3 Yoni 1:2 - Loina Tabu Auwauna NT

² Gosiyagu, ma igu sidasida Yaubada 'enaya ooyo 'ina miya bobo'ana manuna, manuna yamwalamwalatoni yaluyaluwayo 'ina miya bobo'ana, ta ma ina gwausowala.

3 Yoni 1:2 Referans Kwoze

2 Pita 3:18

Ta esi 'ida 'Inapwana, tauna 'ada To'etoseyana Yesu Keliso, 'ana mwalatoi be 'ina oboboma 'emiya 'ida sinabwa, ta tauna tada tupu atae. Eimeni. 'Abo'agu Saimoni Pita

1 Pita 4:8

'Enega wada eobooboboma 'ai'aila 'ebweuna 'ebweuna 'emiya, manuna oboboma yage maibo'adi 'isinabwa sinedi. Ta wate oboboma sawesawenaya be to'umalina yaudi 'ikweudi.

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

Pilipai 2:4

Ta geya'abo taumimo 'imi guinuwa manuna wanuwanuwa, ta esi gosemiyao 'idi miya bobo'ana manuna wada nuwanuwa.

E'ita'ita 2:9

“Ni'atu yamwalatonina 'imi 'elouyao, nate 'omi gomagomabesomi, ta esi wada nuwa'i'isi 'aene 'omi ma imi esaesa, ta wate ni'atu yamwalamwalatoni 'aene 'aidi Seitani 'ina bodao si'awa'awa to'umaliyemi, ta wate sigwae, ‘'Abo'ama me Yudia,’ ta nigeya. Taudi esiya tuga Seitani 'ina bodao.

Yemesa 5:12

Ta tasigwao, 'ebweu wate yage sinabwana 'edaya 'aene geya'abo wasawasawa tamatamana Tamada 'ana esanega, nai bale'u yagenao 'ediyega, nai to yage tuga 'ediyega, 'abo 'imi onaupaupa 'ediya, ta esi wada gwae, “O,” 'abo 'imi nuwanuwa nadigega, ta 'abo nigeya, wada gwae, “Nigeya.” Manuna 'abo yage sinabwadi wa'inanadi, 'etamo Yaubada 'ietalaemi.

Pilipai 2:27

Ona'ai'aila, ni'atu 'ile'oasa sinabwana, ta sa'i Yaubada 'i'atenuwa 'ole'oleyena, ta wate 'abo'agu 'i'atenuwa 'ole'oleyegu, 'abona nai Epapilodito 'ina mwawasa 'enega yada nuwamwau 'ai'aila.

2 Tesalonaika 2:13

Gosemao, ona'ai'aila 'ida 'Inapwana 'iobobomemi, manuna gimituta 'enaya 'iesinuwemi be 'aene Yaluyaluwa Tabuna 'enega 'ida gie'esasemi, be tetela 'ai'aila wada emise 'ami 'etoseyana manuna, 'enega 'ilobwenema be tuta maibo'ana manumi 'ada lokagutoki Yaubada 'ena.

Madiu 9:12

Ta Yesu ona gete 'inonona ga 'ieonedi, “Taudi bobo'adi geya nuwadi togile'oasa, ta tole'oasao esiya nuwanuwadi togile'oasa.

3 Yoni 1:1

'Abo'agu 'imu 'ena'i, ta leta gete ya'etoladinawa 'oyo gosiyagu Geyo 'emuya. Ona'ai'aila, 'ateguyega yaobobomemu.