Epeso 5:2 - Loina Tabu Auwauna NT

² be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

Epeso 5:2 Referans Kwoze

Yoni 13:34

“'Enega 'omi wate gete tuga loina auwauna ya'ebwa'emi, be 'atemiyega wada eobooboboma 'ebweuna 'ebweuna 'enaya, nadigega 'abo'agu yaoboboma'esemi,

Galetia 2:20

Ona'ai'aila, Keliso ma'iyagu ni'atu sigiekeloseyema, 'enega mwawamwawasigu ta nigeya taugu yawasiguyega ta esi Keliso yawasina 'eguya 'imiyami. Gete tuga mayawasigu yamiyami, ta yawasiguna 'alena nate 'igu emisa Yaubada Natuna 'enaya. Manuna Yesu nina 'ina obobomega tauna 'itagwalena ga manugu 'imwawasa.

Kolose 3:14

Ta sa'i 'ilobwenemi be adelimi wada eobooboboma, manuna oboboma 'enega guinuwa maibo'adi sipalupalu.

2 Kolinita 2:15

nate Keliso 'ina guinuwa Yaubada 'ena ga manuna 'aloguguyaena, 'atuwa senina maina bobo'ana 'alelewanena taudi Yaubada 'i'etoseyedi 'ediya be taudi wate toesilae 'ediya.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

1 Kolinita 16:14

be wate 'imi guinuwao maibo'ana 'ediya wada eobooboboma.

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

1 Pita 4:8

'Enega wada eobooboboma 'ai'aila 'ebweuna 'ebweuna 'emiya, manuna oboboma yage maibo'adi 'isinabwa sinedi. Ta wate oboboma sawesawenaya be to'umalina yaudi 'ikweudi.

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

1 Yoni 3:16

Ta wate oboboma tamwalatonina, nate 'aene Keliso yawasina 'itagwalena ga manuda 'imwawasa, 'enega 'ilobweneda wate be yawasida tatagwale tasidao manudi.

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.

Ibeliu 9:26

Ona'ai'aila, 'eguma Keliso 'ina guinuwa taudi totaliyao sinabwadi nadigega, 'ida mwawasa limalimana bale'u 'ana mweluluwa 'enega ga batuwa. Ta esi ma'ebweuna namo tuga, tuta 'ana 'ebe losalowa gete 'enaya, bwalana tauna 'italiyaena, bubuna to'umalidi 'adi nuwatau manuna.

Ibeliu 9:14

Ta esi Keliso lalana 'ebe gie'esasa bobo'ana wawasae, manuna 'ateda 'igie'esasedi be 'aene guinuwa besobeso taguitoyasedi, ta Yaubada nina mayawasina 'ina guinuwao taguinuwedi. Manuna Yaluyaluwa Tabuna miyamiya atayana Keliso 'igiewaiwaiyena, ga tauna ma ina bubuna maibo'ana palupaluna ta nigeya 'ebweu wate to'umalina 'enaya, 'enega tauna 'italiyaena Yaubada 'enaya, nate 'imwawasa 'abo'ada 'ida 'esasa manuna.

1 Timoti 2:6

Manuna Keliso taunamo 'itagwalena ga 'ietaliya maibo'ada manuda, ga ale gete, tuta 'ana lobwene 'ai'aila 'enaya, Yaubada 'i'ebwa'eda.

Epeso 4:15

Ta esi 'ilobweneda be obobomega tada guinuwa palupalu, be 'ida bubuna maibo'adi sida tubutubuwa debada Keliso 'ina bubuna nadigega.

1 Yoni 3:23

Ta 'ina loina 'eluwa nidi 'aene Natuna Yesu Keliso taemise, be gosedao taobobomedi, nadigega Keliso nina 'ada loina 'i'ebwa'eda.

1 Timoti 4:12

Tomota geya'abo sisinasinaliyo manuna 'aene 'oyo tubuwau tuga, ta esi 'imu ona bobo'ana, be 'imu guinuwa bobo'ana, 'imu oboboma, 'imu emisa, be 'imu bubuna 'esasena 'ediyega be 'oyo 'ebe'ita taudi 'ediya.

1 Tesalonaika 4:9

Ta gosedao 'adi oboboma manuna geya'abo 'a'eto'etoladiwa, manuna Yaubada tauna ni'atu 'ie'itemi be taumimo wada eoboobobomemi.

Epeso 4:2

ma imi nuwamwa'uta, be ma imi 'atetagwala, be ma imi 'alama'i'ita, be 'ebweuna 'ebweuna wada eobooboboma, be wada 'atenuwa'ole'ole gosemiyao 'ediya,

Epeso 3:17

be wate 'imi emisega Keliso 'ida miyami 'atemiya, be adelimi maibo'ana oboboma tuga,

Galetia 1:4

Manuna Tamada Yaubada 'ina nuwanuwa gete nadigega, ga Yesu tauna 'itagwalena ga 'imwawasa 'ida loegesiyao manudi, be 'enega tuta gete to'umalina 'ina waiwaiyega 'i'etoseyeda,

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.

Ibeliu 9:23

Anuwa Tabu 'ana gwegweyao galewaya simiyami, ta 'adi ma'ama'ayau bale'uya Mosese 'iguinuwedi, ga 'ilobwenena be lala 'ana guinuwega 'itataliya Yaubada 'enaya be 'igie'esasedi, ta esi yage nidi galewaya 'adi gie'esasa taliya bobo'ana wawasae 'enega, nate Keliso lalanega.

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

Epeso 5:25

Aiai nimi me'olotomi 'ilobwenemi be mwanemiyao waobobomedi, nadigega Keliso 'ina toekalesiyao 'iobobomeda, ga tauna 'itagwalena, ga manuda 'imwawasa,

1 Kolinita 5:7

'Enega to'umalina nina 'emiyega wa'ausepale be waeboda bobo'ana, manuna Keliso 'ina mwawasega 'igie'esasemi. Ta Keliso nina tauna 'atuwa 'ida Ataona masulina bawena, manuna ni'atu manuda siloemwawasina.

Loma 4:25

Ta 'abo'ada 'ida to'umalina manuna Yesu 'imwawasa, ga mwawasega Yaubada 'igietoolo limena be gete 'enega 'igie'esaseda ga 'i'awa palupaluyeda.

Yoni 6:51

'Abo'agu yawasimi 'ana masula galewega yamwa'utama, be 'abo yaita masula nina 'i'a'ani yawasina ataya 'ida 'ewa, ta masula nina ya'ebwa'emi bwalagu tuga, ta bwalagu yatagwalena me bale'u yauyaumi yawasimi manuna.”

Loma 8:37

Ta esi yage maibo'adi getedi 'ediyega taewaiwai, manuna Yesu 'ina oboboma be 'ina lema 'edaya sinabwa wawasae.

Loma 15:16

be 'aene Yesu Keliso manuna yada etosimana 'omi nigeya me Yudia 'emiya. 'Igu paisewa gete 'ena 'atuwa nadigega taliya yaguiguinuwe be 'enega Yesu tetelina wada nono, be muliyega yada 'ebwayaemi Yaubada 'enaya, manuna Yaluyaluwa Tabuna ni'atu 'igie'esasemi ga Yaubada manumi 'igwausowala sinabwana.

2 Kolinita 2:14

'Enega Yaubada 'ena yalokagutoki, manuna Keliso 'ina waiwaiyega tuta yauna 'igiegie waiwaiyema be 'ima guinuwao 'ediya Keliso 'ana mwalatoi sena maibo'ana 'ediya 'i'elelewana 'atuwa senina maina bobo'ana wawasae 'i'elelewana be tomota simuimui,

Epeso 1:4

Manuna lowaenei 'etamo bale'u nigeya 'imwelumwelului, ta 'igimi esinuweda be 'aene taeboda 'ebweu Keliso ma'edai, be Yaubada nina matanaya adelida 'esaseda, ta nigeya 'ada 'ebe e'ewamo.

Epeso 5:15

'Ilobwenemi be 'imi bubuna wa'ita'i'ita 'ai'ailidi be geya'abo waguiguinuwa besobeso, ta esi wada sinasinapu 'ai'aila,

Pilipai 4:18

Ta 'imi 'ebwayadaita nina Epapilodito 'ime'ena, maibo'ana yalobena 'imaa tasitasiwa, 'atuwa nadigega 'imi taliya bobo'ana Yaubada 'enaya, ni'atu wagabuna ga maina bobo'ana Yaubada 'imuina ga manuna 'igwausowala.

Ibeliu 8:3

Bale'u 'ana totaliyao maibo'adi 'idi paisewa nate oboboma be taliya si'ebwa'ebwaya Yaubada 'ena, 'enega 'ida totaliya nina auwauna 'ilobwenena be tauna wate 'ebweu oboboma 'ida 'ebwaya Yaubada 'ena.