Epeso 4:24 - Loina Tabu Auwauna NT

²⁴ be 'enega bubuna auwauna wa'ewa, Yaubada 'ina bubuna nadigega, manuna tauna 'atedaya bubuna bobo'ana ta 'esasena 'isa'una.

Epeso 4:24 Referans Kwoze

2 Kolinita 5:17

ta esi wanuwa'i'isi 'aene 'abo yaita Keliso 'enaya 'imiyami, tauna 'ietomota auwauna. 'Ina bubuna kadekadelina ni'atu 'igumwala, ta auwauna sa'i ni'atu 'iapwesama.

Epeso 2:10

Ta esi Yaubada taunamo 'ina guinuwa 'atedaya 'igibubuda Yesu Keliso 'enega, be 'aene guinuwa bobo'adi Yaubada lowaenei 'iesinuwedi manuda tada guinuwedi.

Loma 13:14

Ta esi 'ilobweneda be 'ida 'Inapwana Yesu Keliso 'ina bubunega tada bubuna, be geya'abo bubuna bale'u manuna tanuwanuwa.

Epeso 6:11

be Yaubada 'ina gwegwe saiya maibo'ana 'ediyega wa'otena, be 'enega geya'abo waneeneta tuta nina 'eguma Seitani 'ikaboemi.

Loma 6:4

manuna 'ina bapitaiso 'enega, 'atuwa nadigega 'abo'ada be Yesu Keliso 'ida mwawasa, be 'ida sa'u'ali'ali, ta 'ida toololimana wate nadigega leleleya. Manuna Keliso nina Tamana 'ina waiwaiyega 'itoolo limana, 'abo'ada nadigega 'igietoolo limeda ga yawasida auwauna talobena.

2 Kolinita 3:18

'enega nigeya 'ebweu talabodaboda maninidaya 'imiyami, ta 'Inapwana 'ina esaesa maemaedanina 'ena tadunedune, ta tupwana be tupwana 'isa'usa'u gelaseda tauna 'ana 'ita maemaedanina nadigega. Guinuwa gete 'Inapwana 'enega, tauna yaluyaluwa tuga.

2 Kolinita 4:16

'Enega geya'abo 'aneeneta. 'Anabwa'ayoi bwalada sineneneta, ta tuwa tuga soladaya taeauwau 'asiyata 'ebweuna 'ebweuna 'ediya.

Loma 13:12

Ta ona'ai'aila, ni'atu be tomwa 'iulisi, 'enega gete tuga guguyoi 'ana guinuwa tapilisine be maedana 'ana guinuwa taguinuwe.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

1 Pita 2:2

ta 'ilobwenemi be yaluyaluwami 'ana susu bobo'ana wada 'ebese. Nadigega taudi gogama meyameyadi susu nuwanuwadi, be susu nina yaluyaluwami 'adi 'etoseyana manuna.

Loma 8:29

'Enega yaisigedi 'abo'ada 'ibwauyeda ni'atu 'iona upaupaeda be 'aene natunao, 'abo'ada tuga nadigega Natunana, 'enega tauna 'ada tomatuwa, ta 'abo'ada 'ana pwedeuyao.

Yoni 17:17

Ta yasida 'emuya be 'imu ona 'ai'ailega 'uda giebobo'anedi be 'imu bodao 'esasedi.

Galetia 6:15

Ona'ai'aila, lodaba nigeya yage sinabwana, ta wate 'eguma nigeya taguiguinuwe nate nigeya yage sinabwana. Yage sinabwana 'ebweuna namo, 'eguma Yaubada yaluyaluwana 'igie auwauda.

Galetia 3:27

Manuna yaisigedi 'omi wabapitaiso Yesu Keliso 'ana esanega ni'atu Keliso nina ma'emi wamiyami.

1 Kolinita 15:53

Manuna Yaubada sawesawenaya bwala daudaulidi ta mwawamwawasidi 'isa'u gelasedi, be sieauwau ta miyamiya atayadi.

Epeso 2:15

Tauna oona 'ana loemwawasa 'enega Mosese 'ina 'etobodao maibo'adi 'ikweudi, ga tauna 'iegogoneda be taeboda 'ebweuna tauna ma'edai, ta nigeya nadigega lowa boda 'eluwa simiyami, ta gete tuga tamiya siwalowa,

Ibeliu 12:14

Wada toowaiwai be wada miya siwalowa tomota ma'emiyao, ta wate wada toowaiwai be 'imi bubuna 'ida bobo'ana maibo'ana, manuna 'abo yaita nigeya 'ina bubuna bobo'ana geya'abo sa'i 'Inapwana 'i'ita'ita.

Ibeliu 1:8

Ta esi natunana manuna 'igwae, “'Oyo Yaubada ma imu loina palupaluna 'uda loina ataya.

Luke 1:75

ta wate 'aene ma ida bubuna 'esasena ta palupaluna 'asiyata 'ebweuna 'ebweuna.

Loma 7:6

Ta esi gete tuga loina nina ni'atu 'edaya 'igumwala, manuna lowa loina nina 'enega 'atuwa 'iyonida ga tamwawasa Keliso ma'eda, 'enega Keliso nina 'ada yona 'ili'amina ga gete tuga sawesawedaya be taguinuwa 'ai'aila, manuna Yaubada Yaluyaluwana 'ina waiwai 'edaya 'imiyami, ta esi Mosese 'ina loina nina 'eto'etoladina nigeya 'ina waiwaimo be 'igie palupaluyeda.

Loma 12:2

Ta geya'abo bubuna bale'u 'ediya watagwatagwalemi, ta esi oomi maibo'ana wada tagwaledi Yaubada 'enaya, be 'enega Yaubada 'imi nuwanuwao 'ida gieauwaudi, be tauna 'ina nuwena bobo'adi, be gwaugwausowalidi, ta palupaludi wada mwalatonidi.

2 Pita 1:4

Ta wate 'ina onaupaupa bobo'adi ta waiwaidi 'ediyega bubuna bale'u 'ana yalakwaiyao to'umalidi waebesinedi, ga Yaubada 'ina bubuna bobo'ana walobena.