E'ita'ita 12:2 - Loina Tabu Auwauna NT

² Ta waine nina 'eu'euwanina ta 'i'elo'elouya ga 'ibwaubwau manuna 'iedadama.

E'ita'ita 12:2 Referans Kwoze

E'ita'ita 12:4

Ta yuyunega kwadima yaudi 'iunudi ga 'iuledi bale'uya. 'Eguma kwadima maibo'adi taweyalidi 'etoi sena 'ediya, 'ebweu sena 'ena 'iunu egumwalidi ta 'eluwa sena 'ediya situpwa. Ta yobai nina bweyabweyalina waine matanaya 'itootoolo, be 'abo 'ienatuna, gwama nina 'i'a'ani.

Galetia 4:19

Natugwao, manumi 'ategu 'iuyauya tuta maibo'ana, 'imi sanaila manuna, be 'ana laba Keliso 'emiya 'iapwesa limana, be 'atemiya 'ida miyami, be 'enega 'agu lotoona 'ida bobo'ana limana.

Yoni 16:21

“Nadigega tuga 'abo waine 'ina tuta enatuna 'enaya 'elouya 'ilobaloba, ta 'abo 'ina enatuna mulinaya 'elouya maibo'ana 'inuwapupuledi, manuna gwama ni'atu 'itubuwa ga ma ina gwausowala.

Galetia 4:27

Yage gete manuna Buki Tabu 'ena si'etoladina, 'igwae: “Waine 'oyo megagalina 'uda gwausowala. Lowa nigeya 'uda edadama be 'uda enatuna, ta esi 'uda gwausowala sinabwana natumwao yau wawasae manudi, ta waine nina mamwanena simiyami manatudiyao, ta nigeya yaudi.”

Madiu 24:8

Ta yage getedi tuta mwaudi 'adi 'ebe e'ale tuga.