E'ita'ita 16:11 - Loina Tabu Auwauna NT

¹¹ Ta Yaubada galewaya si'awa to'umaliyena, bonu nidi uyauyadi manudi, ta nigeya sa'i sida nuwa'ebuni 'idi guinuwa to'umalidi 'ediyega.

E'ita'ita 16:11 Referans Kwoze

E'ita'ita 16:9

Ga ni'atu yaiyai nina sinabwana tomota 'i'alasidi, 'enega Yaubada si'awa to'umaliyena, manuna tauna 'ina loinega ga mwau nidi siapwesama. Ta tuwa tuga, nigeya sinuwanuwa 'ebuni be 'aene Yaubada sida tupu.

E'ita'ita 16:21

Ta wate 'usana sinabwadi ta pulipulidi, nadigega gulewa sinabwadi galewega sisagusaguma tomota 'ediya. 'Enega tomota nidi Yaubada si'awa to'umaliyena 'usana nina to'umali wawasae manuna.

E'ita'ita 16:2

'Enega anilose nuganuganina 'itauya ga 'ina keiga bale'uya 'isiwena, ga bonu to'umali 'ai'ailidi ta uyauyadi siapwesa taudi yobai nina 'ina tokwalui 'ana tobwagobwagoyao 'ediya, taudi nate yobai nina 'ana we'iwe'iyaya 'ediya 'imiyami.

E'ita'ita 11:13

Tuta nina gote 'enaya mwani'ini'i sinabwana 'iapwesa, ga 'asa nina sinabwana 'ana weyala sanau 'ediyega 'ebweu sena 'iligeina, ga tomota 'adi yau sebeni tausani simwawasa mwani'ini'i nina 'enega. Ta tomota nidi taudi situpwa simatauta 'ai'aila, 'enega Yaubada nina galewaya situpuna 'ina waiwai manuna.

E'ita'ita 2:21

Ta ni'atu waine nina 'ina tuta ya'ebwa'ena be 'aene 'ina to'umalina nidi 'ediyega 'ida nuwa'ebuni, ta sa'i geya nuwana be 'ina loyawe nina 'ida guitoyase.

2 Timoti 3:13

Ta wate taudi toto'umalidi be tomota 'adi tokaboyao 'idi to'umalinao sida sinabwa 'ai'aila, manuna Seitani ni'atu 'ikaboedi.