E'ita'ita 20:13 - Loina Tabu Auwauna NT

¹³ Taudi ni'u 'adi to'enoyao simai, be tomwawasa yaluyaluwadi 'idi 'asa 'ana tomiyanao, be bale'u 'ana tomwawasao, maibo'adi simai, ga 'ebweuna 'ebweuna 'iloinedi, to'ase 'idi bubuna nadigega.

E'ita'ita 20:13 Referans Kwoze

E'ita'ita 6:8

'Enega yadunedune ga 'ebweu osi 'ana 'ita 'atuwa tupwana wakewakekena 'iapwesama. Ta 'ana togelu nina 'ana esana Mwawasa, ta wate tomwawasa yaluyaluwadi 'idi 'asa selabenaya 'imulimuliya, ga loina si'ewena Yaubada 'enega be 'aene tomota yaudi sida pe'udi saiyega be botanega be muyega be wate bosasa 'ediyega, ta nigeya 'aene tomota maibo'ada, ta tuga 'abo nadigega bale'u maibo'ana 'enaya boda taeguyaiyedi 'adi yau ata, ta 'ebweuna boda 'ediyega maibo'adi sipe'udi, be boda 'etoi namo situpwa.

E'ita'ita 20:14

'Enega Mwawasa be wate 'idi sena nina 'iula mwa'utedi yaiyai sinabwana solanaya, ta yaiyai nina nate mwawasa 'eluwena.

E'ita'ita 20:12

Ta tomwawasa maibo'adi ya'itedi, sinabwadi be gidalidi, 'ebemi esaesa nina matanaya sitootoolo, ta buki 'ineyasidi, ga 'ebweu wate buki 'ineyasina, tauna yawasida bukina, ga tomwawasao 'iloinedi, to'ase nadigega 'idi bubuna 'eto'etoladina buki nidi 'ediya 'imiyami.

E'ita'ita 1:18

mayawasigu yamiyami. Ta lowa yamwawasa, ta 'u'ita 'abo'agu yamiyami, ta geya'abo yagumwagumwala. 'Abo'agu wate nimaguya Mwawasa be tomwawasa yaluyaluwadi 'idi sena 'adi 'ebe gigege yagiyaidi.

Madiu 11:23

“Ta me Kapaneumi 'omi mwa'adega? 'Aene taumi wagitu'eyemi galewaya, aga? Geya'abo sa'i! Ta esi 'iabe tomwawasa 'idi 'asa 'ubuninaya sida ulamwa'utemi. Manuna 'ebe nuwaowana nidi ni'atu yaguinuwedi 'emiya ta sa'i nigeya wanuwanuwa 'ebuni, ta esi 'eguma me Sodoma 'ediya yada guinuwenaya, nai lowaenei sida nuwa'ebuni, 'enega Yaubada geya'abo 'ida pe'upe'udi, ta batuwa 'idi 'asa 'ida miyami.

Madiu 16:27

“Ma'etamo 'abo'agu Tomota Natuna yaila limanama, be Tamagu 'ina esaesa tuyatuyayalina 'enega yailama, ta wate aniloseyao ma'egwao, be tomota 'idi guinuwao 'adi e'isa ya'ebwa'edi.

1 Kolinita 15:26

ta 'ebe losalowa mwawasa 'ida ewaiwaisine be 'ida gumwala.

E'ita'ita 2:23

Ta wate natunao yada loemwawasidi, be 'enega ekalesiyao maibo'adi sida mwalatonigu 'aene 'abo'agu tomota yauyaudi 'idi nuwanuwa 'atediya maibo'ana yamwalamwalatoni, ta wate maibo'ami 'emiya yada e'isa to'ase nadigega 'imi guinuwao, nai bobo'adi, nai to'umalina.

E'ita'ita 21:4

be mataseludi 'ida lo'i'ilidi, manuna geya'abo wate mwawasa nai 'elouya nai dedoi 'ediya 'iapweapwesa, manuna miya kadekadelina ni'atu 'igumwala.