Epeso 4:25 - Loina Tabu Auwauna NT

²⁵ 'Enega kabo waguitoyase be maibo'ami waona 'ai'aila 'ebweuna 'ebweuna 'emiya, manuna maibo'ada Keliso oona welawela'anao.

Epeso 4:25 Referans Kwoze

Kolose 3:9

wate geya'abo waekabokabo gosemiyao 'ediya, manuna bubuna bale'u ni'atu waguitoyasena,

Loma 12:5

Ta 'abo'ada wate nadigega Yesu Keliso welawela'anao, ta 'idi guinuwa dumadumadi, ta esi maibo'ada Keliso 'ena taeboda 'ebweuna, ta taelemalema.

Epeso 4:15

Ta esi 'ilobweneda be obobomega tada guinuwa palupalu, be 'ida bubuna maibo'adi sida tubutubuwa debada Keliso 'ina bubuna nadigega.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

Taito 1:2

Wate Yaubada 'ina onaupaupa lowaenei siemisena 'aene yawasidi ataya 'i'ebwa'edi, ta nigeya sawesawenaya 'ikakabo.

1 Timoti 4:2

Toe'ita nidi tomota kabokabodi, ta 'idi kabo nidi manudi nigeya sida nuwanuwa.

E'ita'ita 22:15

Ta 'asa nina 'atamaninaya 'adi tomiyanao, nate kedewao, be Taumudumudulele magosenao, be toloelatao, be toloemwawasao, be gulewa 'adi toemisao, be wate toekabokaboyao.

1 Timoti 1:10

wate toloelatao, be taudi me'olotodi 'oloto siyadiyao 'ediya siloeloelata, be tomota 'adi to'ipwalao, ta to'awakabokabo, tosawatamatamana kabokabo, be wate e'ita palupaluna 'ana tole'oao maibo'adi.

2 Kolinita 7:14

Lowa Taito 'imiyami ta yatuputupumi, ga Taito matanega ni'atu 'i'itena, 'enega nigeya wate 'ebe omayamaya 'eguya. Ta esi 'igu ona maibo'ana 'omi manumi 'ana 'ai'aila ni'atu 'iapwesa.

Taito 1:12

Gete 'enega palopita 'ebweu goma Kiliti manudi 'iona, 'igwae: “Me Kiliti taudi adelidi tokabo ta tologwautoyasa, ta 'idi bubuna 'atuwa yobai, manuna gamwadi 'ina pawa namo manuna sinuwanuwa.”

1 Kolinita 10:17

Beledi nina 'ebweuna 'enega maibo'ada ta'e'ai, 'enega Keliso oona 'enaya taeboda 'ebweuna.

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

Epeso 5:30

manuna 'abo'ada tauna oona welawela'anao.

Epeso 4:22

'Enega bubuna kadekadelina wada guitoyasedi, nate guinuwa nidi lowa waguiguinuwedi, tuta nina yalakwaiyao to'umalidi sigieto'umali 'ai'ailimi,

Epeso 4:31

Ta wate to'umalina getedi wada guitoyasedi: nuwato'umali, gamwasowala, 'asona, 'awa to'umalina, ta wate ona sinala,

Kolose 3:8

Ta esi gete tuga 'ilobwenena be waguitoyasedi, nate saiya be gamwasowala be e'ipi'ipi be sinala be 'awato'umali be

Ibeliu 12:1

Ga 'enega toemisao yaudi galewega siduneduneyeda, be 'ilobweneda yage mwaudi 'edega tada gisinedi, be 'enega tada pili waiwai epili nina 'ana 'eda 'enega, ta wate bubuna to'umalina nidi sigiyagiyaida tada gisinedi.

Yemesa 1:21

'Enega 'imi bubuna be 'imi guinuwa to'umalidi wada pilisinedi, be wada tagwalemi Yaubada 'enaya, ta wate Yaubada ona nina 'atemiya 'iasonaya wada emisei, be wada ematamatane, be 'enega 'etoseyana waloba.

1 Pita 2:1

'Enega 'imi to'umalinao be 'imi kabokaboyao onega be guinuwega, be 'imi e'ipi'ipiyao, be 'imi 'awato'umaliyao wada guitoyasedi,