E'ita'ita 22:17 - Loina Tabu Auwauna NT

¹⁷ 'Enega Yaluyaluwa Tabuna ta toai mewainena sigwae, “Wamai.” Be yaisigedi 'omi ona gete wanononaya, 'omi wate wada gwae, “Wamai.” Ta taudi tona'adi 'iyapasa sida mai, be 'enega yaisigedi taudi nuwanuwadi, yawasi bwasina sida 'ewadaisi be sinunuma. Nigeya 'ana maisamo.

E'ita'ita 22:17 Referans Kwoze

Yoni 4:14

ta 'eguma 'ebweu yaita bwasi nina 'eguyega 'inumai, geya'abo wate tona'ana 'iyapayapasa limana. Manuna bwasi nina tauna yada 'ebwa'e 'atenaya be 'ida ewewelupwa ta yawasina ataya 'enega 'ida loba.”

E'ita'ita 21:6

Ta wate 'ieonegu 'igwae, “Ni'atu! 'Abo'agu tuga 'ebe e'ale be 'ebe losalowa, ta 'abo yaisigedi taudi tona'adi siyapasa bwasi bobo'ana yada 'ebwaya daisidi yawasidi manuna.

Yoni 7:37

Ta ni'atu sagali 'ana 'asiyata sinabwana, sagali 'ana 'ebe losalowa 'ena, Yesu gamwagamwanidiya 'itoolo ga 'enana sinabwanega 'ibwaubwau, 'igwaegwae, “Yaita 'oyo 'eguma tona'ayo 'iyapasa 'umai 'eguya be 'ununuma.

Yoni 4:10

Ta Yesu waine Samelia nina 'ieonena, 'igwae, “'Eguma 'umwalamwalatoni Yaubada 'ina oboboma 'emuya, ta wate 'abo 'umwalatonina 'aene yaita 'abo'agu numa manuna yasidasidawa, 'oyo esi 'ilobwenemu be 'eguya 'uda sida bwasi yawasiyo manuna, be yada 'ebwa'eyo.”

E'ita'ita 22:1

Ta 'enega anilose nina yawasida bwasina 'ie'itegu, bwasi nina matakadala 'ai'ailina, Yaubada be Lami 'idi 'ebemi esaesa 'enega 'idaudauma,

E'ita'ita 21:9

'Enega anilose nidi sebeni lowa 'elouya keigadi sebeni 'adi to'aalao 'ebweuna 'ediyega 'imai, ga 'ieonegu, 'igwae, “'Umai be Lami mwanena yae'itayo.”

E'ita'ita 21:2

Ga 'asa 'esasena ya'itena, tauna Yelusalema auwauna, galewega 'imwa'umwa'utama Yaubada 'enega, ni'atu 'ieiyalina nadigega toai mewainena 'iiyala be mamwanena sida elobaloba.

Loma 3:24

ta esi Yaubada 'i'atenuwa 'ole'oleyeda ta 'iobobomeda, ga Yesu Keliso 'enega 'ili'amida 'ida loegesiyao 'ediyega, 'enega Yaubada 'i'awa palupaluyeda.

E'ita'ita 22:16

“'Abo'agu Yesu, ta 'igu anilose ni'atu yaetunenawa 'emiya, be yage getedi 'ida simanedi toekalesiyao 'emiya. 'Abo'agu Debida 'ina susuyega, ta 'abo'agu wate 'ubwana nina tuyayaligu.”

E'ita'ita 2:7

“'Enega 'abo yaita 'omi matenana 'ida nono Yaluyaluwa Tabuna 'ina ona toekalesiyao 'ediya. “Ta 'abo 'omi yaita 'iewaiwai, 'enaya yawasida 'ana kaiwe uwana yatagwale be 'ida 'ani, kaiwe nina 'itootoolo Yaubada 'ina bagulaya.”

1 Kolinita 2:12

Yaubada yaluyaluwana nigeya me bale'u yaluyaluwadi nadigega, ta esi Yaubada yaluyaluwana nina 'i'ebwa'eda, 'enega tanuwanuwa sabwalena 'ina obobomao 'edaya manudi.

Yoni 4:29

'igwae, “Wamai be tai nina wada 'ita, tauna ni'atu 'ieonegu 'igu bubuna maibo'ana manuna. Nai tauna gete To'etoseyana nina.”

Yoni 4:11

'Enega waine nina 'igwae, “'Inapwana, nigeya 'imu 'ebe goimo ta wate bwasi gaula 'imwa'uta wawasae. Ta 'aene mane 'enega bwasi 'uda 'ebwa'egu yawasigu manuna?

E'ita'ita 7:17

Manuna Lami nina, tauna 'ebemi esaesa solanaya 'imiyami, tauna 'adi to'ita'i'ita, be 'enega 'ida anuganedi bwasi bobo'adi 'ediya, yawasidi manuna, ta Yaubada tauna mataseludi 'ida lo'i'ilidi.”

E'ita'ita 14:13

'Enega galewega 'enana yanonona 'igwae, “Gete 'u'etoladi 'aene taudi 'ida 'Inapwana 'ana toemisao, 'abo ma'etamo simwamwawasa, sida gwausowala tuga.” Ta Yaluyaluwa Tabuna wate 'igwae, “Ona'ai'aila, sida gwausowala, manuna sida eyawai'ata 'idi gwaunuwa 'enega, be 'ana e'isa sida loba.”

Yoni 1:37

Gote 'ena siteluwa nidi Yoni 'ina ona sinonona, ga Yesu simuliyena.