E'ita'ita 19:18 - Loina Tabu Auwauna NT

¹⁸ be 'enega wa'a'a 'inapwanao esiyodi, be saiya 'adi toanuganao esiyodi, be tolosaiyao esiyodi, ta wate osiyao be 'adi togeluyao esiyodi, be wate tomota yauyaudi esiyodi, taudi 'inapwanao be 'idi toguinuwao wate, sinabwadi be gidalidi.”

E'ita'ita 19:18 Referans Kwoze

E'ita'ita 6:15

Ta bale'u 'ana 'inapwanao be toloinao be saiya 'adi 'inapwanao be toesaesao be toewaiwaiyao, ta wate toanuganao be 'idi topaisewao, maibo'adi sidena 'oyaya, ga duluwa be gulewa 'ediya sikwaiya.

E'ita'ita 13:16

Ta wate maibo'adi 'iloinedi, gidagidalidi be sinasinabwadi, toesaesao be gomabesoyao, ta wate 'inapwanao be topaisewao, be 'aene nima 'ataidiya nai debadiya 'ana we'iwe'iyaya sida sa'udi,

Luke 17:37

'Enega 'ina tononoyao nidi sienaidena, sigwae, “'Inapwana, mwa'o?” Ga Yesu 'ieonedi, “Mane 'ena kokowa 'imiyami nate 'ena kaokao sida egogonama.”

Madiu 24:28

“Mane 'ena kokowa 'imiyami nate 'ena kaokao sida egogonama.

E'ita'ita 11:18

Taudi nigeya me Yudia sigamwasowala 'ai'aila, ta esi 'imu bwa'omatana 'ana tuta 'iapwesama be tomwawasao sitoolo be 'uloinedi, ta 'imu palopitao 'adi e'isa 'uda 'ebwa'edi, be 'imu tomota maibo'adi 'adi e'isa 'u'ebwa'edi, taudi sinasinabwadi be gidagidalidi 'ediya, manuna taudi sana 'amu to'amayabao. Ta esi bale'u 'ana togieto'umaliyao 'oyo 'uda gieto'umaliyedi.”

E'ita'ita 17:16

Ta kuna sanau be yobai nina 'u'itedi taudi ma'etamo tosogala sietalauwale, be 'ina gwegweyao maibo'adi si'ewadi be kakaena 'ida miyami, be wate esiyona si'a'ani, ta lulunao kaiweyega sigabu.

E'ita'ita 19:5

'Enega 'ebemi esaesa nina 'enega 'ebweu 'enana 'imai ga 'igwae, “'Omi Yaubada 'ina toguinuwao be 'ana to'amayabao, gidalimi be sinabwami, wada lotuputupu 'enaya.”