Pita be Yoni 'idi 'atepatu, ta simwalatonina 'aene taudi tuga tomiya 'asa, ta 'ebe sikulu sinabwana 'ediya nigeya silugulugu, 'enega sinuwaowana ta sinuwa'i'isina 'aene lowa Yesu ma'ediya simiyami.

Guinuwa 2:4

'Enega maibo'adi Yaluyaluwa Tabuna 'iloemaedi, ta sie'ale ga mali 'enana be mali 'enana 'ediyega sionaona, nate Yaluyaluwa Tabuna 'ina waiwaiyega.

Guinuwa 9:29

Ta me Yudia taudi to'ena Gilisi Saulo ma'ediya sionaona ta siegewagewana, 'enega siloiloina be mwa'adega sida loemwawasa'ese.

Loma 16:25

'Enega gete tuga Yaubada tada tupuna, manuna tauna sawesawenaya be 'igiepa'alimi, 'abo'agu 'igu loguguya 'enega, nate Yesu Keliso tetelina 'enega. Tetela gete gimi tutaya kwaikwaiyina,

2 Kolinita 6:11

Gosegwao me Kolinita 'omi, 'agu lotoona maibo'ana ni'atu yasimana apwesena 'emiya,

Epeso 3:9

be wate tomota maibo'adi sida mwalatoni 'aene Yaubada tauna yage maibo'adi 'adi tomweluluwa, ta tuta dudulana 'ediya 'ina nuwanuwa 'ikwaiyena, ga ni'atu 'igieapwesena,