2 Timoti 4:2 - Loina Tabu Auwauna NT

² 'Amu loina nina gete: Tuta maibo'ana 'uetapewa waiwai be tetelina 'usimane, tuta mwau ta tuta gwausowala 'ediya, be tomota 'ediya 'uloguguya be siemisa, ta wate 'ugiepaludi be 'ugiewaiwaiyedi, ta yage nidi getedi 'ue'ita 'ai'ailidi ma imu 'alama'i'ita.

2 Timoti 4:2 Referans Kwoze

1 Tesalonaika 5:14

Ta gosemao, 'ilobwenemi wate be tologwautoyasao waloguguyadi, be to'atesa'ala wagie 'atepatudi, be toneneta walemedi, ta yage nidi getedi e'alama'i'itega wada guinuwedi.

Taito 2:15

E'ita getedi 'ue'itaedi tomota 'ediya, ta loina palupaluna 'enega 'uguguyadi be sida bubuna bobo'ana. Geya'abo 'ebweu yaita 'ie'idi'idiyeyo.

1 Timoti 4:13

Ta wate tapwalolo solanaya Buki Tabu 'uda sawa, be 'uda loguguya, be 'uda e'ita, be 'ana laba yaapwesawa.

E'ita'ita 3:19

“Ta wada nuwa'i'isi 'aene yaisigedi 'omi yaobobomemi, 'enapa'alega be loinega yagiepaepaluyemi. 'Enega wada ewaiwai be 'imi to'umalina 'enega wada nuwa'ebuni.

Taito 1:13

Palopita nina 'ina ona gete ona'ai'aila. 'Enega 'u'enapa'alidi be 'aene sinuwa'ebuni be siemisa 'ai'aila.

2 Timoti 2:21

Ta 'enega nadigega 'abo yaita 'ina bubuna to'umalina 'ediyega tauna 'igie'esasa lima, tauna 'ida egaeba bobo'ana, be 'ina 'inapwana 'ida aseye 'ina guinuwa bobo'adi manudi.

Galetia 6:6

Tapwalolo 'ana toe'itao, 'eguma sinasinapu sie'itada, 'ilobweneda be gwegwe ta'ebwa'edi, 'abo to'ase 'ediya 'ikukupa.

Loma 12:12

Ta wanuwayai 'aene ma'etamo Yaubada 'ina lema 'iapwesa 'edaya be manuna wada gwausowala, 'enega 'imi miyamwau 'ediya wada sidasida Yaubada 'enaya ma imi 'alama'i'itana.

2 Timoti 3:10

Ta 'oyo ni'atu 'umwalatonigu, 'igu e'ita, be 'igu bubuna, 'igu 'edao, 'igu emisa, 'igu 'alama'i'ita, ta 'igu oboboma, be 'igu toolopa'ala,

1 Timoti 5:20

Ta 'eguma toanugana 'ina to'umalina wa'italoba, 'uda 'enapa'ali tomota yaudi matadiya, be 'enega taudi wate loegesi nina geya'abo 'ena silugulugu.

Kolose 1:25

Ta toekalesiyao 'omi manumi 'abo'agu wate Yaubada 'ina loinega yaetoanugana, be 'aene Yaubada 'ina ona yasimana apwese,

Loma 10:15

Ta 'abo 'Inapwana tologuguyao 'ietunedi, be sitatauya 'ediya, 'iabe Yesu tetelina sinono, be siemise, be 'enega 'abo 'ana esanega sisidasida, 'ida 'etoseyedi. Manuna ni'atu Buki Tabu 'ena nadigega 'isimana'esa, 'igwae, “Tologuguya nidi taudi tetela bobo'ana sime'ena 'edaya, manudi tada gwausowala.”

Guinuwa 20:7

Wiki 'ana gimi 'asiyata 'ena maibo'ama 'adeli egogona beledi gitogitomwana 'ana 'ebe nuwa'i'ita sabi guinuwena, ga Paulo 'iloguguya, manuna mali 'asiyataya 'ina tuta tauya. Ta 'ina ona guguya nina 'iloedudulina ga 'ana laba niuniuwanaya, ta tuwa tuga 'etamo 'iloguloguguya.

Guinuwa 16:13

Ga Sabateya 'asega 'aapwesa 'ebweu bwasi tuputupinaya, sena nina 'anuwena 'ebe lotapwalolo, ga 'enaya 'amiyatowa, ta iine ni'atu siegogonama wate ma'emao 'a'awa'awagwae.

Luke 9:60

Ta Yesu 'igwae, “Tuwa nada tamayo, ta taudi tomwawasa 'idi tomwawasao sida sa'u'ali'aliyedi. Ta 'oyo esiya 'imu paisewa 'aene 'uda etosimana Yaubada 'ina etoloina manuna.”

Luke 7:4

Ta 'inapwanao nidi ni'atu simai Yesu 'ena ga si'awanoi, sigwae, “'Inapwana, nuwanuwama 'uma be tatatauya be gosemai 'ina 'ali'ei 'ebweuna 'ile'oasa 'uda giebobo'ane,

1 Tesalonaika 5:20

'enega 'eguma 'ebweu tologuguya e'ita auwauna 'iona apwesei, geya'abo waguiguitoyase,

Luke 7:23

'Enega watauya be Yoni waeona be geya'abo manugu 'ienuenuwanaluwa, manuna 'abo yaita 'ina emisa manugu nigeya 'ineeneta, tauna 'ida gwausowala.”

2 Timoti 2:25

Ta wate 'ada talauwalao 'ediya 'ida bubuna ma'anuwaena 'enega tagiepaludi, be 'enega Yaubada, 'abo kapekapeyana, 'ilemedi be sinuwa'ebuni, be e'ita 'ai'aila simuliyedi,

Ibeliu 13:22

Gosegwao, 'imi leta gete kukupana tuga ta yasida 'emiya be ma imi 'alama'i'ita 'igu loguguya gete wada nono.

Guinuwa 28:16

Gote 'enega 'atauya ga Loma 'ena 'aapwesa, ta tolosaiyao Paulo sitagwalena be 'ida miya dumaduma, be 'ana to'ita'i'ita tolosaiya 'ebweuna namo tuga.

Guinuwa 13:5

ga 'asa 'ana esana Salami 'enaya sisuya, ga nada me Yudia 'idi anuwa tapwalolo 'ena Yaubada 'ina ona sisimanena. 'Ebweu 'idi 'ali'ei ma'edi sisakosakowasi, 'ana esana Yoni.

Kolose 4:3

'Abo'ama wate manuma wada sidasida, be 'enega Yaubada 'eda 'ida gieapwese 'emaya, be 'enega Keliso tetelina kwaikwaiyina 'ada simasimana apwese tomota 'ediya, tauna tetela nina gete 'ana simana manuna sisa'u luguyegu deliya.

1 Tesalonaika 1:6

'Enega ni'atu waetotowanema, ta wate 'ida 'Inapwana waetotowanena, ga ma imi miyamwau, ta tetela nina wa'ewena ma imi gwausowala, ta gwausowala nina Yaluyaluwa Tabuna 'enega 'imai.