E'ita'ita 14:4 - Loina Tabu Auwauna NT

⁴ Ta taudi tai nidi getedi nigeya siloeloegesi iine ma'ediyao, manuna taudi nuwenuwe boladi tuga, ta esi Lami simuliya 'ai'ailina, 'abo mwa'o nai 'itatauya. Taudi ni'atu Yaubada 'igimi sa'ugagidi tomota 'ediyega, nate Yaubada be Lami 'idi gimisesoi.

E'ita'ita 14:4 Referans Kwoze

E'ita'ita 3:4

“Ta 'aimi Me Salidisa ma 'ami 'oama 'esasedi, 'etamo 'omi ma'egwao tada tauya leleleya ma 'ada 'oama wakewakekena, nate 'ami lobwene.

2 Kolinita 11:2

Manuna 'omi nuwanuwagu, nadigega Yaubada nuwanuwana 'abo'ada, 'enega ni'atu yasawa eyaiyemi Keliso 'enaya, be 'omi 'atuwa gomagweine 'ebweu nadigega 'ina bubuna bobo'ana maibo'ana tai ma'iyana sida ai.

Yemesa 1:18

Ga 'ina nuwanuwa tauna 'enega, ta wate 'ina ona'ai'aila 'enega, 'igimi mweluluida be 'aene 'abo'ada 'ina mwelumweluluwao maibo'adi tada loetana sinedi.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.

Yoni 12:26

“'Enega 'abo yaita nuwanuwana be 'eguya 'ida etoguinuwa, nugana 'ida muliyegu, be 'enega to sena 'enaya yamiyami tauna ma'iyagu, ta wate 'abo yaita manugu 'ida etoguinuwa, Tamagu 'ida 'awa bobo'ane.”

Yoni 10:27

Ta 'abo'agu 'igu sipiyao 'enagu sinonona, ta taudi wate yamwalatonidi ga 'enega simulimuliyegu,

E'ita'ita 17:14

Be 'enega Lami 'enaya sida losaiya, ta Lami nina 'ida ewaiwai sinedi, manuna tauna 'inapwanao 'idi 'inapwana, ta kiniyao 'idi kini, ta wate taudi 'ina esinuwega 'ibwauyedima, taudi 'ana tomuliya 'ai'ailao ma'enao.”

1 Kolinita 6:20

Manuna ni'atu 'iemaisida, 'enega 'ilobweneda be ooda 'ediyega 'ana esana tada giesinabwa.

Yoni 8:12

Ta Yesu 'ediya 'iona limana, 'igwae, “'Abo'agu me bale'u 'idi maedana, be 'enega yaita tauna 'imuliyegu maedana nina yawasina 'ena 'ida sae, ta geya'abo wate guguyoi 'ena 'itautauya.”

1 Pita 2:9

Ta 'omi nigeya nadigega taudi, ta 'omi esi Yaubada 'ina boda esiesinuwami, 'enega 'omi kini nina 'ina totaliyao ta 'ina tomotaiyao 'esasemi, manuna sena guguyoi 'enega 'ibwauyemi, ga 'ina maedana tobobo'ana sana 'ena 'isa'umi, be 'aene 'ina guinuwa bobo'ana gete wada simane.

Epeso 1:14

'atuwa we'iwe'iyaya, be 'enega tamwalamwalatoni 'aene 'ada pali galewaya Yaubada 'enega ma'etamo ta'ewa, be manuna tatupui, be ta'awa eseese.

1 Kolinita 16:15

Sitipana 'ina bodao wamwalatonidi 'aene taudi Keliso 'ana togimi emisao sena Akaya 'enaya, ta ni'atu sitagwaledi Yaubada 'ina tomotaiyao 'adi lema manuna,

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Yoni 13:37

'Enega Pita Yesu 'ienaidena, 'igwae, “'Inapwana, to'ase manuna gete tuga geya'abo yamulimuliyeyo? Ni'atu yatagwalegu be manuyo tuga yada mwawasa.”

Madiu 25:1

Ta Yesu 'ieonedi wate, 'igwae, “Yaubada 'ina loina gete nadigega: Gomagweine site sanau 'idi mayale si'ewedi ga sitauya toai me'olotona sabi aesotena 'ina ai sagalina 'ina mai 'ena manuna.

Madiu 8:19

'Enega 'ebweu loina 'ana toe'ita 'imai ga Yesu 'ieonena, 'igwae, “Toe'ita, nuwanuwagu be yamuliyeyo. To sena 'ena 'utautauya 'abo'agu yada muliyeyo.”

1 Timoti 4:3

'Idi kabo nidi 'aina gete, 'aene ai yage to'umalina, ta wate 'aina masula 'adi 'ai si'etobodedi. Ta 'omi Keliso 'ana toemisao e'ita 'ai'aila wamwalamwalatoni 'aene Yaubada masula maibo'ana 'ibubudi 'e'ai manuna, be 'aene ma ida gwausowala tada 'enidi.

1 Kolinita 7:28

Ta 'abo yaisigedi ni'atu siai nate nigeya loegesi, ta esi aiai nidi 'idi paisewa sinabwana, 'enega nuwanuwagu be yagie kapekapeyanemi.

Madiu 19:12

'aene 'aina 'oloto 'idi tubuwa'unu 'enega nigeya sawesawenaya be siai, ta 'aina 'oloto si'ewedi 'enega nigeya sawesawediya be siai, ta wate 'aidi 'oloto Yaubada 'ina loina manuna taudimo si'etobodedi be geya'abo siaiai. 'Eguma yaita ona gete sawesawenaya be 'imwalatoni, ma ina mwalatoi 'ida nuwasabwaleni.”

Epeso 5:27

be 'enega toekalesiyao 'abo'ada 'ietooloda 'aene 'ina bodao maemaedanida, ta nigeya baila nai 'ebweu to'ase to'umalina 'edaya, ta esi maibo'ana tuga bobo'ana, ta 'esasena.

Ibeliu 12:23

ta wate wamai tomota nidi Yaubada 'i'awa natunedi ga 'adi esanao galewaya 'i'etoladidi 'ediya, ta wate tauna 'abo'ada be yage maibo'ana 'ada toloina, nate Yaubada 'ena, ta wate taudi yaluyaluwadi Yaubada 'igiepaepaluyedi 'ediya,

E'ita'ita 21:22

'Asa nina 'enaya nigeya Anuwa Tabu ya'ita'ita, manuna 'Inapwana Yaubada Toewaiwai sana be Lami taudi Anuwa Tabu nidi tuga.

E'ita'ita 21:23

Sinala be nawalae nigeya sida sae 'asa nina 'enaya, manuna Yaubada 'ina esaesaega 'ituyayalina maibo'ana, ta wate Lami 'iemayale 'asa nina 'enaya.