E'ita'ita 16:19 - Loina Tabu Auwauna NT

¹⁹ 'Enega 'asa sinabwana nina 'ieweyalina, ga 'ana weyalao 'etoi siapwesa. Ga sena maibo'ana 'ediya mwani'ini'i nina 'idi 'asao 'igieto'umaliyedi, ta 'asa sinabwana 'ana esana Babiloni 'ina to'umalina Yaubada 'inuwa'i'isina, ga 'ina keiga 'enega oine 'ienumena, ta oine nina nate 'ina gamwasowala sinabwana oinena.

E'ita'ita 16:19 Referans Kwoze

E'ita'ita 18:5

Manuna 'ina to'umalina 'ana sinabwa 'atuwa nadigega galewa 'ina tu'e, ta 'ina bubuna to'umalidi nidi getedi manudi Yaubada 'inuwanuwa be 'aene 'ida e'isa.”

E'ita'ita 18:10

Ta ma idi matauta 'ina 'elouya manuna, 'enega 'edasolaya sitoolo ta sigwae, “Oioi, oioi, 'asa sinabwana ta waiwaina Babiloni ni'atu 'ana loina 'iloba maninina.”

E'ita'ita 17:18

“Ta waine nina 'u'itena, tauna 'asa sinabwana, ta 'iloiloina bale'u 'ana kiniyao maibo'adi 'ediya.”

E'ita'ita 18:21

'Enega 'ebweu anilose toewaiwai gulewa sinabwa wawasae 'igilagasina ga olaya 'iula mwa'utena, 'igwae, “'Asa nina sinabwana Babiloni 'ibebe'u gulewa gete nadigega, be geya'abo wate 'itenamo.

E'ita'ita 18:2

ga 'enana sinabwanega 'ibwau, “'Asa sinabwana nina Babiloni ni'atu 'ibe'u saba, ga tonitonibwa'a ta yaluyaluwa bi'iyao ta wate manuwa to'umalidi be gadiluludi sie'asaena.

E'ita'ita 17:5

Ta debanaya 'ana esana si'etoladina, 'ana kunuwadawada, 'igwae, “Babiloni sinabwana, nate tosogalao be toloelata gadiluluyao sinadiya.”

E'ita'ita 11:8

Ta kokowadi sida 'eno besobeso 'asa sinabwana solanaya. 'Asa nina lowa 'ida 'Inapwana 'ena sigiekeloseyena, ta 'asa nina 'ana kunuwadawada sieesena Sodoma, nai Itipita.

E'ita'ita 17:1

'Enega anilose nidi sebeni ma idi keiga sebeni Yaubada 'i'ebwa'ediya, 'ebweuna 'ediyega 'imai ga 'ieonegu, 'igwae, “'Umai be yada e'itayo Yaubada 'ina bwa'omatana tosogala 'ai'aila mewainena 'enaya, ta tosogala nina 'ana mwalatoi nate 'asa sinabwana bwasi yauyaudi tupitupidiya si'abina.