E'ita'ita 18:8 - Loina Tabu Auwauna NT

⁸ 'Enega 'asiyata 'ebweu 'ena mwau nidi getedi 'enaya sida apwesa, nate le'oasa be dedoi be botana, be wate kaiwe sabelulu 'ida 'alasi. Manuna 'Inapwana tauna Yaubada Toewaiwai sana waine nina 'ana e'isa 'ida 'ebwa'e.”

E'ita'ita 18:8 Referans Kwoze

E'ita'ita 17:16

Ta kuna sanau be yobai nina 'u'itedi taudi ma'etamo tosogala sietalauwale, be 'ina gwegweyao maibo'adi si'ewadi be kakaena 'ida miyami, be wate esiyona si'a'ani, ta lulunao kaiweyega sigabu.

E'ita'ita 18:19

'Enega taudi debadi sida kwausidi be sidedoi sinabwana, sigwae, “Oioi, oioi, 'asa gote sinabwana 'enega to'adauyao 'idi esaesa silobediya, ta tuta kukupana namo 'enaya esaesa maibo'ana ni'atu 'isawala.

1 Kolinita 10:22

manuna 'Inapwana 'atena wagiegie dededoni. 'Inapwana nina Toewaiwai sana, 'enega geya'abo tagiegie gamwasowali, 'abona nai 'ipe'uda.

E'ita'ita 19:3

Ta wate sibwau, sigwae, “Yaubada tada tupui, manuna 'asa nina sinabwana 'i'ala'alasi, ta 'asuna tuta maibo'ana 'itu'etu'e.”

E'ita'ita 18:17

ga tuta gidalina namo 'ena ga 'ina esaesa nidi ni'atu sisawala.” Ta wate taudi toniwaga, be 'idi to'adau maibo'adi, be bwagabwaga 'ana topaisewao yauyaudi, 'edasolega sida toolo,

E'ita'ita 17:18

“Ta waine nina 'u'itena, tauna 'asa sinabwana, ta 'iloiloina bale'u 'ana kiniyao maibo'adi 'ediya.”

E'ita'ita 11:17

“'Ima 'Inapwana Yaubada Toewaiwai sayo, 'oyo 'umiyami batuwa, be tuta lowa 'ediya 'umiyami, 'alokagutoki 'emuya, manuna 'imu waiwai sinabwana 'ugieapwesena, 'enega 'ue'ale be 'uda loina.