E'ita'ita 20:6 - Loina Tabu Auwauna NT

⁶ Ta taudi togimitoolo 'esasedi, 'enega ma idi gwausowala, ga mwawasa 'eluwena geya'abo silobaloba, ta taudi sa'i Yaubada be Keliso 'idi totaliyao, be Keliso ma'edi sida etoloina yakwala tausani 'ediya.

E'ita'ita 20:6 Referans Kwoze

E'ita'ita 1:6

'Enega 'iegogoneda be 'aene 'abo'ada 'ina toloinao be 'ina totaliyao Tamana Yaubada 'enaya. Tauna Yesu nina 'ina esaesa be 'ina waiwai miyamiya atayadi. Eimeni.

E'ita'ita 2:11

“'Enega 'abo yaita 'omi matenana, Yaluyaluwa Tabuna 'ina ona toekalesiyao 'ediya 'ida nono. Ta wate 'abo 'omi yaisigedi Seitani waewaiwai sinena, geya'abo sa'i mwawasa 'eluwena 'igiegie to'umaliyemi.”

E'ita'ita 20:14

'Enega Mwawasa be wate 'idi sena nina 'iula mwa'utedi yaiyai sinabwana solanaya, ta yaiyai nina nate mwawasa 'eluwena.

E'ita'ita 5:10

Manuna 'oyo 'uesinuwedi be 'aene 'imu 'ebeloina solanaya sida etotaliya Yaubada manuna, be wate bale'uya sida etoloina.”

1 Pita 2:9

Ta 'omi nigeya nadigega taudi, ta 'omi esi Yaubada 'ina boda esiesinuwami, 'enega 'omi kini nina 'ina totaliyao ta 'ina tomotaiyao 'esasemi, manuna sena guguyoi 'enega 'ibwauyemi, ga 'ina maedana tobobo'ana sana 'ena 'isa'umi, be 'aene 'ina guinuwa bobo'ana gete wada simane.

2 Timoti 2:12

'Eguma Keliso ma'edai 'ida miyamwau 'ediya tae'alama'i'ita, ma'etamo ma'edai tada loina. 'Eguma Keliso nina taeyaseyaseye ma'etamo 'ieyaseyaseyeda.

Loma 8:17

Be 'enega oboboma nidi natuna Yesu Keliso manuna 'isa'u bubuna, 'iabe Yesu ma'edai oboboma nina leleleya taloba Yaubada 'enega. Manuna 'abo Keliso ma'edai 'elouya taloba, ma'etamo wate ma'eda 'ida esaesa talobai.

E'ita'ita 22:7

Ta Yesu 'igwae, “Wa'ita! Ni'atu gete be yawawa, be taudi onaupaupao buki gete 'ena 'adi toematamatanao sida gwausowala.”

E'ita'ita 14:13

'Enega galewega 'enana yanonona 'igwae, “Gete 'u'etoladi 'aene taudi 'ida 'Inapwana 'ana toemisao, 'abo ma'etamo simwamwawasa, sida gwausowala tuga.” Ta Yaluyaluwa Tabuna wate 'igwae, “Ona'ai'aila, sida gwausowala, manuna sida eyawai'ata 'idi gwaunuwa 'enega, be 'ana e'isa sida loba.”

Loma 12:1

Tasigwao, wada nuwa'i'isi 'aene Yaubada 'ina 'atenuwa'ole'ole 'edaya sinabwa wawasae, 'enega gete 'igu loguguya 'emiya be 'aene tuta mayawasimi wada taliyaemi Yaubada 'enaya, manuna Yaubada nuwanuwana be oomi maibo'ana wada tagwaledi 'ina guinuwa 'enaya. Gete tapwalolo 'ai'aila Yaubada matanaya 'abo nadigega waguinuwa'esa.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

1 Pita 2:5

'Enega 'omi wate 'atuwa mwadale mayawasina, yaluyaluwami wada tagwaledi, be 'emiyega Yaubada 'ina Anuwa 'ida 'abi, be gote 'ena wada etotaliya 'esasemi, ta Yesu Keliso 'ida lememi be yaluyaluwamiyega wada taliya bobo'ana Yaubada 'enaya.

Luke 14:15

Ga ni'atu ma'enao si'e'ai ta 'ebweuna 'ediyega ona gete 'inonona ga Yesu 'ieonena, 'igwae, “O nadigega! 'Abo yaisigedi silulugu Yaubada 'ina 'ebeloina 'enaya be si'a'a, sida gwausowala sinabwana.”

E'ita'ita 3:21

“Ta 'abo yaita 'omi 'iewaiwai, yada tagwala 'enaya be ma'iyagu 'ada miyatowa 'igu 'ebemi esaesa 'ena, nadigega tuga 'abo'agu yaewaiwai, ga Tamagu 'ina 'ebemi esaesa 'ena ma'iyagu 'amiyatowa.

E'ita'ita 22:5

Geya'abo wate boiboi, ta geya nuwadi sinala be mayale maedanidi, manuna 'Inapwana Yaubada tauna tuga 'idi maedana nina, ta sida loina ataya.