E'ita'ita 21:27 - Loina Tabu Auwauna NT

²⁷ Ta geya'abo sa'i yage baibailidi 'asa nina 'ena silugulugu, nai toguinuwa to'umalidi, nai toekabokaboyao. Nate namo taudi ni'atu 'adi esanao si'etoladidi Lami nina 'ina buki, nate yawasida bukina, 'enaya.

E'ita'ita 21:27 Referans Kwoze

E'ita'ita 20:15

Ta 'abo yaisigedi nigeya 'adi esanao 'ilobaloba yawasida bukina 'enaya 'iuledi yaiyai nina sinabwana 'enaya.

E'ita'ita 3:5

“Nadigega tuga 'abo yaisigedi 'omi waewaiwai, 'omi wate 'ami 'oama wakewakekedi wada 'otedi, be geya'abo 'ami esana yawasi bukina 'enega yakweukweu yauledi, ta esi 'ami esanao yada 'inanedi Tamagu be 'ina aniloseyao 'ediya, 'aene 'omi 'igu boda.

Madiu 13:41

Ta Tomota Natuna 'ina aniloseyao 'ida etunedi be to'umalina 'ana toe'itao be 'ana toguinuwao sida egogonedima be 'ina 'ebeloina 'enega

Epeso 5:5

Ta ona'ai'aila, toto'umalidi geya'abo wate silugulugu Keliso be Yaubada 'idi 'ebeloina 'enaya, taudi nadigega toloelatao nai tosogalao nai gwegwe 'ana toyala diidigao, manuna gwegwe 'ana yala 'ana mwalatoi 'aene 'ida emisa tasa'ui gwegwe 'enaya, ta nigeya Yaubada 'enaya.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.

Ibeliu 12:14

Wada toowaiwai be wada miya siwalowa tomota ma'emiyao, ta wate wada toowaiwai be 'imi bubuna 'ida bobo'ana maibo'ana, manuna 'abo yaita nigeya 'ina bubuna bobo'ana geya'abo sa'i 'Inapwana 'i'ita'ita.

E'ita'ita 20:12

Ta tomwawasa maibo'adi ya'itedi, sinabwadi be gidalidi, 'ebemi esaesa nina matanaya sitootoolo, ta buki 'ineyasidi, ga 'ebweu wate buki 'ineyasina, tauna yawasida bukina, ga tomwawasao 'iloinedi, to'ase nadigega 'idi bubuna 'eto'etoladina buki nidi 'ediya 'imiyami.

Pilipai 4:3

Wate gosiya 'ai'ailigu, 'oyo toanugana, yasideyo be iine nidi 'ulemedi, manuna lowa taudi ma'egwao 'aguiguinuwa leleleya, tetela bobo'ana 'ana simana 'enaya, ta wate Kelemeniti be 'aidi wate 'agu tolemao ma'emao 'apaipaisewa, taudi 'adi esanao yawasi bukina solanaya 'eto'etoladina.

Maki 7:2

ga 'aina 'ina tononoyao si'ita lobedi si'e'ai, ta nigeya nimadi si'utu'utudi.

Luke 10:20

'Enega wate 'ediya 'igwae, “Ona'ai'aila, 'imi guinuwa yaluyaluwa to'umalidi 'ediya waiwaina ga manuna wagwausowala, ta nate nigeya yage sinabwana, ta esi 'imi 'ebe gwausowala sinabwana 'eguma 'ami esanao ni'atu galewaya si'etoladidi.”

1 Timoti 1:10

wate toloelatao, be taudi me'olotodi 'oloto siyadiyao 'ediya siloeloelata, be tomota 'adi to'ipwalao, ta to'awakabokabo, tosawatamatamana kabokabo, be wate e'ita palupaluna 'ana tole'oao maibo'adi.

2 Pita 3:13

ta 'abo'ada tayamwayamwa be galewa ta bale'u auwaudi ta'itadi, nadigega Yaubada lowa 'ionaupaupa, ta sena nina 'enaya bubuna palupaluna namo 'imiyami.